NUMERA 23:7 - Buka Helaga (Hiri Motu) 1993

⁷ Vadaeni Balama be ia haroro, ia gwau, “Balaki ese Arama dekena amo lau ia boiria, Moaba ena king ese dina daekau kahana, ena ororodia dekena amo lau ia boiria. Ia gwau, ‘Oi mai, Iakobo do oi hadikaia. Oi mai, oiemu uduna dekena amo, Israela taudia do oi hereva dika henia.’

NUMERA 23:7 Iomraidhean Croise

GENESE 10:22

Sema ena natuna be inai: Elama bona Asuru bona Apakasada bona Luda bona Arama.

GENESE 28:2

Mesopotamia dekenai do oi lao, oiemu tubuna Betuela ena ruma dekenai do oi daekau, oiemu vavana Labana ena natuna kekeni ta do oi adavaia.

GENESE 28:7

Ia diba danu Iakobo be iena tamana bona iena sinana edia gadona ia kamonai henia vadaeni, Mesopotamia dekenai ia lao.

2 SAMUELA 21:21

Unai tau ese Israela taudia ia kirikirilaia, mai hekokoroku danu, vadaeni Ionatana, Davida ena kakana Simei ena natuna ese ia alaia mase.

2 SAMUELA 23:9

Inai “Tuari Lohia Toi” orea ena tau iharuana be Eleasara. Ia be Dodo Ahohi ena natuna. Pilistia taudia be tuari totona idia haboua, bona Israela taudia be gari dainai idia giroa lou, to Eleasara be Davida danu ia noho.

IOBU 27:1

Iobu ese ma ia hereva lou, ia gwau,

IOBU 29:1

Iobu ese ma ia hereva lou, ia gwau,

SALAMO 49:5

Nega dikadia, o dagedage taudia, be lau dekenai idia ginidae neganai lau gari lasi.

SALAMO 78:2

Aonega herevadia do lau gwauraia, bona sene taudia edia hunia herevadia edia anina, be do lau gwauraia hedinarai.

AONEGA HEREVADIA 26:2

Bisini manu ia roho loaloa noho, o aibisi manu ia roho lao noho hegeregerena, hereva dika mai badina lasi, be gabu ta dekenai do ia kamokau noho lasi. Vadaeni mai ena kerere lasi tauna, be hereva dika ese ia hadikaia diba lasi.

ESEKIELA 17:2

“Tanobada tauna e, Israela taudia dekenai parabole ta do oi gwauraia,

ESEKIELA 20:49

Vadaeni lau Esekiela lau gwau, “Lohiabada Dirava e, inai hereva gwauraia totona lau do oi hagoadaia lasi, badina idia ese lau dekenai idia hereva badubadu noho, idia gwau, lau be nega ibounai parabole sibona lau gwauraia noho.”

MIKA 2:4

Unai nega dikana ia vara neganai, taunimanima ese emui sivarai do idia gwauraia loaloa mai kirikiri danu. Taitai ane do idia abia koikoi, inai bamona: ‘Ai be ai dika momokani vadaeni! Lohiabada ese aiemai tano ia abia vadaeni. Bona idau bese taudia, idia ese ai idia guia taudia, dekenai aiemai tano ia henia.’ ”

HABAKUKU 2:6

To idia guia taudia ese Babulonia taudia do idia hereva dika henia, do idia gwau, ‘Umui ese emui gaudia lasi umui abia noho. Umui ese abiatorehai taudia umui hagaria dekena amo, kohu momo umui abia noho. Unai karadia dainai dika bada do umui davaria inai.’ ”

NUMERA 22:11

‘Bese ta Aigupito dekena amo idia mai vadaeni, be momo herea, bona tano ibounai idia koua noho. Balaki ia ura meamea dekenai unai bese do lau hadikaia, ia ese idia do ia lulua lao totona.’ ”

NUMERA 22:17

Badina lau ese davana namo herea oi dekenai do lau henia, bona lau dekenai oi hereva gauna be do lau karaia. Mani oi mai, bona unai bese Israela do oi hadikaia, lauegu noinoi dainai.’ ”

NUMERA 23:18

Vadaeni Balama ese inai peroveta hereva ia gwauraia: “Balaki e, oi toreisi, oi kamonai, Siporo ena natuna e, lau dekenai oi kamonai.

NUMERA 23:6

Unai dainai Balama ia giroa lou, bona Balaki ia davaria, iena boubou gabua patana badibadinai ia gini, iena lohia taudia ibounai danu.

NUMERA 24:15

Vadaeni Balama be ma ia haroro, ia gwau, “Balama Beoro ena hereva be inai: Iena matana idia kehoa momokani tauna, Balama, ena hereva be inai:

NUMERA 24:21

Unai neganai Balama ese Kene taudia iena mata hanai dekenai ia itaia, bona peroveta hereva inai bamona ma ia gwauraia: “Umui emui ruma be auka, bona emui noho gabuna be hagahaga nadina lalonai.

NUMERA 24:23

Ma Balama ia peroveta lou, ia gwau: “Be, Dirava ese inai bamona ia karaia, vadaeni daika do ia mauri diba?

NUMERA 24:3

vadaeni inai peroveta hereva ia gwauraia, ia gwau, “Balama Beoro ena hereva be inai: Iena matana idia kehoa noho momokani tauna, Balama, ena hereva be inai:

MATAIO 13:33

Parabole ta ma ia hamaorodia, ia gwau, “Guba Basileia be hatubua ena muramura bamona, hahine ta ese ia abia, paraoa momo, hegeregere disi toi danu ia mikisi karaia, ia lao bona inai muramura ese paraoa ibounai ia hatubua, ia bada vadaeni.”

MATAIO 13:35

Inai bamona ia karaia, peroveta tauna ena hereva hamomokania totona, ia gwau: “Lau hadibaia neganai parabole do lau gwauraia. Tanobada matamaia nega dekena amo ia mai bona hari, hunia gaudia do lau gwauraia hedinarai.”

MAREKO 12:12

Vadaeni, dubu biagudia idia ura Iesu idia dogoatao, to idia gari taunimanima dekenai, badina be idia diba, unai uma parabole ia gwauraia idia dainai. Idia rakatania, idia raka siri.

DEUTERONOMI 23:4

Badina be Aigupito dekena amo umui mai, bona edia tano dekenai umui raka neganai, idia ese aniani bona ranu umui dekenai idia henia lasi. Bona idia ese Balama Beoro, Petoro hanua tauna, Mesopotamia tano dekena amo, idia boiria, umui do ia hadikaia totona.

1 SAMUELA 17:10

Goliata ma ia gwau, “Hari dina dekenai lau ese Israela tuari orea dekenai lau boiboi noho, tau ta lau dekenai do umui siaia, ai ruaosi do ai tuari.”

1 SAMUELA 17:36

Lau ese laiona bona bea danu lau alaia mase vadaeni. Unai dainai inai Pilistia tauna, kopina utua lasi tauna, Mauri Dirava ena tuari orea ia hereva dika henia tauna, be do lau alaia danu.”

1 SAMUELA 17:45

Davida ese Pilistia tauna dekenai ia haere, ia gwau, “Oi be mai oiemu tuari kaia, bona mai oiemu io, bona mai oiemu auri labora io ta danu lau dekenai oi mai, to lau be Lohiabada Dirava ena ladana dainai oi dekenai lau raka mai inai. Ia be Israela tuari orea, oi ese oi boiboi dika henia taudia edia Dirava. Hari dina dekenai Lohiabada ese lauegu imana dekenai oi do ia atoa, oi do lau alaia mase, oiemu kwarana do lau utua, do ia moru.