NUMERA 24:8 - Buka Helaga (Hiri Motu) 1993

⁸ Dirava ese Israela taudia Aigupito dekena amo ia hakaudia. Idia edia goada be uda boromakau ena goada bamona. Israela taudia ese, idia dekenai idia dagedage taudia do idia halusia. Edia turiana do idia hamakohia momokani, bona idia edia diba bona peva dekena amo, Israela taudia ese, idia hadikaia gwauraia taudia do idia pidia mase.

NUMERA 24:8 Iomraidhean Croise

SALAMO 2:9

Oi ese idia do oi hamakohia, auri itotohi dekena amo. Uro bamona, idia do oi makohia maragimaragi.’ ”

SALAMO 21:12

badina king ese iena peva dekena amo, idia dekenai diba do ia pidia, bona idia be do idia heau boio.

SALAMO 45:5

Oiemu peva ena diba be mai edia matana, idia ese king idia hadikaia gwauraia taudia, edia kudouna do idia gwadaia. Bese idauidau taudia be oiemu aena henunai do idia moru.

SALAMO 45:6

Oiemu basileia, Dirava ese oi dekenai ia henia basileia, be do ia noho ela bona hanaihanai. Oiemu basileia taudia, be mai kota maoromaoro danu do oi biagua noho.

ESODO 23:22

To bema iena gadona umui kamonai henia, bona lauegu hereva ibounai do umui karaia, vadaeni umui dekenai idia dagedage henia taudia be lau ese do lau dagedage henia, bona umui dekenai tuari henia taudia, be lau ese danu do lau tuari henidia.

ISAIA 38:13

Hanuaboi lalonai ela bona dabai, mai egu hisihisi dainai lau tai mai boiboi danu, to laiona bamona, ia ese egu turiana ibounai ia hamakohia.

IEREMIA 50:17

Lohiabada ia gwau, “Israela be laiona ese ia lulua gabu idauidau mamoe oreana ta. Guna Asuria ena king ese ia ania, bona harihari, inai nega dokona lalonai Nebukanesa, Babulonia ena king, ese edia turiana ia ania ore.

IEREMIA 50:9

Badina be lau ese bese badadia mirigini kahana dekena amo lau hatoreisia noho, bona Babulonia hadikaia totona lau hakaudia lao noho. Idia ese Babulonia do idia tuari henia, bona do idia halusia, badina edia peva taudia be labana diba momo taudia, edia diba idia pidia neganai, maka be nega ta idia reaia lasi.

DANIELA 6:24

Vadaeni king ese oda hereva ia gwauraia, Daniela idia samania taudia mai adavadia bona mai natudia do idia mailaia, laiona ena guri lalonai do idia negea. Unai guri lalonai idia moru diho noho, bona tano idia do davaria lasi neganai, laiona ese unai taudia idia koridia, bona edia turiana ibounai idia hamakohia.

NUMERA 14:9

To Lohiabada do umui tuari henia lasi, bona unai tano taudia do umui gari henia lasi, do ita halusidia haraga. Lohiabada be ita dekenai ia noho, to idia be durua diravana ta lasi. Unai dainai do umui gari lasi.”

NUMERA 21:5

Idia ese Lohiabada bona Mose dekenai idia maumau, idia gwau, “Dahaka dainai Aigupito dekena amo ai oi hakaua? Inai taunimanima noho lasi tano dekenai do ai mase, badina aniani be lasi, ranu danu be lasi. To inai aniani gauna dikana dekenai be ai hesiku momokani.”

NUMERA 23:22

Dirava ese Aigupito dekena amo, Israela taudia ia hakaua. Idia edia goada be uda boromakau edia goada bamona.

NUMERA 23:24

Israela besena be laiona hahine bamona ia toreisi noho. Inai bese be laiona bamona ia gini noho. Do ia hekure lasi ela bona ia alaia mase gaudia, edia vamuna ia ania ore, bona edia rarana do ia inua.”

MATAIO 2:15

Unuseni idia noho, ela bona Heroda ia mase. Unai dainai Lohiabada ese peroveta tauna ena uduna dekena amo ia gwauraia herevana ia momokani vadaeni. Ia gwau, “Aigupito dekena amo lauegu Natuna lau boiria.”

DEUTERONOMI 32:23

“Dika idauidau be idia edia latanai do lau siaia, bona lauegu diba ibounai, be idia dekenai do lau pidia haorea,

DEUTERONOMI 32:42

Lauegu diba bona peva dekena amo, rara momo do ia diho. Lauegu tuari kaia ese, lau idia koua gwauraia taudia do ia alaia mase ore. Lau dekenai idia tuari henia taudia ibounai, be do lau alaia mase. Bero taudia bona abia mauri dibura taudia danu, be do idia mase ore.”

DEUTERONOMI 7:1

Ma Mose ia hereva, ia gwau, “Lohiabada, emui Dirava, ese do umui noholaia tano dekenai umui do ia hakaua vareai neganai, umui emui vairana dekenai bese ibounai 7 do ia lulua. Inai bese be: Hiti taudia, Girigasa taudia, Amoro taudia, Kanana taudia, Perisi taudia, Hivi taudia, Iebusu taudia.

IOSUA 2:10

Badina be ai kamonai Lohiabada ese Davara Kakakaka be umui emui vairanai ia hakaukaua, Aigupito tano dekena amo umui raka mai neganai. Ai kamonai vadaeni danu Amoro ena king ruaosi, Sihona bona Oga be umui aladia mase, Ioridane Sinavai unai kahana dekenai.