NUMERA 23:9 - Buka Helaga (Hiri Motu) 1993

⁹ Nadi hagahaga dekena amo lau itadia. Ororo dekena amo lau itadia noho. Unai bese be sibona ia noho besena. Unai bese taudia idia diba, edia bese sibona be namo, bese idauidau bamona lasi.

NUMERA 23:9 Iomraidhean Croise

ESERA 9:2

Iuda taudia ese idau bese hahine idia adavaia noho, bona unai dainai Dirava ena bese helagana be inai tano taudia danu idia mikisi hebou. Bona inai kara dika idia karaia guna taudia be lohia taudia bona taunimanima gunalaia taudia.”

ESETA 3:8

Vadaeni Hamana ese king Ahasuero ia hereva henia, ia gwau, “Bese ta be oiemu basileia kahana ibounai dekenai idia noho. Edia noho be idau, bona iseda noho be idau. Edia taravatu be idau, bese oredia edia taravatu bamona lasi, bona idia ese king ena taravatu idia kamonai henia lasi. Unai dainai oi ese idia do oi alaia mase be namo.

ESODO 33:16

Bema oi ese ai do oi bamoa lasi neganai, edena bamona idau bese taudia do idia diba oi ese lau bona oiemu orea taudia oi ura henia? To bema oi be ai danu ita lao neganai, idau bese taudia do idia diba namonamo, ai be bese idauna momokani, tanobada besedia ibounai edia huanai.”

IEREMIA 46:28

Lohiabada ma ia gwau, “Egu hesiai tauna Iakobo e, do oi gari lasi, badina lau be oi danu lau noho. Momokani idia dekenai oi lau lulua lao besedia ibounai, be lau ese do lau hadikaia ore. To oi be do lau hadikaia ore lasi. Oiemu dika ena davana korikori, be oi dekenai do lau henia, to lau ese mai egu kota maoromaoro, bona egu laloa momokani danu, oi do lau matakani henia.”

IEREMIA 49:31

‘Umui toreisi, idia laga-ani noho bese taudia, ia noho namonamo noho besena, do ita tuari henia, do ita hadikaia. Edia hanua be mai ena magu iduara lasi, mai edia loka lasi. Ia sibona ia noho, iena taudia danu, be mai edia durua taudia lasi.’

AMOSA 9:9

“Lau ese oda do lau henia, bona Israela taudia tohoa totona, idia do lau hamarerea, raisi be uaia lalonai idia hamarerea bamona, momoru idia kokia gwauraia neganai. Lau ese bese idauidau lalonai idia noho Israela taudia do lau hamarerea, anina lasi Israela taudia ibounai do lau kokia ore totona.

MIKA 7:14

Lohiabada e, mani emu kara, oiemu bese, oi abia hidi vadaeni taudia do oi naria, mamoe naria tauna ese iena mamoe ia naria noho bamona. Idia be tano namo lasi ororo gabuna dekenai idia noho, to tano namona be idia ia hagegea noho. Edia dala do oi kehoa, vadaeni Basana bona Gileada rei namona gabudia dekenai aniani do idia ania, gunaguna idia karaia bamona.

2 KORINTO 6:17

Unai dainai Lohiabada ma ia hereva, ia gwau: “Umui ese idia do umui rakatania, bona idia dekena amo do umui parara. Miro gaudia ibounai dekena amo do umui raka siri, vadaeni umui do lau abia dae.

DEUTERONOMI 32:8

Ataiai Herea Diravana ese, bese ta ta dekenai tano ia haria henidia neganai, taunimanima ibounai edia noho gabudia ia gwauraia neganai, ia ese bese ta ta edia tano hetoadia ia henidia. Ia ese bese ta ta ibounai dekenai, edia dirava ta ta ia henia.

DEUTERONOMI 33:28

Unai dainai Israela ena tubuna taudia, be maino dekenai do idia noho namonamo, Iakobo iduhu taudia be sibodia do idia noho, tuari ta lasi. Iakobo ena tano be koni bona uaina matamata dekenai ia honu, bona unai tano dekenai hanuaboi ena paripari, be guba dekena amo medu bamona ia diho.

TITO 2:14

Keriso ese iena mauri ia henia ita dainai, kara dika ibounai dekena amo ita do ia hamauria totona. Badina be ia ura orea tamona ita do ia halaoa, ia sibona ena orea, do ita goevagoeva, bona iena kara namodia do ita karaia totona.

1 PETERO 2:9

To Dirava ese umui ia abia hidi vadaeni, umui be iena bese, umui be King ena hahelagaia taudia, bese helagana, bona Dirava ena orea korikori taudia. Dirava ese umui ia abia hidi, iena hoa kara badadia do umui gwauraia hedinarai. Badina be ia ese dibura dekena amo umui ia boiria, vadaeni iena diari namo bada herea lalonai do umui noho.