NUMERA 22:36 - Buka Helaga (Hiri Motu) 1993

³⁶ Balaki be ia kamonai Balama ia mai noho, vadaeni ia be Moaba ena hanua ta ladana Ara dekenai ia lao, Balama danu ia hedavari totona. Ara be Aranona Sinavai ena badibadinai ia noho, Moaba ena tano hetoa gabuna dekenai.

NUMERA 22:36 Iomraidhean Croise

GENESE 14:17

Aberamo ese Kedoralaomere bona king haida ia halusidia murinai, ia giroa mai, bona Sodoma ena king ese ia danu ia hedavari Save Koura dekenai, ena ladana ta be, King ena Koura.

GENESE 18:2

Vadaeni iena matana ia negea, tatau toi ia itaia unuseni idia gini. Ia itaia neganai, iena palai ruma iduara dekena amo ia heau lao, ia tui diho tano dekenai,

GENESE 46:29

Iosepa ese iena kariota ia abia hegaegae, Gosena dekenai ia lao, iena tamana Israela danu do idia hedavari totona. Ia dekenai ia ginidae, vadaeni iena aiona dekenai ia rosia, ia tai nega daudau.

ESODO 18:7

Vadaeni Mose ese ia dekenai ia lao, hedavari totona. Mose ese iena ravana ena vairana dekenai iena kwarana ia atoa diho, ia kisi henia. Edia mauri be edena bamona, be idia sibona ta ta dekenai idia henanadaia, vadaeni palai ruma dekenai idia raka vareai.

ISAIA 16:2

Moaba hahine taudia, be Aranona Sinavai ena isena dekenai idia naria noho. Idia raka mai, raka lao kava noho, manu natudia be edia ruma dekena amo idia boio neganai bamona.

IEREMIA 48:20

Do idia haere, do idia gwau, ‘Moaba be ia moru vadaeni, Moaba totona do umui tai, badina ia be ia hemarai bada noho. Aranona Sinavai ena isena idia noho taudia, dekenai do umui gwauraia hedinarai, inai bamona: Moaba be ia dika vadaeni!’

NUMERA 22:35

Lohiabada ena aneru ese Balama ia hamaoroa, ia gwau, “Idia danu do oi lao, to lau ese oi dekenai lau hamaoroa hereva sibona do oi gwauraia.” Vadaeni Balama be Balaki ena lohia taudia danu ia lao.

NUMERA 22:37

Balaki ese Balama dekenai ia hereva, ia gwau, “Hesiai taudia lau siaia, oi boiria totona, ani? Badina dahaka lau oi kamonai henia lasi? Lau ese oi lau hanamoa diba lasi, a?”

APOSETOLO EDIA KARA 28:15

Roma dekenai Keristani taudia ese ai mai noho sivarai idia kamonai. Vadaeni dala dekenai idia raka mai, bona hoihoi gabu ladana Apio bona Laga-ani Ruma Toi dekenai idia danu ai hedavari. Paulo ese idia ia itaia neganai, Dirava dekenai ia tanikiu henia, bona iena lalona dekenai goada ia abia.

DEUTERONOMI 2:24

“Ma Lohiabada ese ita ia hamaoroa, ia gwau: Umui toreisi, do umui raka lao, Aranona Koura do umui hanaia, Sihona, Amoro tauna, Hesebona ena king, bona iena tano be emui siahu henunai lau atoa vadaeni. Do umui tuari henia, bona iena tano do umui raka vareai, do umui abia.

DEUTERONOMI 3:8

“Unai neganai danu unai Amoro king ruaosi edia tano ita abia Ioridane Sinavai ena dina daekau kahanai, Aranona Sinavai ela bona Heremona Ororo tanona.

GUNALAIA TAUDIA 11:18

“Bona idia be ma idia laolao, bona tano kaukau dekena amo Edoma bona Moaba tano edia murimurinai idia raka, ela bona Moaba tano ena dina daekau kahana dekenai idia ginidae, Aranona Sinavai unai kahana dekenai idia kamepa. Moaba ena tano dekenai idia vareai lasi, Aranona Sinavai idia hanaia lasi, badina be Aranona Sinavai be Moaba ena tano hetoana.

1 SAMUELA 13:10

Boubou ia gabua ore noho neganai, Samuela be ia ginidae. Saulo be Samuela dekenai ia raka lao, ia danu do idia hedavari, bona Samuela dekenai do ia hanamoa totona.