NUMERA 3:36 - Buka Helaga (Hiri Motu) 1993

³⁶ Merari iduhu taudia edia gaukara be inai: Palai Dubu ena haba turia, reirei latadia, du, du edia henunai idia atoa maua ibounai, bona unai gau edia kohu ibounai do idia naria. Inai gaudia naria totona gaukara ibounai be Merari iduhu taudia ese do idia karaia.

NUMERA 3:36 Iomraidhean Croise

ESODO 26:32

Koua dabua helagana be du 4 dekenai do umui taua dae. Du ibounai 4 be akasia audia dekena amo do umui karaia. Inai du be golo dekena amo do umui koua. Bona unai du be siliva maua 4 edia matudia lalonai do umui haginia. Kimai haida golo dekenai do umui karaia, bona du edia latanai kimai do umui kwatua kau.

ESODO 26:37

Koua dabua dogoatao totona, be akasia audia du ibounai 5 do umui haginia, mai edia golo kimai. Inai du be golo dekena amo do umui koua. Inai du be edia lalonai do idia gini totona, maua 5 do umui karaia, auri laboralabora dekena amo.”

ESODO 35:11

Palai Dubu, bona iena guhi bona koua dabua, iena kimai, iena haba turia, iena reirei latadia, iena du bona du do idia gini dekenai maua gaudia.

ESODO 35:18

Palai Dubu bona koua dabua edia varo bona varo edia ikoko danu do umui karaia.

ESODO 36:36

Du ibounai 4 be akasia audia dekena amo idia karaia, koua dabua taua dae totona. Inai du be golo dekenai idia koua. Siliva maua 4 edia matudia lalonai du idia haginia. Kimai haida be golo dekenai idia karaia, bona du edia latanai kimai idia kwatua kau.

ESODO 39:33

Israela taudia ese Palai Dubu, mai ena kohu ibounai idia mailaia, gaudia be inai: Iena kimai, iena haba turia, iena reirei latadia, iena du, bona du do idia gini lalonai maua gaudia.

NUMERA 3:35

Inai Merari iduhu ena kamepa gabuna be Palai Dubu ena mirigini kahanai, bona inai iduhu ena lohia tauna be Suriele Abihaili.

NUMERA 3:37

Idia ese danu Palai Dubu ia hagegea koua dabua maguna ena du, du henunai idia atoa maua, ikoko bona varo idia naria bona gaukaralaia.

NUMERA 7:8

Ma treila 4 bona boromakau 8 be Merari iduhu taudia dekenai ia henia. Unai taudia edia gaukara ibounai be hahelagaia tauna Arona ena natuna Itamara ese ia biagua.