NUMERA 28:2 - Buka Helaga (Hiri Motu) 1993

² “Israela taudia do oi hamaoroa, egu boubou gaudia, lahi dekenai umui gabua ore, lau totona edia bonana be namo gaudia, do umui laloa noho, bona lau dekenai do umui henia noho, edia nega korikori dekenai.

NUMERA 28:2 Iomraidhean Croise

GENESE 8:21

Lohiabada ese bonana namona ia kamonai neganai, ia gwau, “Tanobada do lau hadikaia lou lasi taunimanima dainai, badina be lau diba, idia be maragi negana dekena amo, edia laloa be dika. Lau be mauri gaudia do lau alaia ore lou lasi, vanegai lau alaia ore bamona.

1 SIVARAI 23:31

Sabati Dinadia, Hua Matamata Aria neganai, o Dubu ena aria ta neganai, Levi taudia ese inai Lohiabada hanamoa gaukara do idia karaia. Taravatu ese ia gwauraia Levi taudia hida ese inai gaukara do idia karaia hegeregerena, do idia karaia. Levi taudia danu edia gaukara be Lohiabada do idia tomadiho henia noho nega ibounai.

2 SIVARAI 23:18

Unai neganai danu Iehoiada ese Lohiabada ena Dubu Helaga gaukara ibounai naria taudia ia gwauraia, bona ia atodia. Inai Dubu naria taudia be hahelagaia taudia bona Levi taudia. Idia ese guna king Davida ese ia gwauraia Dubu Helaga gaukara do idia karaia, bona Lohiabada dekenai henia bouboudia be do idia gabua ore, Mose ena taravatu hegeregerena, bona mai edia moale, bona mai ane abia danu, Davida ena oda hegeregerena.

2 SIVARAI 31:3

King Hesekaia ese ia henia gaudia be ia sibona ena boromakau bona mamoe dekena amo, bona idia be daba bona adorahi edia gabua bouboudia, Sabati Dinadia, bona Hua Matamata, bona Lohiabada ena Taravatu ia gwauraia aria gabua bouboudia totona.

ESERA 3:2

Unai neganai Iosua Iosadaka, iena bamona hahelagaia taudia danu, bona Serubabele Sealetiele, mai ena varavara taudia danu idia toreisi, Israela ena Dirava ena boubou patana idia haginia, ia latanai boubou gaudia do idia gabua, Dirava ena tau Mose ese ia torea taravatu hegeregerena.

ESERA 3:3

Idia ese unai gabu dekenai idia noho taudia dekenai idia gari henia, to boubou patana be iena gabu gunana dekenai idia haginia lou. Unai neganai dabai bona adorahi negadia ibounai Lohiabada dekenai boubou idia gabua, guna idia karaia bamona.

NEHEMIA 10:34

“Ita ese danu, hahelagaia taudia, bona Levi taudia, bona taunimanima ese lagani ta ta ibounai, laki gadara dekena amo do ita davaria, daika bona daika iduhu taudia ese lahi gabua audia do idia mailaia, iseda Dirava ena Dubu Helaga lalonai, Lohiabada ena bouboudia do idia gabua totona, Taravatu lalonai idia torea hegeregerena.

SALAMO 81:3

Hua matamata bona hua ia bada ena aria totona, kibi do umui hiriria.

ESODO 23:15

Hatubua Lasi Paraoa ena aria do umui karaia, bona dina 7 lalonai do umui ania, gunaguna umui dekenai lau oda hegeregerena. Inai aria do umui karaia ena nega korikori dekenai, hua ladana Abiba lalonai. Badina be unai hua lalonai Aigupito tano umui rakatania. Lauegu vairana dekenai tau ta be imana kavakava do ia mai lasi.

ESODO 29:18

Idia ibounai be boubou patana ena latanai do oi gabua. Inai be Lohiabada dekenai boubou ia gabua gauna. Lau Lohiabada ese inai boubou ia gabua ena bonana namona lau kamonai neganai, be lau moale.

ESEKIELA 16:19

Lau ese aniani namona, paraoa namo herea, olive ena dehoro, bona hani oi dekenai lau henia, to oi ese unai dirava laulaudia dekenai boubou gaudia totona oi henidia.” Lohiabada Dirava ia hereva noho inai.

ESEKIELA 20:41

Io, bese idauidau edia huanai dekena amo umui do lau hakaua, bona idia lalonai gabu idauidau umui noho tanodia dekena amo umui lau haboua neganai, lau ese umui do lau abia dae, bonana namo boubou gauna do lau abia dae bamona. Bona umui emui huanai lau ese egu helaga do lau hedinaraia, vadaeni bese idauidau taudia do idia diba lau be helaga.

ESEKIELA 45:17

Vadaeni king ena gaukara korikori be gabua ore bouboudia bona paraoa bouboudia bona uaina bouboudia gaudia do ia henia, aria negadia, bona hua matamata negadia, bona Sabati Dinadia negadia, Israela besena ena aria korikoridia ibounai negadia lalonai. Ia ese kara dika bouboudia bona paraoa bouboudia bona gabua ore bouboudia bona maino karaia bouboudia do ia henia, Israela besena ena kara dika kokia totona gaudia.”

LEVITIKO 1:13

Tau ese boubou ena bogarau kahadia, bona boubou ena aena be ranu dekenai do ia huria. Vadaeni hahelagaia tauna ese boubou Lohiabada dekenai do ia henia, bona boubou ena kahana ibounai boubou patana dekenai do ia gabua ore. Inai vamu boubouna be mai ena bonana namona Lohiabada dekenai.

LEVITIKO 1:17

Hahelagaia tauna ese manu ena hanina be iena imana dekenai do ia darea parara, do ia ivaia lasi. Vadaeni manu ena tauanina mai hanina danu boubou patana latanai do ia gabua ore. Inai vamu boubouna be mai ena bonana namona Lohiabada dekenai.”

LEVITIKO 1:9

Unai tau ese boromakau ena bogarau kahadia, bona boubou ena aena be ranu dekenai do ia huria, bona hahelagaia tauna ese inai boubou vamu ena kahana ibounai boubou patana dekenai do ia gabua ore. Inai vamu boubouna be mai ena bonana namona Lohiabada dekenai.

LEVITIKO 21:6

“Ia ese Dirava ena vairana dekenai do ia helaga, bona Dirava ena ladana do ia hahemaraia lasi. Ia ese gabua ore bouboudia bona Dirava ena paraoa bouboudia ia karaia noho dainai, ia be do ia helaga.

LEVITIKO 21:8

“Hahelagaia taudia be helaga dainai, idia do umui matauraia, badina be idia ese lau Dirava egu paraoa bouboudia idia karaia noho. Lau inai Lohiabada, lau be helaga, bona egu bese taudia lau hahelagaia noho.

LEVITIKO 3:11

Hahelagaia tauna ese inai vamu ibounai do ia gabua ore. Inai be aniani boubouna, Lohiabada ena.

MALAKI 1:12

To umui ese lau umui hanamoa lasi, badina umui laloa lauegu boubou patana be gau anina lasi, bona umui sibona umui ura lasi aniani be egu pata dekenai umui atoa.

MALAKI 1:7

“Lau ese harihari umui emui kerere umui dekenai do lau hadibaia: Lauegu boubou patana dekenai aniani mai miro danu sibona boubou totona umui atoa. Bona gabeai umui gwau, ‘Ai be edena bamona oi dekenai ai matauraia lasi?’ Inai bamona: Umui ese lauegu boubou patana umui laloa ia be anina lasi gauna, unai kara dekena amo lau dekenai umui matauraia lasi.

NUMERA 15:24

bona bema unai kerere idia karaia, badina be taravatu idia diba lasi dainai, idia ese boromakau tau do idia henia, gabua ore boubouna totona, mai bonana namona Lohiabada dekenai gauna. Paraoa bona uaina bouboudia danu nega tamona do idia henia, bona nanigosi tau, kara dika totona boubouna danu do idia henia unai neganai.

NUMERA 15:3

boromakau tau ta, mamoe tau ta, mamoe ta, o nanigosi ta be Lohiabada dekenai gabua ore boubouna totona, o gwauhamata boubouna totona, o laloa namo boubouna, o emui aria ta boubouna totona do umui henia. Inai aniani bouboudia edia bonana be namo herea Lohiabada dekenai.

NUMERA 15:7

ma uaina ena bada 1 lita 500 garam danu do idia henia. Inai bouboudia be Lohiabada dekenai edia bonana be namo herea.

NUMERA 28:1

Lohiabada ese Mose ia hereva henia, ia gwau,

NUMERA 29:39

“Inai bouboudia ibounai be Lohiabada dekenai do umui henia, gabua ore bouboudia, paraoa bouboudia, uaina bouboudia bona Lohiabada danu maino karaia bouboudia. Inai ibounai be emui aria dinadia dekenai do umui abia hegaegae, Lohiabada dekenai do umui henia, emui gwauhamata gaudia bona laloa namo harihari gaudia danu.”

NUMERA 9:13

To bema tau ta ia miro lasi, o ia laolao lasi, to Pasova aria ia karaia lasi, unai tau be iena bese dekena amo do umui negea, badina be ia ese Lohiabada ena boubou ia henia lasi, henia ena nega korikori dekenai. Unai tau ese iena kerere ena davana be ia sibona do ia karaia.

NUMERA 9:7

“Ai be miro, badina mase tauna ta ai dogoatao vadaeni. Badina be dahaka ai ese Lohiabada ena boubou do ai karaia lasi, nega korikori dekenai, Israela taudia ibounai danu?”

2 KORINTO 2:15

Momokani, ai be Keriso ena bonana namona, Dirava ena vairana dekenai. Inai bonana namona be mauri dala idia raka taudia, bona mase dala idia raka taudia danu idia kamonai noho.

EFESO 5:2

Lalokau ena dala dekenai do umui mauri noho, Keriso ese ita ia lalokau henia bamona, bona ia sibona ena mauri ia atoa diho ita dainai. Iena mauri ia henia, be boubou gauna mai bonana namona Dirava ena vairanai.

FILIPI 4:18

Gau momo, hegeregere momokani, ma haida danu, lau davaria vadaeni. Umui emui harihari gaudia ibounai, Epafrodito ese ia mailaia gaudia be lau davaria vadaeni. Idia be bonana namo gaudia, boubou gaudia, Dirava ese idia ia abia dae vadaeni, mai ena moale danu.