NUMERA 24:6 - Buka Helaga (Hiri Motu) 1993

⁶ Umui emui namo lau itaia be, sinavai edia koura gabudia dekenai au momo idia noho bamona, bona umui be sinavai badibadinai uma momo idia noho bamona. Umui be Lohiabada ese ia hadoa aloe muramura audia bamona, bona umui be sida audia ranu gabudia dekenai bamona.

NUMERA 24:6 Iomraidhean Croise

GENESE 13:10

Vadaeni Lota ese iena matana ia negea, Ioridane Sinavai ena koura ia itaia, ibounai be mai edia ranu. Ia be Lohiabada ena uma gabu bamona, bona Aigupito ena tano bamona danu, ia lao bona Soara. (Inai be Lohiabada ese Sodoma hanua bona Gomora hanua ia hadikaia ore lasi neganai.)

SALAMO 1:3

Ma inai taudia be, sinavai badinai idia hadoa audia bamona, edia huahua atoa neganai, idia ese anina idia atoa bada herea. Edia raurau danu do idia kakoro lasi. Edia gaukara ibounai be ena anina ia vara, bona mai edia kwalimu danu.

SALAMO 104:16

Lebanona ena sida audia idia noho gabuna dekenai, be medu momo ia diho. Inai audia be Lohiabada sibona ena, ia ese idia ia hadoa.

SALAMO 45:8

Oiemu dabua dekena amo muro bona aloe bona kasia muramura, edia bonana ia daekau noho. Oiemu ruma badana, aivori ese ia hanamoa rumana lalonai, miusiki taudia ese oi do idia hamoalea.

SOLOMONA ENA ANE 6:11

Okari audia edia uma gabuna lalonai lau raka, koura dekenai idia vara avadia do lau itaia. Ma do lau itaia, vain edia raurau, be idia tubu noho o lasi, bona do lau diba, apolo audia dekenai, apolo edia palauapalaua idia hedinaraia o lasi.

ISAIA 41:19

Sida audia, olive audia, bona au idauidau, be nadi kavakava gabudia dekenai do lau havaraia. Bona tano kaukau gabudia dekenai, uda badana do lau hatubua, mai ena kasuarina audia, iunipa audia, bona saipresi audia danu.

ISAIA 58:11

Ma lau ese nega ibounai umui do lau hakaua, bona emui ura gaudia, be umui dekenai do lau henia momokani. Lau ese goada bona mauri namona, be umui dekenai do lau henia. Umui be uma mai ena ranu momo bamona do umui lao. Umui be noho hanaihanai ranu lohilohi bamona.

IEREMIA 17:18

Lohiabada e, lau idia hisihisi henia noho taudia, idia dekenai hemarai do oi henia. To mani oi ese lau do oi naria, hemarai do lau abia lasi. Unai taudia do oi hagaria, to mani emu kara, lau do oi hagaria lasi. Unai dika taudia do oi hadikaia ore, idia do oi hamakohia ore momokani.

IEREMIA 31:12

Do idia mai, bona Siona Ororo dekenai ane do idia abia, mai moale bada danu. Bona lau ese lau hanamodia dainai, edia vairana be do idia diaridiari. Lau henidia gaudia, koni, bona uaina, bona olive dehoro, mamoe bona boromakau danu dainai, do idia moale bada. Lauegu bese be uma namona bamona, mai ena ranu momo, bona idia edia noho be do ia namo momokani.

ESEKIELA 47:12

Unai sinavai isena ena kahana kahana dekenai huahua audia idauidau ibounai do idia vara. Edia rauraudia do idia kakoro lao lasi, bona edia huahua do idia moru kava lasi, to huahua momo do idia atoa nega ibounai, doko lasi. Hua ibounai lalonai, huahua do idia atoa, badina Dubu Helaga dekena amo ia heau mai sinavai ese ranu momo ia henidia noho dainai. Inai au edia huahua be aniani gaudia, bona edia rauraudia ese taunimanima edia gorere do idia hanamoa.”

IOELA 3:18

“Unai neganai, ororo badadia dekenai, vain uma momo herea do idia vara noho, bona boromakau momo herea be, ororo maragidia ibounai dekenai rei do idia ania noho. Iuda ena sinavai bona sinavai maragidia ibounai, be mai edia ranu momo. Dubu Helaga dekena amo be ranu do ia heau mai, bona Akasia ena Koura dekenai ranu do ia henia.

NUMERA 24:5

Iakobo e, oiemu palai rumadia be namo herea. Israela e, oiemu kamepa gabudia be namo bada.