NUMERA 24:5 - Buka Helaga (Hiri Motu) 1993

⁵ Iakobo e, oiemu palai rumadia be namo herea. Israela e, oiemu kamepa gabudia be namo bada.

NUMERA 24:5 Iomraidhean Croise

NEHEMIA 13:2

Inai bamona ia torea badina be Israela taudia be Aigupito dekena amo idia raka neganai, Amono bona Moaba taudia ese ranu bona aniani idia henidia lasi. Ma idia ese Balama dekenai moni idia henia, ia ese Israela taudia do ia hadikaia totona. To iseda Dirava ese Balama ena hadikaia hereva ia koua, bona ia ese hanamoa hereva ia halaoa.

SALAMO 84:2

Lau ura bada unuseni do lau noho. Egu lalona ibounai ese, Lohiabada ena Dubu Helaga ia ura henia noho. Egu tauanina bona egu kudouna dekena amo, Mauri Diravana dekenai ane lau abia noho, mai moale ena boiboi danu.

ESODO 38:21

Gaukara taudia ese Lohiabada ena Palai Dubu karaia totona golo, bona siliva, bona auri laboralabora edia metau idia duahia. Inai Palai Dubu lalonai be nadi palaka rua, bona idia edia latanai, Dirava ena Taravatu 10, torea vadaeni gaudia, idia noho. Unai golo, siliva bona auri laboralabora edia bada bona metau be Mose ese ia oda dainai, Levi taudia ese buka dekenai idia torea. Inai Levi taudia be Itamara ena henunai idia gaukara. Itamara be Arona, hahelagaia tauna ena natuna.

SOLOMONA ENA ANE 4:7

Egu lalokau e, oi be hahine namona. Oi be mai emu dika ta lasi, goeva momokani.

SOLOMONA ENA ANE 6:4

Egu lalokau e, oi be hairai herea, Ierusalema bamona. Oiemu hairaina be bada, Tirisa hanua bamona, oiemu toana be mai garina, tuari orea mai edia pepe edia toana bamona.

LEVITIKO 23:42

Unai dina 7 lalonai Israela taudia ibounai be au raurau ruma maragidia dekenai do idia noho.

MALAKI 2:12

Inai bamona ia karaia tauna be Lohiabada ese Israela ena orea dekena amo do ia atoa siri be namo. Bona unai dainai unai tau ese Siahu Ibounai Lohiabada ena vairana dekenai boubou gaudia do ia mailaia lou diba lasi.

NUMERA 2:34

Israela taudia be unai bamona idia karaia. Lohiabada ese Mose ia oda henia hegeregerena, idia ese edia pepe ta ta edia henunai idia kamepa. Bona edia orea ta ta bona edia iduhu ta ta dekenai edia kamepa dekena amo idia raka lao.

NUMERA 24:2

Unai tano Balama ese ia itaia noho neganai, ia be Israela iduhuna ta ta, edia kamepa, edia kamepa, ia itaia. Unai neganai Dirava ena Lauma, be Balama dekenai ia siahu bada,

NUMERA 24:4

Lau be Dirava ena hereva lau kamonai noho tauna. Siahu Ibounai Diravana ena hairaina lau itaia noho. Lau tomadiho noho, to lauegu matana idia kehoa noho. Lauegu hereva be inai:

NUMERA 24:6

Umui emui namo lau itaia be, sinavai edia koura gabudia dekenai au momo idia noho bamona, bona umui be sinavai badibadinai uma momo idia noho bamona. Umui be Lohiabada ese ia hadoa aloe muramura audia bamona, bona umui be sida audia ranu gabudia dekenai bamona.

DEUTERONOMI 33:29

Israela taudia e, umui emui noho be namo. Edena taudia ese umui idia hereaia? Lohiabada ese umui emui bese ia hamauria vadaeni. Lohiabada be emui kesi, bona emui durua Tauna, bona ia be emui kwalimu tuari kaia. Umui dekenai idia tuari henia taudia, be umui emui vairana dekenai do idia tui diho. Edia ataiai gabudia helagadia do umui moia diho.”

IOSUA 24:10

To Balama dekenai lau kamonai lasi, unai dainai ia ese umui ia hanamoa. Inai bamona dala dekenai Balaki dekena amo umui lau hamauria.