NUMERA 26:53 - Buka Helaga (Hiri Motu) 1993

⁵³ “Tano be inai iduhu edia huanai do oi haria, edia ladana, bona edia taunimanima hida hegeregerena do oi haria.

NUMERA 26:53 Iomraidhean Croise

GENESE 12:2

Lau be oi dekenai tubuna momo do lau henia, dohore idia be bese bada herea. Oi do lau hanamoa, bona oiemu ladana do lau habadaia, vadaeni taunimanima ese namo bada do idia davaria oi dekena amo.

GENESE 12:7

Lohiabada ese Aberamo dekenai ia hedinarai, ia hereva, ia gwau, “Inai tano be oiemu tubuna dekenai do lau henia.” Vadaeni unuseni Aberamo ese boubou patana ia karaia Lohiabada dekenai, badina be Lohiabada ese ia dekenai ia hedinarai unai gabu dekenai.

1 SIVARAI 16:18

Lohiabada ese Iakobo dekenai ia hereva inai bamona, ia gwau, “Lau ese Kanana tano oi dekenai do lau henia, bona inai tano be oi bona oiemu tubuna taudia, ese do umui biagua.”

SALAMO 105:44

Bese idauidau edia tano be Dirava ese ia henidia, vadaeni idia ese unai bese taudia edia tano ena anina, be idia abia.

SALAMO 49:14

Edia davana be, mamoe bamona idia mase. Mase vadaeni taudia edia gabu dekenai idia lao, bona Mase ese edia naria tauna ia lao. Kara maoromaoro taudia be idia dekena amo do idia kwalimu, to unai dika taudia be mase gabunai, edia tauanina idia bodaga lao noho, bona hari edia ruma namodia be lasi.

ESEKIELA 47:22

Inai tano be emui ahuna korikori do ia lao, umui emui, bona idau taudia, emui huanai idia noho, bona edia natudia be emui huanai idia havaraia vadaeni taudia. Idia be Israela memero korikori hegeregerena do idia lao umui emui huana dekenai. Bona idia ese edia ahuna tano kahana do idia abia, Israela taudia edia huanai.

DANIELA 7:27

“ ‘Inai tanobada ena bese ibounai edia siahu be do ia henia Ataiai Momokani Dirava ena helaga taudia dekenai. Edia siahu be do ia ore diba lasi, bona basileia ibounai ese Dirava ena hesiai gaukara do idia karaia, bona do idia kamonai henia.’

NUMERA 26:52

Lohiabada ese Mose ia hamaoroa, ia gwau,

NUMERA 26:54

Iduhu badana dekenai be tano badana do oi henia, to iduhu maragina dekenai tano maragina do oi henia. Iduhu ta ta edia tano ena bada be edia taunimanima hida hegeregerena.

NUMERA 33:54

Tano be laki dalana dekenai iduhu ta ta dekenai do oi haria, bona iduhu badadia dekenai tano badadia do oi henia, bona iduhu maragidia dekenai tano maragidia do oi henia. Bema laki ese tau ta dekenai tano ta ia henia, unai be iena tano.

MATAIO 5:5

“Dagedage lasi taudia be idia namo, badina tanobada do idia abia.

IOSUA 1:6

“Do oi goada, do oi gari lasi. Badina be oi ese inai bese do oi gunalaia, edia sene taudia dekenai lau gwauhamata henidia tanona do idia abia neganai.

IOSUA 11:23

Unai dainai Iosua ese tano ibounai ia abia, Lohiabada ese Mose ia oda henia hereva ibounai hegeregerena. Inai tano be Iosua ese Israela taudia dekenai ia henia, edia tano. Idia dekenai tano ia haria lao, edia iduhu ta ta dekenai tano kahana ta ia henia. Vadaeni taunimanima be tuari dekena amo idia laga-ani.

IOSUA 14:1

Israela taudia dekenai Kanana tano idia haria dalana ena sivarai be inai: Hahelagaia tauna Eleasara, bona Iosua Nunu, bona Israela iduhu gunalaia taudia ese inai tano idia haria.

APOKALUPO 21:27

To dika gauna ta be unai hanua dekenai do ia vareai diba lasi. Lebulebu idia karaia taudia, o koikoi taudia be do idia vareai lasi. Lasi momokani. Mamoe ena Natuna ena mauri bukana lalonai edia ladana idia torea taudia sibona be unai hanua dekenai do idia vareai.

APOKALUPO 5:10

Oi ese idia oi haboua, vadaeni idia be Basileia ta. Bona Dirava ena hahelagaia taudia, be oi ese idia oi halaoa vadaeni, bona idia ese tanobada do idia gunalaia.”