NUMERA 25:3 - Buka Helaga (Hiri Motu) 1993

³ Unai dala dekenai Israela taudia ese Peoro ena dirava Bala idia tomadiho henia. Unai kara dainai Lohiabada ese ia badu henidia.

NUMERA 25:3 Iomraidhean Croise

SALAMO 90:11

Oiemu badu ena siahu momokani ena mamina be daika ia diba? Oiemu dagedage bada ena gari be daika ia diba namonamo?

IEREMIA 17:4

Emui kerere dainai, umui ese umui dekenai lau henia tano do umui haboioa. Bona lau ese umui idia tuari henia taudia edia tano, umui diba lasi tano, dekenai umui do lau siaia, edia hesiai gaukara do umui karaia, badina egu badu be lahi ta bamona, bona do ia gabua noho hanaihanai.”

HOSEA 4:14

To lau ese edia kerere davana do lau henia lasi, badina be emui tatau ese sihari kava hahine danu idia lebulebu. Bona emui tatau be dirava koikoi edia dubu dekenai idia lao, boubou dikadia idia henia, bona dubu ena ariara hahine idia sihari henia noho. Aonega hereva ta ia gwau, ‘Bese ta, bema ena taudia be mai edia aonega lasi neganai, unai bese be do ia dika momokani.’

HOSEA 9:10

Lohiabada ia gwau, “Lau ese Israela lau davaria matamata neganai, idia be vain huahuadia, tano kaukau dekenai idia vara noho bamona. Israela taudia edia sene taudia lau itaia matamata neganai, idia be fig audia edia huahuadia, mage gaudia ginigunadia lau itaia bamona. To idia be Peoro Ororo dekenai idia lao, bona idia ese Bala dirava idia tomadiho henia. Unai neganai idia be dika rohoroho, idia ura henia dirava be dika rohoroho hegeregerena.

NUMERA 25:5

Mose ese Israela ena kota biaguna taudia ia hamaoroa, ia gwau, “Umui ta ta ese emui iduhu taudia, Peoro ena dirava Bala idia tomadiho henia taudia, do umui alaia mase.”

NUMERA 31:16

Do umui laloa, Midiana hahine ese Bala dirava ena hereva dekena amo Israela taudia idia koia, Peoro dekenai, bona gorere dikana ese Lohiabada ena orea taudia ia hamasea.

IOSUA 22:17

Iseda kara dika Peoro dekenai ia bada lasi, a? Lohiabada ese gorere bada iena bese dekenai ia atoa, edia kara dika ena davana. Ita ese inai kerere ena hisihisi ita abia noho. Umui laloa unai kerere be davana lasi, bona umui ura kerere ma ta do umui karaia lou, a?

GUNALAIA TAUDIA 2:11

Vadaeni Israela taudia ese Lohiabada ena vairanai kara dika idia karaia, bona dirava idaudia, ladana Bala idia tomadiho henia.

GUNALAIA TAUDIA 2:13

Idia ese Lohiabada idia rakatania, dirava ladana Bala, bona dirava ladana Asataroto idia tomadiho henia.

GUNALAIA TAUDIA 2:14

Unai dainai Lohiabada ese Israela taudia dekenai ia badu dikadika. Ia ese dadidadi taudia ia koua lasi, vadaeni idia ese Israela taudia idia heatu henia, bona edia kohu momo idia henaoa. Tuari taudia momo be Israela idia hagegea, Lohiabada ese ia koudia lasi, bona Israela taudia be goada lasi do idia luludia.

GUNALAIA TAUDIA 2:20

Unai dainai, Lohiabada ena badu be Israela taudia dekenai ma ia siahu lou, ia gwau, “Inai bese ese lauegu gwauhamata taravatuna, edia sene taudia dekenai lau oda henidia gauna idia utua, bona lauegu hereva idia kamonai henia lasi. Unai dainai,