NUMERA 24:10 - Buka Helaga (Hiri Motu) 1993

¹⁰ Balaki be Balama dekenai ia badu dikadika. Iena imana ruaosi ia hakapua, ia gwau henia, ia gwau, “Lau ese oi lau boiria, lau dekenai idia dagedage taudia do oi hadikaia totona. To oi ese nega toi oi hanamodia vadaeni.

NUMERA 24:10 Iomraidhean Croise

NEHEMIA 13:2

Inai bamona ia torea badina be Israela taudia be Aigupito dekena amo idia raka neganai, Amono bona Moaba taudia ese ranu bona aniani idia henidia lasi. Ma idia ese Balama dekenai moni idia henia, ia ese Israela taudia do ia hadikaia totona. To iseda Dirava ese Balama ena hadikaia hereva ia koua, bona ia ese hanamoa hereva ia halaoa.

IOBU 27:23

To ia heau neganai, taunimanima be mai moale danu, edia imadia do idia patapata, bona unai dika tauna ena gabu dekena amo ia heau neganai, do idia bamahuta henia mai hevaseha hereva danu.”

ESEKIELA 21:14

“Unai dainai, tanobada tauna e, peroveta karana do oi karaia inai bamona: Oiemu imana do oi patapataia, vadaeni tuari kaia be do oi davea nega rua, ma do oi davea nega toi, taunimanima ese do idia itaia, bona do idia diba ala-ala badana momokani be idia dekenai do ia mai noho.

ESEKIELA 21:17

Lau danu be egu imana do lau patapataia, vadaeni egu badu be do ia keru. Lau Lohiabada ese lau hereva vadaeni.”

ESEKIELA 22:13

“Egu imana do lau lokua, bona emui henaoa kara bona ala-ala kara do lau botaia.

NUMERA 22:11

‘Bese ta Aigupito dekena amo idia mai vadaeni, be momo herea, bona tano ibounai idia koua noho. Balaki ia ura meamea dekenai unai bese do lau hadikaia, ia ese idia do ia lulua lao totona.’ ”

NUMERA 22:17

Badina lau ese davana namo herea oi dekenai do lau henia, bona lau dekenai oi hereva gauna be do lau karaia. Mani oi mai, bona unai bese Israela do oi hadikaia, lauegu noinoi dainai.’ ”

NUMERA 22:6

Mani emu kara do oi mai, inai bese be oiemu meamea dekena amo do oi hadikaia, badina be edia goada ese lauegu bese ena goada ia hereaia. Bema oi hadikadia neganai, sedira lauegu bese ese idia do ia halusia diba, bona aiemai tano dekena amo do ai luludia diba. Badina be, lau diba oi ese oi hanamoa taudia idia namo, to oi ese oi hadikaia taudia do idia dika.’ ”

NUMERA 23:11

Vadaeni Balaki ese Balama ia gwau henia, ia gwau, “Lau dekenai edena bamona oi karaia? Lau idia dagedage henia taudia do oi hadikaia totona oi lau boiria. To oi ese oiemu uduna dekena amo oi hanamodia vadaeni.”

NUMERA 24:11

Harihari oi giroa lou haraga, oiemu gabu do oi lao. Guna lau gwau davana namona oi dekenai do lau henia. To Lohiabada ese oiemu dala ia koua dainai, davana do oi abia lasi.”

NUMERA 24:9

Israela taudia be laiona bamona idia hekure hegaegae noho. Idia laga-ani noho, laiona hahine bamona. Daika ese idia do ia hanogaia? Israela do idia hanamoa taudia, ese namo do idia davaria. To Israela do idia hadikaia taudia, ese dika do idia davaria.”

APOSETOLO EDIA KARA 11:10

Nega toi inai bamona ia vara, gabeai gau ibounai idia abia daekau guba dekenai.

DEUTERONOMI 23:6

Emui mauri dinadia ibounai lalonai unai Amono bona Moaba taudia do umui durua lasi, bona edia namo do umui tahua lasi.