NUMERA 26:10 - Buka Helaga (Hiri Motu) 1993

¹⁰ Ela bona tano ese iena uduna ia kehoa, bona idia ia hadonoa ore, idia bona Kora, bona Kora ena orea taudia, vadaeni idia ibounai idia mase. Unai neganai danu, lahi ese taunimanima 250 ia gabua mase. Inai be sisiba, bona matakani gauna, Israela taudia edia latanai.

NUMERA 26:10 Iomraidhean Croise

ESODO 16:35

Lagani 40 lalonai, Israela taudia ese mana idia ania, ia lao bona Kanana tano ena hetoa gabuna dekenai idia ginidae.

IEREMIA 29:22

Bona unai bamona idia dekenai ia vara dainai, Iuda hesiai mai guia danu taudia, Babulonia dekenai noho taudia ese, tau ta idia hadikaia gwauraia neganai, inai bamona do idia hereva noho, do idia gwau, ‘Lohiabada ese Sedekaia bona Ahaba, Babulonia ena king ese lahi dekenai ia gabua ore taudia, hegeregerena oi do ia halaoa.’

ESEKIELA 14:8

Lau ese egu vairana do lau ha-aukaia unai tau dekenai. Taunimanima edia vairana dekenai unai tau be toa ta do lau halaoa, iena ladana be hemarai gauna do lau halaoa, bona egu bese dekena amo ia do lau negea momokani. Unai neganai do umui diba lau be Lohiabada.

NUMERA 16:2

Idia ese tatau 250, lohia taudia, mai edia ladana bada taudia idia haboua, bona Mose dekenai idia lao.

NUMERA 16:38

Lohiabada ena boubou patana dekenai idia henia dainai idia helaga. Unai dainai unai taudia, edia kara dika dainai idia mase taudia, edia lahi huaia auri kapusi do oi abia, bona hama dekenai idia do oi botaia palaka bona severasevera, bona boubou patana ena koua gauna ta do oi halaoa. Unai dekena amo unai auri laboralabora koua gauna be sisiba gauna ta Israela taudia dekenai do ia lao.”

NUMERA 17:3

Bona Levi iduhu taudia edia itotohi dekenai Arona ena ladana do oi torea. Iduhu gunalaia taudia ta ta edia itotohi ta ta do oi abia.

NUMERA 27:3

“Aiemai tamana be tano kaukau dekenai ia mase neganai, ia be mai ena natuna tau ta lasi. Ia be Kora ena orea taudia edia hebou ia vareai lasi, ia ese Lohiabada ia heai henia lasi, to ia sibona ena kara dika dainai ia mase.

DEUTERONOMI 11:6

“Ma do umui laloa, Datana bona iena tadina Abirama, Eliaba Rubena ena natuna, edena bamona Lohiabada ese idia dekenai ia karaia. Taunimanima ibounai edia vairana dekenai tano dekenai guri badana ia kehoa, vadaeni idia, bona edia bese taudia, bona edia palai ruma, bona edia hesiai taudia, bona edia ubua gaudia be tano ese idia ia ania ore.

DEUTERONOMI 28:46

Inai gau dikadia be toa bona hoa gaudia do idia lao, umui bona emui tubudia dekenai ela bona hanaihanai.

2 PETERO 2:6

Dirava ese Sodoma bona Gomora danu ia kota henia. Lahi dekena amo unai hanua ruaosi ia araia ore. Unai kara dekena amo, Dirava ese ia dekenai idia gari henia lasi taudia ia hagaridia. Badina be do idia diba, edia kerere davana be dohore unai lahi hegeregere.

IUDA 1:7

Sodoma bona Gomora, bona idia kahirakahira noho hanuadia danu be unai bamona idia karaia. Unai aneru idia karaia bamona, unai hanua edia taudia ese sihari kava bona kara bodaga idauidau idia karaia momo. Unai dainai Dirava ese edia kerere davana ia henidia, noho hanaihanai lahi ena hisihisi be unai. Edia dika davana be toana ta, ia hedinaraia ita dekenai, vadaeni ita ese idia bamona do ita karaia lasi.

1 SAMUELA 2:34

“Lauegu hereva be momokani, ena momokani do oi itaia toana be inai: Oiemu natuna ruaosi, Hopini bona Pineha, be dina tamona dekenai do idia mase.