NUMERA 3:8 - Buka Helaga (Hiri Motu) 1993

⁸ Idia ese Palai Dubu lalonai noho kohu ibounai do idia naria, bona Israela taudia durua totona, Palai Dubu naria gaukara do idia karaia.

NUMERA 3:8 Iomraidhean Croise

1 SIVARAI 23:27

Davida do ia mase lasi neganai, iena hereva dokona ta be Levi taudia, edia mauri lagani 20 idia hanaia taudia ibounai be gaukara totona edia ladana do idia torea.

2 SIVARAI 29:11

Egu natuna e, do umui noho kava lasi, badina be Lohiabada ese umui ia abia hidi, iena hesiai gaukara do umui karaia, ia dekenai do umui tomadiho, bona ia dekenai muramura mai bonana namo do umui gabua totona.”

ISAIA 52:11

Dubu Helaga ena kohu umui huaia noho taudia e, Babulonia dekena amo do umui raka siri momokani! Miro gauna ta do umui dogoatao lasi. Do umui helaga noho, bona unai gabu do umui rakatania.

NUMERA 10:17

Vadaeni Palai Dubu idia kokia, bona Geresone bona Merari iduhu taudia ese idia huaia lao.

NUMERA 10:21

Vadaeni Kohata taudia ese kohu helagadia idia huaia. Kamepa matamata do idia ginidae lasi neganai, Palai Dubu be Levi taudia haida ese gabu matamata dekenai idia haginia lou guna vadaeni.

NUMERA 3:7

Idia ese Arona totona bona Israela taudia ibounai totona, Lohiabada ena Palai Dubu ena gaukara do idia karaia.

NUMERA 3:9

“Levi taudia be Arona, mai ena natuna tau dekenai do oi henia. Israela taudia ibounai edia huana dekena amo, Levi taudia sibona ese Arona ena hesiai gaukara do idia karaia.

NUMERA 31:30

“To hanua dekenai noho taudia edia kahana dekena amo, kahana 50, bona 50 dekena amo kahana ta ta do umui abia siri, Lohiabada ena, taunimanima, bona boromakau, doniki, bona mamoe. Vadaeni Levi taudia, Lohiabada ena Palai Dubu idia naria taudia dekenai do umui henia.”

NUMERA 4:15

“Arona mai ena natuna danu be inai Helaga Gabuna mai ena kohu helagadia ibounai idia koua namonamo murinai, bona Israela taudia ese edia palai ruma do idia huaia gwauraia neganai, Kohata iduhu taudia ese unai helaga gaudia huaia totona do idia raka mai. To idia ese unai helaga gaudia ta do idia dogoatao lasi, do idia mase garina. “Inai gaudia ibounai be Kohata iduhu taudia ese do idia huaia lao, Palai Dubu idia kokia negadia ibounai.

NUMERA 4:28

“Inai gaukara ibounai be Geresone iduhu taudia ese do idia karaia, Palai Dubu do idia naria namonamo totona. Idia edia gaukara be hahelagaia tauna Arona ena natuna Itamara ese do ia naria bona hadibaia.”

NUMERA 4:33

“Inai gaukara ibounai be Merari iduhu taudia ese do idia karaia, Palai Dubu naria namonamo totona. Idia edia gaukara be hahelagaia tauna Arona ena natuna Itamara ese do ia naria bona hadibaia.”