NUMERA 23:5 - Buka Helaga (Hiri Motu) 1993

⁵ Vadaeni Lohiabada ese Balama do ia gwauraia herevadia ia henia, ia gwau, “Do oi giroa lou Balaki dekenai, bona inai hereva do oi hamaoroa.”

NUMERA 23:5 Iomraidhean Croise

ESODO 4:15

Oi ese ia dekenai do oi hereva henia, bona dahaka dahaka do ia gwauraia be do oi hamaoroa ia dekenai. To lau ese umui ruaosi emui hereva do lau durua. Umui ruaosi dekenai dohore lau hadibaia dahaka do umui karaia.

AONEGA HEREVADIA 16:1

Ita taunimanima ese palani ita karaia noho, to Dirava sibona ese iseda palani, ena anina ia havaraia noho.

AONEGA HEREVADIA 16:9

Tau ta ese iena kudouna lalonai, iena dala ia palania noho, to Lohiabada ese unai tau ena raka dalana, dekenai ia hakaua noho.

ISAIA 51:16

Lau ese guba ibounai lau karaia, bona tanobada ena badina nadidia lau atodia. Bona Siona taudia lau hamaoroa vadaeni, lau gwau, ‘Umui be lauegu bese taudia. Lau ese egu hadibaia hereva, be umui dekenai lau henia vadaeni, bona egu imana ena siahu dekena amo umui lau naria noho.’ ”

ISAIA 59:21

Ma Lohiabada ia gwau, “Inai be egu gwauhamata taravatuna umui danu: Egu Lauma be umui emui kudouna lalonai ia noho, bona egu hadibaia hereva danu umui dekenai lau henia, do umui gwauraia totona. Idia be umui emui, ela bona hanaihanai. Bona hari ia lao, umui ese egu Lauma bona egu hereva do umui kamonai henia momokani. “Bona umui ese emui natudia bona emui tubudia edia tubudia dekenai egu hereva do umui hadibaia, hari, inai nega dekena amo, ia lao bona hanaihanai. Lau Lohiabada, lau hereva inai.”

IEREMIA 1:9

Unai neganai Lohiabada ese iena imana lauegu uduna dekenai ia atoa, ia gwau, “Kamonai! Lau ese egu hereva oiemu uduna dekenai lau atoa inai.

NUMERA 22:20

Unai hanuaboi Dirava be Balama dekenai ia mai, ia gwau, “Inai taudia be oi idia boiria totona idia mai vadaeni. Vadaeni, oi toreisi, idia danu oi lao, to lau ese oi dekenai lau hamaoroa gauna sibona do oi karaia.”

NUMERA 22:35

Lohiabada ena aneru ese Balama ia hamaoroa, ia gwau, “Idia danu do oi lao, to lau ese oi dekenai lau hamaoroa hereva sibona do oi gwauraia.” Vadaeni Balama be Balaki ena lohia taudia danu ia lao.

NUMERA 23:16

Vadaeni Lohiabada be Balama dekenai ia mai, bona do ia gwauraia herevadia ia henia, ia gwau, “Do oi giroa lou Balaki dekenai, bona inai bamona do oi hamaoroa.”

NUMERA 23:4

Dirava be Balama danu ia hedavari. Dirava dekenai Balama ia gwau, “Boubou patadia 7 lau haginia vadaeni, bona boromakau tau ta bona mamoe tau ta unai boubou patana ta ta dekenai lau gabua vadaeni.”

NUMERA 23:6

Unai dainai Balama ia giroa lou, bona Balaki ia davaria, iena boubou gabua patana badibadinai ia gini, iena lohia taudia ibounai danu.

LUKA 12:12

Badina be, unai neganai do umui gwauraia herevadia, be Lauma Helaga ese do ia hadibaia umui dekenai.”

IOANE 11:51

Ia be unai bamona ia hereva, sibona ena ura dekenai lasi, to badina be unai lagani lalonai ia be Hahelagaia Tauna Badana, unai dainai ia gwauraia guna, Iesu be Iuda bese totona do ia mase.

DEUTERONOMI 18:18

lau ese edia bese huanai dekena amo peroveta tauna ta do lau abia hidi, oi hegeregere, bona lauegu hereva be iena uduna dekenai do lau gwauraia. Bona lauegu oda hereva ibounai be ia ese taunimanima dekenai do ia hamaoroa.