NUMERA 22:5 - Buka Helaga (Hiri Motu) 1993

⁵ ese iena hesiai taudia ia siaia, Balama Beoro do idia abia mai totona. Balama Beoro be Petoro dekenai, Euperate Sinavai ena badibadinai, Amawa tano dekenai ia noho. Hesiai taudia idia gwau, “Balaki be inai bamona ia gwau, ‘Bese ta Aigupito dekena amo idia mai vadaeni, idia be momo herea, tano ibounai idia koua, bona lauegu tano ena badibadinai idia kamepa noho.

NUMERA 22:5 Iomraidhean Croise

GENESE 13:16

Oi dekenai tubuna momo herea do lau henia, bona tau ta ese idia do ia duahia diba lasi, tanobada ena tano kahu ibounai ena momo ia duahia diba lasi bamona.

SALAMO 105:24

Lohiabada ese, natuna bona tubuna momo herea Iakobo dekenai ia henia, bona idia edia goada ese, idia dagedage henidia taudia edia goada ia hereaia.

ESODO 10:15

Tano ena kopina ibounai idia ese idia koua momokani, tano ia korema vadaeni. Ava ibounai bona au ena huahua ibounai idia ania ore, medu, aisi nadi bamona ia hadikaia lasi gaudia ibounai idia ania ore. Ia tubu noho gauna ta, au o tano ena avana, idia noho lasi, Aigupito tano ibounai dekenai.

MIKA 6:5

“Lauegu bese taudia e, Moaba ena king Balaki ia ura karaia umui dekenai kara, do umui laloa lou. Bona Balama Beoro ese Balaki ia haere henia hereva danu do umui laloa. Umui durua totona lau karaia gaudia danu do umui laloa, Sitima kamepa bona Gilegala dekenai umui raka lao neganai. Unai kara badadia be lau ese lau karaia umui do lau hamauria totona. Unai kara do umui laloa, vadaeni egu kara maoromaoro do umui diba.”

NUMERA 23:7

Vadaeni Balama be ia haroro, ia gwau, “Balaki ese Arama dekena amo lau ia boiria, Moaba ena king ese dina daekau kahana, ena ororodia dekena amo lau ia boiria. Ia gwau, ‘Oi mai, Iakobo do oi hadikaia. Oi mai, oiemu uduna dekena amo, Israela taudia do oi hereva dika henia.’

NUMERA 31:8

Midiana edia king taudia 5 danu be Israela ese idia alaia mase. King edia ladana be Evi, Rekema, Suru, Huru, bona Reba. Balama Beoro danu be Israela taudia ese tuari kaia dekena amo idia alaia mase.

DEUTERONOMI 23:4

Badina be Aigupito dekena amo umui mai, bona edia tano dekenai umui raka neganai, idia ese aniani bona ranu umui dekenai idia henia lasi. Bona idia ese Balama Beoro, Petoro hanua tauna, Mesopotamia tano dekena amo, idia boiria, umui do ia hadikaia totona.

DEUTERONOMI 23:5

Lohiabada, emui Dirava, ese Balama ena hadikaia hereva ia kamonai lasi, to unai hadikaia hereva be hanamoa hereva ia halaoa, badina be Lohiabada, emui Dirava ese umui ia ura henia.

IOSUA 13:22

Balama Beoro, ia ese gabeai do idia vara gaudia ia gwauraia tauna, be Israela taudia ese tuari kaia dekenai idia alaia, taunimanima momo danu.

IOSUA 24:9

Balaki Siporo, Moaba ena king ia toreisi, Israela taudia ia tuari henidia. Ia ese Balama Beoro ia boiria, umui do ia hadikaia totona.

IUDA 1:11

Madi, dika momokani do idia davaria! Kaino ena dala hegeregere idia raka vadaeni. Balama ena kerere idia karaia vadaeni, moni do idia davaria totona. Idia ese mai hekokoroku danu, Dirava idia kamonai henia lasi, Kora ia karaia bamona. Bona Kora ese dika ia davaria bamona, idia danu ese edia dika davana, mase do idia abia.

APOKALUPO 2:14

“To inai gau haida dekenai oi be kerere. Umui emui huanai taunimanima haida ese Balama ena hadibaia hereva idia badinaia noho. Balama ena hadibaia hereva dainai, Balaki ese Israela taudia ia hakaudia kerere, vadaeni idia kara dika. Unai murinai Israela taudia ese kaivakuku dekenai idia henia vamuna idia ania, bona matabodaga karadia idia karaia.