NUMERA 28:6 - Buka Helaga (Hiri Motu) 1993

⁶ Inai boubou ruaosi be dina ibounai do umui henia, idia gabua ore gaudia. Sinai Ororo dekenai inai bamona bouboudia idia henia hamatamaia. Ia be aniani boubouna, mai bonana namo Lohiabada dekenai.

NUMERA 28:6 Iomraidhean Croise

AMOSA 5:25

“Israela taudia e, umui be taunimanima idia noho lasi tano dekenai lagani 40 lalonai, umui lau hakaua noho. To unai nega lalonai boubou gaudia lau dekenai umui mailaia, a?

ESEKIELA 46:14

Daba ta ta ibounai danu, unai mamoe danu paraoa boubouna do umui henia, ena metau 2 kilogaram, bona olive dehoro ena metau lita ta, paraoa danu do idia mikisi totona. Inai paraoa boubouna, Lohiabada ena, daba ibounai gauna, be noho hanaihanai taravatuna.

SALAMO 50:8

Emui boubou gaudia dainai umui lau gwau henia lasi. Emui gabua boubou gaudia, be nega ibounai egu vairana dekenai idia noho.

ESERA 3:4

Bona Buka ia torea hegeregerena, Au Raurau Ruma Maragidia Aria idia karaia, ma dina ta ta boubou gaudia idia gabua, Buka ena taravatu hegeregerena.

2 SIVARAI 31:3

King Hesekaia ese ia henia gaudia be ia sibona ena boromakau bona mamoe dekena amo, bona idia be daba bona adorahi edia gabua bouboudia, Sabati Dinadia, bona Hua Matamata, bona Lohiabada ena Taravatu ia gwauraia aria gabua bouboudia totona.

2 SIVARAI 2:4

Lau ese egu Dirava, Lohiabada, ena Ladana do lau hanamoa totona Dubu Helaga ta do lau haginia. Inai Dubu be helaga gabuna, bona unuseni egu basileia taudia, bona lau ese Lohiabada do ai tomadiho henia. Ai ese bonana namo muramura inai Dubu lalonai do ai gabua, paraoa helagana be nega ibounai do ai henia noho, bona gabua bouboudia be daba bona adorahi ibounai bona Sabati Dinadia, Hua Matamata ariadia bona dina helagadia haida danu do ai henia noho, Lohiabada, aiemai Dirava do ai hanamoa totona. Badina be ia ese Israela taudia ia oda henia vadaeni, inai bamona bouboudia do idia henia ela bona hanaihanai.

LEVITIKO 6:9

idia gabua ore bouboudia totona Arona bona iena natuna tau dekenai inai taravatu do ia henia: Boubou gauna be boubou patana ena latanai do ia noho ela bona dabai, lahi danu do ia gabua noho ela bona dabai.

ESODO 31:18

Dirava ese Sinai Ororo dekenai Mose ia hereva henia ore neganai, Taravatu nadi ruaosi Mose dekenai ia henia. Unai nadi palaka ruaosi be Dirava ese iena imana kwakikwakina dekena amo Taravatu ia torea nadidia.

ESODO 24:18

Mose ese ororo dekenai ia daekau, ori lalonai, bona dina 40 bona hanuaboi 40 edia lalonai unuseni ia noho.

FILIPI 2:17

Emui abidadama be boubou gauna hegeregerena, umui ese Dirava dekenai umui henia. Bona bema egu mauri rarana be do idia habubua, unai emui boubou gauna do lau hahelagaia totona, lau be do lau moale, bona lauegu moale dainai, umui ibounai danu do umui moale.

NUMERA 28:5

“Inai mamoe ta ta danu be paraoa boubou do umui henia, paraoa namo herea ena metau be kilogaram ta, olive dehoro namo herea ena bada lita ta dekena amo umui mikisi gauna.

NUMERA 28:7

“Uaina bouboudia be, mamoe ginigunana, dabai gauna umui gabua neganai, do umui henia. Unai uaina ena bada lita ta, be boubou patana ena latanai do umui bubua.

ESEKIELA 46:15

Unai dainai mamoe natuna, bona paraoa boubouna bona olive dehoro, be daba daba ibounai do umui henia, gabua ore boubouna totona nega ibounai, doko lasi.”

LEVITIKO 27:34

Inai taravatu be Lohiabada ese Mose dekenai ia henia, Sinai Ororo dekenai, Israela taudia totona.