NUMERA 23:1 - Buka Helaga (Hiri Motu) 1993

¹ Balama ese Balaki ia hamaoroa, ia gwau, “Boubou patadia 7 do oi haginia iniseni, boromakau tau 7 bona mamoe tau 7 danu do oi abia hegaegae.”

NUMERA 23:1 Iomraidhean Croise

2 KING TAUDIA 18:22

Rabesake ma ia gwau, “Bema inai bamona umui gwau, ‘Ai be Lohiabada, aiemai Dirava ai abidadama henia noho,’ inai danu be hegeregere lasi. Badina be Hesekaia ese Lohiabada ena ataiai gabudia bona boubou patadia ia kokia vadaeni, bona Iuda taudia ibounai ia oda henidia Ierusalema dekenai ia noho boubou patana sibona dekenai do idia tomadiho.”

1 SIVARAI 15:26

Bona Dirava ese Levi taudia, iena Taravatu Maua idia huaia taudia ia durua dainai, idia ese boromakau tau 7 bona mamoe tau 7 idia abia, boubou gaudia idia halaoa.

2 SIVARAI 29:21

Idia ese boromakau tau 7, bona mamoe tau 7, bona mamoe natudia 7, bona nanigosi tau 7 idia abia vareai, boubou gaudia do idia lao, kara dika dainai, basileia totona, Dubu Helaga totona, bona Iuda taudia totona. Hesekaia ese hahelagaia taudia, Arona ena bese taudia ia oda henia, idia ese unai boubou gaudia be Lohiabada ena boubou patana ena latanai do idia henia.

IOBU 42:8

“Unai dainai, boromakau tau 7 bona mamoe tau 7 do oi abia lao Iobu dekenai. Bona umui emui boubou gauna totona inai boromakau bona mamoe do umui gabua, emui dika totona. Iobu ese umui totona do ia guriguri, bona lau ese iena guriguri do lau kamonai. Bona umui emui kavakava hegeregerena umui dekenai do lau karaia lasi, Iobu ena guriguri namona dainai. Umui ese lau umui herevalaia maoromaoro lasi, Iobu ese lau ia herevalaia bamona.”

ESODO 20:24

Boubou patana tano dekena amo do umui haginia. Inai pata latanai emui boubou, lahi ese do ia gabua gaudia, maino karaia gaudia, mamoe bona boromakau, lau dekenai do umui henia. Bema lau ese lau abia hidi tomadiho gabudia dekenai umui ese lau umui tomadiho henia neganai, lau ese umui do lau hanamoa.

AONEGA HEREVADIA 15:8

Taunimanima namodia idia guriguri neganai, Lohiabada ia moale noho, to kara dika tauna ena boubou gauna, be Lohiabada ese ia ura henia lasi momokani.

ESEKIELA 33:31

Vadaeni egu bese taudia idia haboua noho, oiemu hereva do idia kamonai totona. To idia be idia kamonai kava sibona, inai hereva idia badinaia lasi. Idia ese kara namodia do idia karaia dalana idia herevalaia noho, to edia hereva be mai anina lasi. Badina be edia uduna dekena amo lalokau hereva momo idia gwauraia noho, to edia kudouna dekena amo edia kohu habadaia daladia idia laloa noho.

ESEKIELA 45:23

Bona inai Pasova Aria ena dina 7 lalonai king ese boromakau natudia tau 7 bona mamoe tau, dika lasi momokani gaudia 7 do ia henia, Lohiabada ena, unai dina ta ta dekenai, gabua ore boubou gaudia, bona nanigosi tau ta, unai dina ta ta dekenai, kara dika kokia totona gaudia.

NUMERA 22:41

Kerukeru dabai Balaki ese Balama ia hakaua, Bamoto Bala ena ataiai gabuna dekenai idia daekau lao. Unai gabu dekena amo Balama ese Israela taudia edia kamepa kahana ia itaia.

NUMERA 23:2

Balaki ese Balama ena hereva hegeregere ia karaia. Vadaeni Balaki bona Balama ese boubou patadia ta ta ibounai latanai boromakau tau ta bona mamoe tau ta idia gabua.

NUMERA 23:29

Balama ia gwau, “Boubou patadia 7 iniseni do oi karaia. Bona boromakau tau 7, bona mamoe tau 7 do oi abia hegaegae.”

NUMERA 23:30

Balaki ese Balama ena hereva hegeregerena ia karaia. Bona boromakau tau ta, bona mamoe tau ta be boubou patana ta ta dekenai ia gabua.

NUMERA 29:32

“Dina namba 7 dekenai, boromakau tau ibounai 7, mamoe tau rua, bona mamoe natuna tau, lagani tamona gaudia ibounai 14, namodia momokani, bero o toto lasi gaudia do umui henia.

MATAIO 23:13

“Taravatu hadibaia taudia bona Farisea taudia, kara koikoi taudia, dika do umui davaria momokani! Badina Guba Basileia ena iduara be taunimanima edia vairana dekenai umui koua. Umui be do umui raka vareai diba lasi, bona do idia raka vareai gwauraia taudia be umui ese umui koua.

IUDA 1:11

Madi, dika momokani do idia davaria! Kaino ena dala hegeregere idia raka vadaeni. Balama ena kerere idia karaia vadaeni, moni do idia davaria totona. Idia ese mai hekokoroku danu, Dirava idia kamonai henia lasi, Kora ia karaia bamona. Bona Kora ese dika ia davaria bamona, idia danu ese edia dika davana, mase do idia abia.

1 SAMUELA 15:22

To Samuela ia haere, ia gwau, “Edena kara be Lohiabada ia ura henia bada, a? Idia gabua boubou, bona boubou idauidau ia ura henia, a? Lasi, Lohiabada ena hereva idia kamonai henia taudia, be ia ura henia, ani? Oi laloa namonamo: Lohiabada kamonai henia kara, ese boubou karadia ia hereaia, bona Lohiabada ena hereva badinaia kara, ese mamoe namodia edia digara ia hereaia.