NUMERA 3:6 - Buka Helaga (Hiri Motu) 1993

⁶ “Levi taudia do oi hakaua mai, hahelagaia tauna Arona ena vairana dekenai do idia gini, bona iena hesiai gaukara do idia karaia.

NUMERA 3:6 Iomraidhean Croise

1 SIVARAI 15:2

Bona Davida ia gwau, “Tau ta ese Dirava ena Taravatu Maua do ia huaia lasi, to Levi taudia sibona. Badina be Lohiabada ese Levi taudia ia abia hidi vadaeni, Lohiabada ena Taravatu Maua do idia huaia, bona iena hesiai gaukara do idia karaia ela bona nega ibounai.”

1 SIVARAI 23:28

Edia gaukara be inai: Arona ena bese taudia do idia durua, Lohiabada ena Dubu Helaga ena tomadiho gaukara totona, Dubu ena ariara magu bona daiutu do idia naria, gau helagadia do idia hagoevaia, bona Dirava ena Dubu Helaga ena gaukara idauidau do idia karaia.

1 SIVARAI 23:32

Unai dainai Levi taudia ese Palai Dubu bona Helaga Gabuna naria gaukara do idia karaia noho, bona edia tadikakadia Arona ena bese taudia edia henunai, hesiai gaukara do idia karaia, Lohiabada ena Dubu Helaga lalonai.

1 SIVARAI 6:33

Inai gaukara idia karaia taudia, mai edia natudia danu, edia ladana be inai: Kohata iduhu: Ane abia tauna, Hemana, Ioela ena natuna tau. Inai Ioela be Samuela ena natuna tau,

2 SIVARAI 29:11

Egu natuna e, do umui noho kava lasi, badina be Lohiabada ese umui ia abia hidi, iena hesiai gaukara do umui karaia, ia dekenai do umui tomadiho, bona ia dekenai muramura mai bonana namo do umui gabua totona.”

ESERA 6:18

Bona hahelagaia taudia, edia orea ta ta dekenai, bona Levi taudia danu, be edia gaukara ta ta totona idia abia hidi, Dubu Helaga ena gaukara idauidau do idia karaia, Ierusalema dekenai. Inai gaukara ta ta idia henia, Mose ena Buka lalonai ia torea hegeregerena.

MALAKI 2:4

Unai bamona lau karaia neganai, do umui diba inai oda goadana umui dekenai lau henia momokani vadaeni. Inai oda do umui badinaia, bona umui ese gwauhamata helagana, lau bona hahelagaia taudia, Levi taudia unai, ita karaia gauna, be do umui hamakohia lasi. Lau, Siahu Ibounai Lohiabada lau hereva inai.

NUMERA 18:21

Lohiabada ese ma Arona ia hamaoroa, ia gwau, “Israela taudia edia gau be karoa 10 dekena amo, karoa ta be lau Lohiabada dekenai idia henia noho. Bona unai karoa ta be lau ese Levi taudia dekenai lau henia noho, edia gaukara ena davana, Palai Dubu lalonai lauegu hesiai gaukara idia karaia noho dainai.

NUMERA 2:17

Idia edia murinai Levi taudia ese Palai Dubu do idia huaia lao, edia palai rumadia danu. Levi taudia be tuari taudia edia huanai momokani do idia raka lao. Orea ta ta idia raka lao gabudia be edia kamepa gabudia hegeregerena. Orea ta ta be edia pepe ta ta henunai.

NUMERA 2:33

To Lohiabada ese Mose ia oda henia hegeregerena, Levi taudia be Israela taudia danu idia duahia hebou lasi.

NUMERA 3:5

Lohiabada ese Mose ia hamaoroa, ia gwau,

DEUTERONOMI 10:8

Unai neganai Lohiabada ese Levi iduhuna ia abia hidi. Levi taudia ese Lohiabada ena Taravatu Maua do idia huaia, bona Lohiabada ena vairana dekenai do idia gini, iena gaukara do idia karaia, bona Lohiabada ena ladana do idia hanamoa, ia mai bona hari dina.