NUMERA 28:3 - Buka Helaga (Hiri Motu) 1993

³ “Ma idia do oi hamaoroa, lahi bouboudia lau Lohiabada dekenai do idia henia be inai: Dina ta ta dekena amo, mamoe natudia tau rua, lagani tamona gaudia, bero lasi bona toto lasi gaudia, do umui henia, emui gabua ore bouboudia, ela bona nega ibounai.

NUMERA 28:3 Iomraidhean Croise

1 SIVARAI 16:40

Unuseni gabua boubou gaudia be boubou patana ena latanai idia henia, daba ibounai, bona adorahi ibounai dekenai, Lohiabada ena taravatu, Israela dekenai ia henia, ia torea vadaeni gauna, ena hereva hegeregerena.

2 SIVARAI 8:13

Dina ta ta edia taravatu hegeregerena be Solomona ese unai bouboudia ia henia, Mose ena taravatu hegeregerena, Sabati Dinadia edia, hua matamatadia edia, bona Aria toiosi, lagani ta ta dekena amo idia karaia gaudia, Hatubua Lasi Paraoa Aria, Pura Aria, bona Au Raurau Ruma Maragidia Aria.

ESERA 3:5

Ma danu, idia ese idia gabua boubou gaudia idauidau idia henia, Hua Matamata Aria gaudia, bona Lohiabada tomadiho negadia ibounai idia henia gaudia, bona edia harihari gaudia, Lohiabada idia lalokau henia dainai henia gaudia, inai boubou gaudia ibounai idia henia.

DANIELA 11:31

“Iena tuari taudia haida do idia toreisi, Dubu Helaga ena helaga bada gabuna do idia hadikaia. Dina ibounai idia karaia boubou gauna do idia hadokoa, bona Hadikaia Dika Rohoroho Gauna do idia haginia.

DANIELA 12:11

“Dina ibounai karaia boubou gauna do idia hadokoa, ela bona Hadikaia Dika Rohoroho Gauna do idia haginia dina dekenai, be dina 1290 do idia ore.

DANIELA 8:11

Io, unai doa maragina ese guba taudia edia Biaguna danu ia dagedage henia, bona iena dina ibounai boubou henia gauna ia koua, bona Dubu Helaga ena gaukara ia hadikaia.

DANIELA 8:13

Unai neganai lau kamonai aneru ta ese aneru ma ta ia nanadaia, ia gwau, “Inai mata hanai dekenai ia vara kara, dina ibounai boubou totona gauna, be do ia noho ela bona edena negai? Unai kara dika rohoroho ese dina ibounai boubou henia gauna ena gabu ia abia, bona guba ena taudia, bona Dubu Helaga do ia moia diho ela bona edena negai?”

LEVITIKO 3:5

Inai vamu ibounai be hahelagaia taudia ese boubou patana ena lahi dekenai do idia gabua, idia gabua ore boubouna edia latanai. Inai vamu idia gabua neganai, ena bonana be namo herea Lohiabada dekenai.

LEVITIKO 6:9

idia gabua ore bouboudia totona Arona bona iena natuna tau dekenai inai taravatu do ia henia: Boubou gauna be boubou patana ena latanai do ia noho ela bona dabai, lahi danu do ia gabua noho ela bona dabai.

AMOSA 4:4

Lohiabada Dirava ia gwau, “Israela taudia e, umui lao, Betele ena helaga gabuna dekenai do umui kara dika! Gilegala dekenai danu do umui lao, bona mai emui goada danu do umui kara dika! Bona daba ibounai umui ese boromakau bona mamoe be boubou gaudia totona do umui mailaia. Bona dina ihatoina ibounai dekenai, emui kohu kahana 10 dekena amo kahana tamona do umui mailaia, emui harihari gauna lau dekenai totona.

NUMERA 28:10

Inai gabua ore boubouna be Sabati Dinadia ibounai do umui henia, dina ibounai bouboudia danu do umui henidia hebou, mai edia uaina bouboudia danu.

NUMERA 28:15

Bona dina ibounai dekenai be nanigosi tau ta, kara dika boubouna totona do umui henia. Inai ibounai be dina ibounai ena gabua ore boubouna, bona iena uaina boubouna danu do umui henia hebou.

NUMERA 28:23

Inai boubou do umui karaia, ma dina ibounai bouboudia dabai bona adorahi gaudia do umui karaia noho.

NUMERA 28:24

“Unai dina 7 lalonai unai vamu bouboudia be dina ta ta Lohiabada dekenai do umui gabua ore, bonana namo Lohiabada ena, ma dina ibounai gabua ore bouboudia, bona ena uaina bouboudia danu do umui henia hebou.

NUMERA 28:31

“Inai anina utua boubou be dina ibounai gabua ore boubou danu do umui henia, mai ena uaina bona paraoa boubouna danu. Do umui itaia namonamo, mauri gaudia namodia momokani, bero o toto lasi gaudia sibona do umui henia.”

NUMERA 28:4

Mamoe ena natuna ta be daba dekenai do umui henia, bona mamoe iharuana be adorahi neganai do umui henia.

NUMERA 29:11

“Ma nanigosi tau ta, kara dika gwauatao boubou totona do umui henia. Ma kara dika totona boubouna ta, taunimanima edia kara dika davana karaia totona, danu do umui karaia. Dina ibounai gabua ore boubou mai ena paraoa boubou, bona mai edia uaina bouboudia danu do umui karaia unai dina dekenai.

NUMERA 29:16

“Ma nanigosi tau ta, kara dika boubou totona do umui henia. Inai bouboudia be dina ibounai gabua ore boubou danu do umui henia, mai ena paraoa boubou bona uaina boubouna danu.

NUMERA 29:6

“Inai bouboudia be hua ta ta edia dina ginigunana boubou, bona dina ibounai gabua ore boubou danu do umui henia, mai edia paraoa bona uaina bouboudia do umui henia hebou. Inai aniani bouboudia be Lohiabada dekenai mai edia bonana namona.

IOANE 1:29

Kerukeru dabai Ioane ese Iesu ia itaia, ia dekenai ia raka mai, vadaeni ia gwau, “Itaia, Dirava ena Mamoe Natuna ia mai inai, ia be tanobada ena dika kokia tauna.

HEBERU 9:6

Gau ibounai unai bamona idia karaia, bona dina ibounai hahelagaia taudia ese daiutu ginigunana, Helaga Gabuna, dekenai idia raka vareai. Unuseni Dirava ena gaukara idia karaia.

APOKALUPO 13:8

Tanobada noho taudia ibounai, edia ladana be mauri buka dekenai idia torea lasi taudia ese, unai dagedage gauna do idia tomadiho henia. Inai mauri buka be Mamoe ena Natuna ena. Tanobada ia do karaia lasi neganai, Dirava ia diba unai Mamoe ena Natuna be do idia alaia mase.