NUMERA 27:21 - Buka Helaga (Hiri Motu) 1993

²¹ Iosua be hahelagaia tauna Eleasara ena vairanai do ia gini, vadaeni Eleasara ese ia dainai Lohiabada ena ura do ia tahua, Urima bona Tumima dekena amo. Vadaeni Iosua ena oda hereva dekenai, Israela taudia ibounai do idia raka lao, bona do idia raka vareai, orea tamona.”

NUMERA 27:21 Iomraidhean Croise

2 SAMUELA 21:1

Davida be king neganai, hitolo ena nega ia vara, bona ia doko lasi ela bona lagani toi idia ore. Unai dainai Davida ese Lohiabada ia nanadaia, ia gwau, “Unai hitolo ena badina be dahaka.” Lohiabada ia gwau, “Kerere be Saulo bona Saulo ena iduhu taudia edia latanai, rara dainai, badina be ia ese Gibeona taudia ia alaia mase.”

ESERA 2:63

Bona Iuda ena gavana tauna ese idia ia taravatua, aniani helaga herea do idia ania lasi, ela bona hahelagaia tauna ta ese Urima bona Tumima gaukaralaia dalana do ia diba.

NEHEMIA 7:65

Bona Iuda ena gavana tauna ese idia ia taravatua, aniani helaga herea do idia ania lasi, ela bona hahelagaia tauna ta ese Urima bona Tumima gaukaralaia dalana do ia diba.

ESODO 28:30

Bona inai nadi ruaosi, Dirava ena ura davaria gaudia be kemena dabua lalonai do oi udaia. Vadaeni Arona be Helaga Herea Gabuna, lau noho gabuna, do ia raka vareai neganai, ia ese inai nadi ruaosi do ia abia lao. Inai negadia ibounai inai kemena dabua do ia kwatua, vadaeni lauegu ura Israela taudia totona be do ia davaria diba.

LEVITIKO 8:8

Mose ese danu kemena dabua Arona dekenai ia atoa, bona Urima bona Tumima be kemena dabua lalonai ia udaia.

MALAKI 2:7

“Hahelagaia taudia edia gaukara be inai: Idia ese taunimanima do idia hadibaia, Dirava do idia diba momokani totona. Bona taunimanima ese idia dekenai do idia lao be namo, lauegu ura do idia diba totona. Badina hahelagaia taudia be Siahu Ibounai Lohiabada ena hereva gwauraia taudia.

NUMERA 27:17

Ia ese tuari dekenai do ia gunalaidia bona naridia. Vadaeni Lohiabada ena orea taudia be do idia noho kava lasi, mai edia naria tauna lasi mamoe bamona.”

NUMERA 27:2

Unai hahine taudia be idia lao, Mose, hahelagaia tauna Eleasara, gunalaia taudia, bona Israela taudia ibounai edia vairanai idia gini, Lohiabada ena Palai Dubu ena iduara dekenai. Unai hahine idia gwau,

NUMERA 27:20

Oiemu siahu dekena amo Iosua do oi hasiahua, vadaeni Israela taudia ibounai ese ia do idia kamonai henia.

NUMERA 27:22

Mose ese Lohiabada ena oda hegeregerena ia karaia. Iosua ia abia, hahelagaia tauna Eleasara bona Israela hebou taudia edia vairanai ia haginia.

NUMERA 27:5

Mose ese idia edia noinoi Lohiabada dekenai ia hamaoroa.

DEUTERONOMI 31:3

Lohiabada, emui Dirava be umui emui vairana dekenai unai sinavai do ia hanaia. Ia ese unuseni idia noho bese taudia umui emui vairana dekenai do ia hadikaia ore. Edia tano be do umui abia, bona do umui noholaia.

DEUTERONOMI 33:8

Mose ese Levi iduhu ia herevalaia, ia gwau, “Lohiabada e, oiemu ura gauna be, Tumima bona Urima dekena amo do oi hedinaraia noho, oiemu helaga taudia, Levi ena iduhu taudia, edia gaukara dekena amo. Masa dekenai edia goada oi tohoa, bona Meriba ranu gabudia dekenai edia goada oi hamomokania.

IOSUA 9:14

Israela taudia ese unai taudia edia aniani sisina idia ania, to idia ese Lohiabada ena sisiba hereva idia tahua lasi.

GUNALAIA TAUDIA 1:1

Iosua ia mase murinai Israela taudia ese Lohiabada idia nanadaia, idia gwau, “Aiemai huana dekenai edena iduhu ese Kanana taudia do idia tuari henia guna?”

GUNALAIA TAUDIA 20:18

Israela taudia idia toreisi, Betele dekenai idia lao, Dirava idia nanadaia, idia gwau, “Edena iduhu taudia ese Beniamina taudia do idia tuari henia guna?” Lohiabada ia gwau, “Iuda iduhu be do ia tuari henidia guna.”

GUNALAIA TAUDIA 20:23

Israela taudia be tomadiho gabuna dekenai idia lao, bona unai hanuaboi Lohiabada ena vairanai idia tai. Idia ese Lohiabada idia nanadaia, idia gwau, “Aiemai varavara Beniamina taudia do ai tuari henia lou, o lasi?” Lohiabada ia haere, ia gwau, “Do umui tuari henidia.”

1 SAMUELA 14:19

Saulo ese hahelagaia tauna danu idia herevahereva neganai, Pilistia kamepa dekenai regena be ia bada daekau. Vadaeni Saulo ese hahelagaia tauna ia hamaoroa, ia gwau, “Ita be nega lasi Lohiabada do ita nanadaia.”

1 SAMUELA 23:9

Davida be ia diba Saulo ese ia do ia hadikaia dalana ia karaia noho. Vadaeni ia ese Abiatara ia hamaoroa, ia gwau, “Epodi, dabua helagana do oi mailaia.”

1 SAMUELA 28:6

Unai dainai Saulo ese Lohiabada ia nanadaia, to Lohiabada be ia haere lasi, nihi dekena amo, o Urima bona Tumima dekena amo, o peroveta taudia dekena amo, lasi momokani.

1 SAMUELA 30:7

Vadaeni Davida ese hahelagaia tauna Abiatara, Ahimeleka ena natuna, ia hamaoroa, ia gwau, “Epodi dabua helagana be lau dekenai do oi mailaia.” Unai dainai Abiatara ese epodi be Davida dekenai ia mailaia.