NUMERA 24:4 - Buka Helaga (Hiri Motu) 1993

⁴ Lau be Dirava ena hereva lau kamonai noho tauna. Siahu Ibounai Diravana ena hairaina lau itaia noho. Lau tomadiho noho, to lauegu matana idia kehoa noho. Lauegu hereva be inai:

NUMERA 24:4 Iomraidhean Croise

GENESE 15:1

Inai murinai, Lohiabada ena hereva Aberamo ia kamonai, mata hanai lalonai. Lohiabada ia gwau, “Aberamo e, oi gari lasi. Lau be oiemu kesi. Oi dekenai hanamoa do lau habadaia.”

GENESE 15:12

Dina ia diho neganai, Aberamo ia mahuta mase, bona gari bada ese ia abia.

1 KING TAUDIA 22:17

Mikaia ia haere, ia gwau, “Lau ese Israela tuari taudia ibounai lau itaia, ororo dekenai idia heau lao, heau mai, mamoe naria tauna lasi bamona. Vadaeni Lohiabada ia gwau, ‘Inai be biaguna lasi taudia, idia ta ta ese edia ruma dekenai do idia lao namo, mai maino danu.’ ”

SALAMO 89:19

Gunaguna momokani neganai, oi ese oiemu hesiai taudia korikori dekenai nihi oi siaia, bona idia dekenai oi hamaoroa, oi gwau, “Lau ese tuari tauna namona ta lau abia hidi vadaeni, bona lau ese king dagi ia dekenai lau henia. Lau ese hanua taudia edia huanai ia lau abia hidi, ia be king.

ESEKIELA 1:28

Inai diari badana be mai ena kala momo, guba ena kevau bamona. Inai diari lau itaia, ia be Lohiabada dekena amo ia mai diari badana, Dirava ena hairaina ia hedinaraia gauna. Vadaeni lau itaia neganai, lau moru diho, bona gado ta lau kamonai.

NUMERA 12:6

Lohiabada ia gwau, “Lauegu hereva umui kamonai: Umui Israela bese emui huanai, bema peroveta taudia idia noho neganai, mata hanai bona nihi dekena amo idia dekenai lau hedinarai.

NUMERA 22:20

Unai hanuaboi Dirava be Balama dekenai ia mai, ia gwau, “Inai taudia be oi idia boiria totona idia mai vadaeni. Vadaeni, oi toreisi, idia danu oi lao, to lau ese oi dekenai lau hamaoroa gauna sibona do oi karaia.”

NUMERA 22:31

Unai neganai Lohiabada ese Balama ena matana ia kehoa, vadaeni Balama ese Lohiabada ena aneru ia itaia dala dekenai, iena imana dekenai be tuari kaia ia noho. Vadaeni Balama be ia tui diho, bona iena vairana be tano dekenai ia atoa.

NUMERA 24:15

Vadaeni Balama be ma ia haroro, ia gwau, “Balama Beoro ena hereva be inai: Iena matana idia kehoa momokani tauna, Balama, ena hereva be inai:

NUMERA 24:5

Iakobo e, oiemu palai rumadia be namo herea. Israela e, oiemu kamepa gabudia be namo bada.

APOSETOLO EDIA KARA 10:10

Vadaeni, ia hitolo, bona ia ura aniani. To aniani idia karaia neganai, ia mata hanai.

APOSETOLO EDIA KARA 10:19

Petero be unai mata hanai dekenai ia itaia gaudia ia laloa noho nega lalonai, Lauma ese ia dekenai ia gwau, “Tatau toi idia tahua oi.

APOSETOLO EDIA KARA 22:17

“Ierusalema dekenai lau giroa lou, bona Dubu Helaga lalonai lau guriguri noho neganai lau mata hanai.

APOKALUPO 1:10

Vadaeni Lohiabada ena Dina dekenai Lauma Helaga ese lau ia abia. Unai neganai lauegu murina kahanai be gado badana ta, kibi ena regena bamona, lau kamonai.

APOKALUPO 1:17

Lau itaia neganai, iena aena badinai lau moru diho, lau be mase tauna bamona. To ia ese iena imana idibana lau dekenai ia atoa, ia gwau, “Oi gari lasi. Lau be ginigunana momokani, bona dokona momokani.

1 SAMUELA 19:24

Unai neganai ia ese iena dabua ia kokia, ma ia danu Samuela ena vairanai ia peroveta, bona kopina kavakava dekenai ia hekure noho, unai dina ibounai, bona hanuaboi ibounai danu. Unai dainai hereva ta idia gwauraia loaloa, idia gwau, “Saulo danu be peroveta tauna ta, a?”