NUMERA 22:6 - Buka Helaga (Hiri Motu) 1993

⁶ Mani emu kara do oi mai, inai bese be oiemu meamea dekena amo do oi hadikaia, badina be edia goada ese lauegu bese ena goada ia hereaia. Bema oi hadikadia neganai, sedira lauegu bese ese idia do ia halusia diba, bona aiemai tano dekena amo do ai luludia diba. Badina be, lau diba oi ese oi hanamoa taudia idia namo, to oi ese oi hadikaia taudia do idia dika.’ ”

NUMERA 22:6 Iomraidhean Croise

GENESE 12:3

Oi idia hanamoa taudia be lauegu hanamoa do idia davaria, to oi idia hadikaia taudia be dohore lau hadikaia. Tanobada ena bese ibounai, be oi dainai namo bada do idia davaria.”

GENESE 27:29

Idau bese taudia ese, oiemu hesiai gaukara do idia karaia. Bese idauidau ese, oiemu vairana dekenai do idia tui diho. Oiemu tadikakana edia biaguna, be do idia halaoa oi. Oiemu sinana ena natuna be oiemu vairana dekenai, edia kwarana do idia atoa diho. Oi dekenai idia hadikaia taudia, be do idia hadikaia. Oi dekenai idia hanamoa taudia, be do idia hanamoa.”

1 KING TAUDIA 22:13

Hesiai tauna be Mikaia boiria totona ia lao, vadaeni hesiai tauna ese Mikaia ia hamaoroa, ia gwau, “Oi kamonai, peroveta taudia edia hereva be tamona vadaeni, idia gwau Ahaba be do ia kwalimu. Namo oi ese edia hereva oi durua.”

1 KING TAUDIA 22:6

Unai dainai Ahaba ese peroveta taudia ia haboua, idia be tau 400 bamona. Idia ia nanadaia, ia gwau, “Ramoto Gileada do lau tuari henia, o do lau tuari henia lasi?” Peroveta taudia idia haere, idia gwau, “Oi lao, oi tuari henia, badina Lohiabada ese kwalimu oi dekenai do ia henia.”

1 KING TAUDIA 22:8

Ahaba ia haere, ia gwau, “Tau ta do noho, ia dekena amo Lohiabada ena hereva ita tahua diba, iena ladana be Mikaia, Imila ena natuna. To lau ese ia lau badu henia noho, badina ia be nega ta gau namona lau dekenai ia peroveta lasi, to gau dikadia sibona.” To Iehosapata ia gwau, “Oi ese unai bamona oi hereva be namo lasi.”

NEHEMIA 13:2

Inai bamona ia torea badina be Israela taudia be Aigupito dekena amo idia raka neganai, Amono bona Moaba taudia ese ranu bona aniani idia henidia lasi. Ma idia ese Balama dekenai moni idia henia, ia ese Israela taudia do ia hadikaia totona. To iseda Dirava ese Balama ena hadikaia hereva ia koua, bona ia ese hanamoa hereva ia halaoa.

SALAMO 109:28

Idia ese edia hereva dekenai lau idia hadikaia, to oi ese lau do oi hanamoa. Lau idia dagedage henia taudia mani do oi halusia, vadaeni lau, oiemu hesiai tauna, be do lau moale.

AONEGA HEREVADIA 26:2

Bisini manu ia roho loaloa noho, o aibisi manu ia roho lao noho hegeregerena, hereva dika mai badina lasi, be gabu ta dekenai do ia kamokau noho lasi. Vadaeni mai ena kerere lasi tauna, be hereva dika ese ia hadikaia diba lasi.

ESEKIELA 13:6

“Emui peroveta taudia edia mata hanai be momokani lasi, bona edia peroveta hereva be koikoi sibona. Idia gwau, ‘Lohiabada be inai bamona ia hereva,’ to lau ese idia lau siaia lasi. Ma idia laloa edia hereva gaudia be momokani do idia vara!

MIKA 6:5

“Lauegu bese taudia e, Moaba ena king Balaki ia ura karaia umui dekenai kara, do umui laloa lou. Bona Balama Beoro ese Balaki ia haere henia hereva danu do umui laloa. Umui durua totona lau karaia gaudia danu do umui laloa, Sitima kamepa bona Gilegala dekenai umui raka lao neganai. Unai kara badadia be lau ese lau karaia umui do lau hamauria totona. Unai kara do umui laloa, vadaeni egu kara maoromaoro do umui diba.”

NUMERA 22:12

Dirava ese Balama dekenai ia hamaoroa, ia gwau, “Inai Moaba bona Midiana taudia danu do oi lao lasi, bona unai Israela besena do oi hadikaia lasi, badina be lau ese Israela lau hanamoa vadaeni.”

NUMERA 22:17

Badina lau ese davana namo herea oi dekenai do lau henia, bona lau dekenai oi hereva gauna be do lau karaia. Mani oi mai, bona unai bese Israela do oi hadikaia, lauegu noinoi dainai.’ ”

NUMERA 23:13

Vadaeni Balaki ese Balama ia hamaoroa, ia gwau, “Mani oi mai, gabu ta ma dekenai do ita lao. Unai gabu dekena amo Israela taudia haida, kahirakahira idia noho taudia sibona do oi itaia. Ibounai do oi itaia diba lasi. Unai gabu dekena amo unai taudia be oiemu uduna hereva dekena amo do oi hadikaia.”

NUMERA 23:27

Vadaeni Balaki ese Balama dekenai ia hereva, ia gwau, “Oi mai, gabu idauna ta dekenai ita lao, sedira unai gabu dekenai Dirava do ia ura unai bese oiemu uduna dekena amo do oi hadikaia.”

NUMERA 24:9

Israela taudia be laiona bamona idia hekure hegaegae noho. Idia laga-ani noho, laiona hahine bamona. Daika ese idia do ia hanogaia? Israela do idia hanamoa taudia, ese namo do idia davaria. To Israela do idia hadikaia taudia, ese dika do idia davaria.”

APOSETOLO EDIA KARA 16:16

Dina ta guriguri gabuna ai lao neganai, hesiai kekeni ta ia davaria ai. Unai kekeni be meamea lauma ese ia abia. Ia be vairai do idia vara gaudia ia gwauraia. Inai kekeni ena biaguna ese moni momo idia abia iena meamea kara dekena amo.

DEUTERONOMI 23:4

Badina be Aigupito dekena amo umui mai, bona edia tano dekenai umui raka neganai, idia ese aniani bona ranu umui dekenai idia henia lasi. Bona idia ese Balama Beoro, Petoro hanua tauna, Mesopotamia tano dekena amo, idia boiria, umui do ia hadikaia totona.

IOSUA 24:9

Balaki Siporo, Moaba ena king ia toreisi, Israela taudia ia tuari henidia. Ia ese Balama Beoro ia boiria, umui do ia hadikaia totona.

1 SAMUELA 17:43

Vadaeni Pilistia tauna ese Davida ia gwau henia, ia gwau, “Lau be sisia a, unai dainai oi be mai au danu lau dekenai oi raka mai?” Bona Goliata ese iena dirava edia ladana dekenai Davida ia hereva dika henia.