NUMERA 3:45 - Buka Helaga (Hiri Motu) 1993

⁴⁵ “Levi taudia do oi abia, idia be lauegu do idia lao, idia ese Israela ena vara guna natudia edia gabu do idia abia. Ma danu Levi taudia edia boromakau bona mamoe do oi abia, idia ese Israela taudia edia vara guna boromakau bona mamoe edia gabu do idia abia.

NUMERA 3:45 Iomraidhean Croise

ESODO 34:20

To bema umui ura emui doniki, vara guna gauna do umui hoia lou, iena davana do umui henia, mamoe ena natuna ta. To bema iena davana umui karaia lasi, unai doniki ena aiona do umui makohia. Bona umui emui vara guna natuna memero ibounai edia davana do umui karaia. “Bema tau ta be mai ena harihari gauna lasi, ia be lauegu vairana dekenai do ia hedinarai lasi.

MALAKI 2:4

Unai bamona lau karaia neganai, do umui diba inai oda goadana umui dekenai lau henia momokani vadaeni. Inai oda do umui badinaia, bona umui ese gwauhamata helagana, lau bona hahelagaia taudia, Levi taudia unai, ita karaia gauna, be do umui hamakohia lasi. Lau, Siahu Ibounai Lohiabada lau hereva inai.

NUMERA 18:6

“Lau Lohiabada ese oiemu varavara, Levi taudia Israela orea edia huana dekena amo lau abia hidi, bona oi dekenai lau henidia. Idia be lau Lohiabada, egu, bona unai dainai Palai Dubu lalonai gaukara idia karaia diba.

NUMERA 3:12

“Kamonai, lau ese Israela taudia edia huana dekena amo Levi taudia lau abia hidi vadaeni. Hari idia be lauegu. Lau ese Levi taudia lau abia, idia ese Israela taudia edia vara guna natudia edia gabu do idia abia.

NUMERA 3:44

Lohiabada ese Mose ia hamaoroa, ia gwau,

NUMERA 8:16

Badina be Israela taudia edia huana dekena amo oi ese lau dekenai oi henidia, lauegu. Lau ese idia lau abia, idia ese Israela taudia edia vara guna natudia edia gabu idia abia vadaeni.