NUMERA 23:21 - Buka Helaga (Hiri Motu) 1993

²¹ Dika ta Iakobo dekenai lau itaia lasi. Kerere ta Israela dekenai do lau siaia lasi. Lohiabada, idia edia Dirava, be idia danu ia noho. Ia be idia edia King, bona inai bamona idia gwauraia hedinarai noho.

NUMERA 23:21 Iomraidhean Croise

2 SIVARAI 13:12

Kamonai, Dirava be ai dekenai ia noho, ia ese ai ia gunalaia noho. Iena hahelagaia taudia ese edia kibi do idia hiriria, umui dekenai do ai tuari henia totona. Israela besena e, Lohiabada, emui sene taudia edia Dirava do umui tuari henia lasi, badina do umui kwalimu diba lasi.”

SALAMO 103:12

Dina ia daekau kahana, bona dina ia diho kahana be daudau herea. Unai daudauna hegeregerena be Dirava ese, iseda kara dika ita dekena amo ia kokidia lao vadaeni.

SALAMO 118:15

Kamonai! Dirava ena bese taudia ese, edia palai rumadia lalonai, idia boiboi noho mai moale danu, idia kwalimu dainai, idia gwau, “Lohiabada ena goada badana ese inai kara ia karaia!

SALAMO 135:21

Siona dekenai umui noho taudia e, Lohiabada do umui hanamoa. Inai be Ierusalema, Lohiabada ena noho gabuna momokani. Lohiabada do umui hanamoa!

SALAMO 23:4

Oibe, lau be mase ena dibura koura gabuna, dekenai do lau raka lao, to dika ta dekenai do lau gari lasi, badina be, Lohiabada e, oi be lau danu oi noho. Oiemu mamoe hakaua itotohi, bona oiemu botaia auna ese, lau idia gimaia noho.

SALAMO 32:2

Bema Lohiabada ese tau ta kerere totona ia samania lasi, bona unai tau ena lauma lalonai koikoi sisina ia noho lasi, unai tau be mai moale danu.

SALAMO 32:5

Unai neganai lauegu kara dika, be oi dekenai lau gwauraia hedinarai. Lauegu kerere lau hunia lasi. Lau gwau, “Lauegu kerere, be Lohiabada ena vairanai do lau gwauraia hedinarai,” vadaeni oi ese lauegu kara dika oi gwauatao.

SALAMO 46:11

Siahu Ibounai Dirava be ita dekenai ia noho. Iakobo ena Dirava be iseda heau mauri gabuna.

SALAMO 46:7

Siahu Ibounai Lohiabada be ita dekenai ia noho. Iakobo ena Dirava be iseda heau mauri gabuna.

SALAMO 97:1

Lohiabada be King! Tanobada, do oi moale! Bona umui davara ena motumotu ibounai do umui moale bada!

SALAMO 99:2

Lohiabada be Siona lalonai, bona iena siahu be bada herea, ma Lohiabada ese bese idauidau ia biagua noho.

ESODO 13:21

Dina neganai Lohiabada be ori lalonai ia noho, bona idia edia vairana dekenai ia lao, edia dala ia hedinaraia totona. Hanuaboi neganai Lohiabada be lahi lalonai ia noho, bona idia edia vairanai ia lao, edia dala hadiaria totona. Unai dainai, dina neganai, bona hanuaboi neganai danu, idia laolao diba.

ESODO 3:12

Dirava ma ia gwau, “Momokani, dohore lau durua oi, bona lau siaia oi ena toana be inai: Oi ese Israela taudia Aigupito tano dekena amo do oi hakaua siri murinai, inai ororo Sinai dekenai Dirava do umui tomadiho henia.”

ESODO 34:9

Ia gwau, “Lohiabada e, bema lau dekenai oi ura henia, mani emu kara ai danu do ita lao. Momokani inai taunimanima be laloa hekokoroku taudia, to lau ura aiemai kerere bona kara dika do oi gwauatao, bona oiemu bese taudia korikori mani do oi halaoa ai.”

ISAIA 1:18

Lohiabada ma ia hereva, ia gwau, “Harihari umui mai, ita hereva hebou. Momokani, umui emui dika be bada, rara ia kakakaka momokani bamona, to lau ese umui do lau huria, vadaeni do umui goeva, sinou ia kurokuro bamona. Momokani emui miro be kakakaka herea, to lau huria neganai ia be kurokuro, mamoe ena huina hegeregerena.

ISAIA 12:6

Siona dekenai noho taudia e, mai moale danu do umui boiboi, bona ane do umui abia, badina Israela ena Helaga Dirava be bada, bona ia ese iena bese taudia, edia huanai ia noho.”

ISAIA 33:21

Lohiabada ese iena hairaina ita dekenai do ia hedinaraia. Ita be sinavai badadia badinai do ita noho, to idau bese tuari taudia edia lagatoi bona vanagi badadia be unai sinavai dekenai do idia heau lasi.

ISAIA 33:22

Badina Lohiabada be iseda Kota Biaguna, ia sibona be iseda King. Ia ese ita do ia biagua, bona ita do ia hamauria.

ISAIA 38:17

Momokani, oi ese lau do oi hanamoa totona, hisihisi bada lau dekenai ia vara. To oi Lohiabada ese emu lalokau dainai, lau oi hamauria vadaeni, mase ena guri dekena amo, badina be oi ese egu kara dika ibounai oi gwauatao vadaeni.

ISAIA 41:10

Do umui gari lasi, lau be umui dekenai lau noho! Lau be umui emui Dirava, gau ta ese umui do ia hagaria lasi. Lau ese umui do lau hagoadaia, bona umui do lau durua. Lau ese umui do lau naria, bona umui do lau hamauria.

ISAIA 8:10

Do umui tuari dalana do umui laloa, to emui laloa gauna ena anina do ia vara lasi. Emui palani do umui herevalaia momo, to do umui kwalimu diba lasi, badina Dirava be ai dekenai ia noho.

IEREMIA 50:20

Unai neganai, bona unai dinadia dekenai, kara dika do idia tahua Israela bona Iuda dekenai. To do idia davaria lasi, badina be do mauri noho taudia, do lau rakatania taudia, be edia dika do lau gwauatao. Lau inai Lohiabada lau hereva vadaeni.”

ESEKIELA 48:35

Hanua badana ena magu ibounai idia raka hagegea, bona ena magu 4 edia lata ibounai idia tohoa. Edia lata ibounai be 9000 mita. Inai hanua badana ena ladana be do idia atoa, “Lohiabada Ia Noho Gabuna.”

IOELA 2:27

Unai neganai, Israela e, umui be do umui diba, lau be umui emui huanai lau noho, bona do umui diba, lau Lohiabada be emui Dirava, dirava ma ta be lasi. Lauegu bese be bese haida ese, hemarai do idia henidia lou lasi.”

LEVITIKO 9:24

Bona lahi be Lohiabada ese iena gabu dekena amo ia siaia haraga. Inai lahi ese boubou gaudia bona digara, boubou patana dekenai noho gaudia, ia gabua ore. Israela taudia ese unai kara idia itaia, vadaeni mai moale danu idia boiboi, bona edia vairadia be tano dekenai idia atoa diho.

NUMERA 14:18

‘Lau Lohiabada, be badu haraga lasi, lauegu lalokau bona bogahisihisi be bada, bona kara dika bona kamonai henia lasi karadia lau gwauatao. To kara dika taudia edia dika do lau laloaboio lasi, badina edia natudia do lau panisia ela bona uru toi bona uru 4 do idia ore.’

NUMERA 14:19

Lau be oi dekenai lau noinoi, oiemu bogahisihisi ia bada herea dainai, inai bese edia kara dika do oi gwauatao. Mani edia dika do oi gwauatao, Aigupito idia rakatania ia mai bona hari edia dika oi gwauatao hegeregerena.”

NUMERA 16:3

Idia be Mose bona Arona edia vairanai idia haboua, bona idia dekenai idia heai henia, idia gwau, “Umui ruaosi ese mai hekokoroku danu ai umui gunalaia noho! Ai Israela taudia ibounai be Lohiabada ena bese, bona Lohiabada be aiemai huanai ia noho! Badina dahaka umui ruaosi ese mai siahu bada danu Lohiabada ena orea taudia umui biagua noho?”

NUMERA 9:22

Ori ese Dubu ia koua negadia ibounai, bema dina rua, o hua ta, o lagani ta, o nega daudau, to Israela taudia kamepa dekenai idia noho, idia toreisi lasi. To ori ia daekau neganai idia toreisi.

MATAIO 1:23

“Umui kamonai, tau ia diba lasi kekeni ese ena natuna do ia abia, mero ta. Iena ladana do idia atoa, Emanuela.” Emanuela ena anina be, “Dirava ita dekenai ia noho.”

ROMA 6:14

Kara dika ese umui do ia biagua lasi. Badina be Taravatu henunai umui noho lasi, to Dirava ena hariharibada henunai umui noho.

ROMA 8:1

Unai dainai Keriso Iesu dekenai idia hakapua bona ia lalonai idia noho taudia be Dirava ese edia kerere davana do ia gwauraia lasi.

2 KORINTO 2:14

To Dirava lau tanikiu henia, ia ese nega ibounai ai ia hakaua, vadaeni Keriso lalonai ai noho dainai ia ese ai dekenai kwalimu ia henia. Aiemai haroro gaukara dekena amo Dirava ese iena hereva ia hedinaraia, vadaeni taunimanima ibounai be Keriso ena sivarai idia diba. Inai bamona diba be bonana namona bamona gabu ibounai dekenai ia lao noho.

2 KORINTO 5:19

Aiemai haroro hereva be inai: Dirava be Keriso lalonai ia noho, bona ia ese Keriso dekena amo, tanobada taudia danu ia turana karaia noho. Keriso lalonai, Dirava ese edia kara dika ia laloatao lasi. Inai bamona haroro gaukara Dirava ese ai dekenai ia henia vadaeni, taunimanima be ia danu do idia turana karaia totona.

2 KORINTO 6:16

Dirava ena dubu helaga bona kaivakuku be edena bamona idia hakapua tamona diba? Badina ita be Mauri Dirava ena dubu helaga! Dirava ese inai bamona ia hereva, ia gwau: “Lau be lauegu bese taudia danu do lau noho, bona idia edia huanai do lau raka. Bona lau be edia Dirava do lau lao, bona idia be lauegu bese taudia do lau halaodia.”

DEUTERONOMI 31:23

Lohiabada ese Iosua Nunu ia hamaoroa, ia gwau, “Do oi goada, oiemu lalona do oi ha-aukaia, Israela taudia do oi hakaua, vadaeni idia dekenai lau gwauhamata henidia tano dekenai do idia vareai. Lau danu ese oi do lau bamoa noho.”

DEUTERONOMI 32:5

To umui be iena vairana dekenai umui kara dika noho. Umui be iena natuna taudia lasi, badina umui be mai emui miro. Umui be dagedage bona gagevagageva besena.

DEUTERONOMI 33:5

Israela bese gunalaia taudia idia helai neganai, bona Israela iduhu ibounai idia hebou neganai. Lohiabada be Israela besena ena King momokani ia lao.

DEUTERONOMI 9:24

Israela orea dekenai lau ginidae dinana ia mai bona harihari, umui ese Lohiabada dekenai umui maumau noho.

GUNALAIA TAUDIA 6:13

Gideona ese ia haere henia, ia gwau, “Lauegu lohia e, bema Lohiabada be ai dekenai ia noho, edena bamona inai kerere ibounai ai dekenai idia vara? Unai hoa karadia, Lohiabada ese gunaguna ia karaia, sene taudia ese ai idia hamaorolaia gaudia be edeseni? Idia gwau, ‘Lohiabada ese Aigupito dekena amo ai ia hakaua mai!’ To harihari Lohiabada ese ai ia rakatania vadaeni, Midiana taudia edia siahu henunai ai ia atoa vadaeni.”

1 SAMUELA 25:28

“Lau be oiemu hesiai hahine, mani emu kara, egu kara dika do oi gwauatao. Lau diba Lohiabada ese king tauna oi do ia haginia, bona oiemu tubuna taudia danu. Badina be tuari ta Lohiabada ia ura karaia neganai, ia ese oi ia siaia noho, ia dainai unai tuari do oi tuari karaia totona. Bona lau diba oiemu mauri dinadia ibounai lalonai kara kerere ta be oiemu lalona dekenai idia do davaria lasi.