NUMERA 3:13 - Buka Helaga (Hiri Motu) 1993

¹³ Badina be Aigupito taudia edia vara guna natudia ibounai lau alaia mase dinana dekenai lau ese Israela taudia edia vara guna natudia lau abia siri, lauegu, taunimanima edia vara guna ibounai, bona mauri gaudia edia vara guna ibounai danu. Idia be helaga, lauegu. To hari inai Israela taudia edia vara guna natudia edia gabu, lau sibona egu, be Levi taudia ese idia abia vadaeni. Lau ese Levi taudia lau abia hidi, idia be lauegu. Lau inai Lohiabada.”

NUMERA 3:13 Iomraidhean Croise

NEHEMIA 10:36

“Bona ita ibounai iseda natudia tau vara gunadia be hahelagaia taudia, Dubu Helaga dekenai, do ita abia lao, Dirava dekenai do ita henia, Taravatu lalonai ia torea hegeregerena. Iseda boromakau, mamoe bona nanigosi edia vara guna natudia danu, be Dubu Helaga dekenai, Lohiabada dekenai do ita henia.

ESODO 13:12

Unai neganai umui emui vara guna memero ibounai Lohiabada dekenai do umui henia. Emui ubua gaudia danu, vara guna tau ibounai be Lohiabada ena.

ESODO 13:15

“ ‘Vadaeni Farao ese ia auka, bona ai ia dogoatao gwauraia neganai, Lohiabada ese guna idia vara memero ibounai Aigupito tano dekenai ia alaia mase, taunimanima bona ubua gaudia danu. Vadaeni guna idia vara ubua gaudia ibounai be Lohiabada ena boubou gauna dekenai ai halaoa, to aiemai natuna tau, guna idia vara, be ai hoia lou, edia davana ai karaia Lohiabada ena.

ESODO 13:2

“Guna idia vara mero ibounai lau dekenai do umui hahelagaia. Israela edia vara guna mero, ia tau o ubua gauna, vadaeni ia be lauegu.”

ESODO 22:29

“Emui uma dekenai hadoa gaudia edia anina dekena amo boubou gauna lau dekenai do umui henia, dogoatao noho lasi. “Umui emui vara guna natuna merona lau dekenai do umui henia.

ESODO 34:19

Vara guna memero ibounai be lauegu. Boromakau natudia tau vara guna gaudia bona mamoe natudia tau vara guna gaudia danu be lauegu.

ESEKIELA 44:30

“Uma gaudia, idia vara guna gaudia idauidau ibounai bona emui harihari gaudia idauidau ibounai, be hahelagaia taudia do idia abia, edia. Bona umui ese beredi umui gabua neganai ibounai, umui ese emui beredi ginigunana danu be hahelagaia taudia dekenai do umui henia. Unai bamona umui karaia neganai, lau Dirava ese emui ruma ta ta do lau hanamoa.

LEVITIKO 27:26

“Mauri gaudia edia vara guna natudia be Lohiabada ena. Unai dainai tau ta ese unai bamona ta Lohiabada dekenai ia hahelagaia diba lasi. Boromakau natuna vara guna, bona mamoe natuna vara guna ibounai be Lohiabada ena.

NUMERA 18:15

“Mauri gaudia edia natuna vara guna ibounai, taunimanima edia natudia vara guna, bona ubua gaudia edia natuna vara guna, be lau Lohiabada dekenai do idia henia. Idia ibounai be umui emui. To taunimanima edia vara guna natudia, bona gau mirodia edia vara guna natudia totona, edia davana do idia karaia umui dekenai.

NUMERA 18:6

“Lau Lohiabada ese oiemu varavara, Levi taudia Israela orea edia huana dekena amo lau abia hidi, bona oi dekenai lau henidia. Idia be lau Lohiabada, egu, bona unai dainai Palai Dubu lalonai gaukara idia karaia diba.

NUMERA 3:41

To edia gabu dekenai lau ese Levi taudia ibounai lau abia inai, lauegu! Lau be Lohiabada! Lau ese danu Levi taudia edia boromakau bona mamoe lau abia inai! Idia ese Israela taudia edia boromakau bona mamoe, vara guna gaudia, edia gabu do idia abia!”

NUMERA 33:4

Unai be Aigupito taudia ese edia natudia vara guna idia guria dinana. Badina be Lohiabada ese edia natudia vara guna ia alaia mase vadaeni, bona Lohiabada ese danu ia hedinaraia vadaeni, iena siahu ese Aigupito ena dirava edia siahu ia hereaia momokani.

LUKA 2:23

Lohiabada ena taravatu dekenai ia torea hegeregerena, ia gwau, “Vara guna mero ibounai be idia helaga, Lohiabada ena.”

HEBERU 12:23

Dirava ena vara guna natuna taudia edia hebou gabuna dekenai umui ginidae vadaeni. Unai natuna taudia edia ladana be guba dekenai idia torea vadaeni. Umui be Dirava dekenai umui ginidae vadaeni. Ia be taunimanima ibounai edia Kota Biaguna Badana. Dirava ese ia gwauraidia maoromaoro taudia ibounai edia lauma danu be unai gabu dekenai idia noho, mai edia goevagoeva danu.