NUMERA 24:7 - Buka Helaga (Hiri Motu) 1993

⁷ Israela taudia ese medu namona momokani do idia abia, bona edia uma do idia hadoa gabudia, be mai edia ranu momo. Edia king ese Agaga do ia hereaia momokani. bona iena basileia do ia bada herea momokani.

NUMERA 24:7 Iomraidhean Croise

2 SAMUELA 5:12

Bona Davida ena lalona ia kehoa, ia diba Lohiabada ese Israela ena king dagi dekenai ia haginia vadaeni. Bona ia diba Lohiabada ese iena basileia ia hanamoa momokani, idia be iena orea taudia Israela dainai.

1 KING TAUDIA 4:21

Solomona ese iena basileia kahana ibounai ia biagua, Euperate Sinavai dekena amo ela bona Pilistia taudia edia tano, bona Aigupito tano ena hetoana. Inai gabudia ibounai ese takisi moni Solomona dekenai idia henia noho, iena mauri dinadia ibounai lalonai.

1 KING TAUDIA 5:1

Hirama, Turo ena king, guna ia be Davida ena turana momokani nega ibounai. Ia ese sivarai ia kamonai Solomona be king dagi ia abia, iena tamana Davida ena gabu dekenai, vadaeni iena hesiai taudia be Solomona dekenai ia siaia.

1 SIVARAI 14:2

Bona Davida ena lalona ia kehoa, ia diba Lohiabada ese Israela ena king dagi dekenai ia haginia vadaeni. Bona ia diba Lohiabada ese iena basileia ia hanamoa momokani, basileia taudia be iena bese taudia Israela dainai.

ESERA 4:20

Ierusalema dekenai danu be king goadadia ese edia taunimanima idia biagua, bona idia ese Euperate ena dina diho kahanai basileia ibounai idia biagua danu, bona unai basileia noho taudia dekena amo takisi moni bona kohu idia gogoa.

ESETA 3:1

Inai kara murinai, king Ahasuero ese Hamana Hamedata, Agaga tauna ia hanamoa, bona dagi badana ia henia. Iena dagi ese king ena lohia taudia ibounai edia dagi ia hanaia.

SALAMO 18:43

Taunimanima momo ese, lau idia dagedage henia neganai, oi ese lau oi hamauria, bona bese idauidau edia gunalaia tauna, be oi ese lau oi halaoa. Lau diba lasi taudia ese, egu hesiai gaukara idia karaia noho.

SALAMO 68:26

Iena bese taudia edia hebou badana lalonai, Dirava do ita hanamoa. Israela besena taudia ibounai e, Lohiabada do umui hanamoa.

SALAMO 72:11

King ibounai be iena vairanai do idia tui diho, bona bese ibounai taudia ese, iena hesiai gaukara do idia karaia.

SALAMO 89:27

Lau Lohiabada ese egu vara guna natuna ia do lau halaoa, bona ia be king badana momokani do ia lao, king ibounai ia ese do ai hereaia.

ISAIA 2:2

Nega gabeai be inai bamona do ia vara: Lohiabada ena Dubu Helaga ia gini ororona, be ataiai momokani ororona do ia lao. Inai ororo be ia ese, ororo ibounai do ia hereaia. Bese ibounai ese ia dekenai do idia haboua lao.

ISAIA 30:25

Unai dina dekenai, umui idia tuari henia taudia momo herea, be Lohiabada ese do ia aladia mase, bona kohoro do idia moru dinana dekenai, ororo badadia bona ororo maragidia ibounai edia dorina dekena amo, sinavai maragidia do idia heau diho.

ISAIA 48:1

Iakobo iduhu taudia e, do umui kamonai! Emui ladana be Israela, bona Iuda ese umui ia havaraia. Umui be Lohiabada ena ladana dekenai gwauhamata umui karaia noho, bona Israela ena Dirava umui gwauraia hedinarai noho, to hereva momokani dekenai lasi, bona kara maoromaoro dekenai lasi.

ISAIA 9:7

Iena King siahuna, be do ia bada daekau lao, bona iena basileia be nega ibounai, mai maino danu do ia noho. Ia ese Davida ena king siahuna do ia abia, bona ia ese Davida ena basileia, do ia haginia bona naria noho, mai kota maoromaorona, bona kara momokani danu, hari ela bona hanaihanai. Inai kara be Siahu Ibounai Lohiabada ese do ia karaia momokani.

IEREMIA 51:13

Umui, sinavai momo edia badibadinai umui noho taudia e! Kohu momo taudia e, emui dokona be ia ginidae vadaeni inai, emui mauri edia varona be idia utua vadaeni.

DANIELA 2:44

“Unai basileia namba 4 ena nega lalonai, guba ena Dirava ese basileia ta do ia haginia, inai basileia be do idia hadikaia diba lasi ela bona hanaihanai. Unai basileia be Dirava ese do ia naria, vadaeni bese ta ese do ia halusia diba lasi. Bona unai basileia ese basileia ibounai do ia hamakohia, bona haorea momokani, bona ia sibona do ia noho ela bona hanaihanai.

NUMERA 24:20

Unai neganai Balama ese Amaleka taudia iena mata hanai dekenai ia itaia, bona peroveta hereva ma ia gwauraia, inai bamona: “Amaleka sibona be bese bada herea, bese ibounai edia huanai. To dokona neganai do ia dika ore momokani.”

IOANE 1:49

Natanaela ia haere, ia gwau, “Rabi e, oi be Dirava ena Natuna, oi be Israela ena King!”

APOKALUPO 11:15

Aneru namba 7 ese iena kibi ia hiriria. Vadaeni gado badadia guba dekenai idia hereva, idia gwau, “Tanobada biagua siahuna be iseda Lohiabada bona iena Keriso idia abia vadaeni. Bona Lohiabada ese tanobada do ia biagua momokani, ela bona hanaihanai.”

APOKALUPO 17:1

Unai disi 7 idia bubua aneruna ta be lau dekenai ia mai, ia gwau, “Oi mai, ariara hahine badana do idia panisia dalana oi dekenai do lau hedinaraia. Ia be unai hanua badana, sinavai momo edia badinai idia haginia hanuana.

APOKALUPO 17:15

Bona aneru ese lau ia hamaoroa, ia gwau, “Oi itaia ranu momo gabudia, hahine be idia dekenai ia helai gabudia. Idia be tano idauidau taudia, bese idauidau taudia, kopina idauidau taudia, bona gado idauidau taudia.

APOKALUPO 19:16

Unai gunalaia tauna ena dabua bona iena mamuna dekenai be iena ladana ia torea. Inai ladana be inai bamona: “King ibounai edia King, bona lohia ibounai edia Lohia.”