NUMERA 22:12 - Buka Helaga (Hiri Motu) 1993

¹² Dirava ese Balama dekenai ia hamaoroa, ia gwau, “Inai Moaba bona Midiana taudia danu do oi lao lasi, bona unai Israela besena do oi hadikaia lasi, badina be lau ese Israela lau hanamoa vadaeni.”

NUMERA 22:12 Iomraidhean Croise

GENESE 12:2

Lau be oi dekenai tubuna momo do lau henia, dohore idia be bese bada herea. Oi do lau hanamoa, bona oiemu ladana do lau habadaia, vadaeni taunimanima ese namo bada do idia davaria oi dekena amo.

2 SIVARAI 31:10

Asaraia, Hahelagaia Tauna Badana, Sadoka ena bese tauna ta ese Hesekaia dekenai ia haere, ia gwau, “Taunimanima ese edia harihari gaudia be Lohiabada ena Dubu Helaga totona idia mailaia hamatamaia negana ia mai bona harihari, ai be ai aniani, bona aiemai bogadia idia kunu, bona ai ania lasi gaudia momo idia do noho. Badina be Lohiabada ese iena bese ia hanamoa vadaeni, unai dainai inai gau momo herea idia do noho.”

SALAMO 144:15

Inai bamona hanamoa idia davaria bese taudia, be do idia moale noho. Edia Dirava be Lohiabada, ena bese taudia be idia moale noho.

SALAMO 146:5

Iakobo ena Dirava ese ia durua noho taudia, be idia moale noho.

ISAIA 61:9

Edia tubudia edia ladana do idia bada, bese idauidau edia huanai. Lauegu bese idia itaia noho taudia ibounai be do idia diba, lau Lohiabada ese inai egu bese lau hanamoa bada herea vadaeni.”

MIKA 6:5

“Lauegu bese taudia e, Moaba ena king Balaki ia ura karaia umui dekenai kara, do umui laloa lou. Bona Balama Beoro ese Balaki ia haere henia hereva danu do umui laloa. Umui durua totona lau karaia gaudia danu do umui laloa, Sitima kamepa bona Gilegala dekenai umui raka lao neganai. Unai kara badadia be lau ese lau karaia umui do lau hamauria totona. Unai kara do umui laloa, vadaeni egu kara maoromaoro do umui diba.”

NUMERA 22:11

‘Bese ta Aigupito dekena amo idia mai vadaeni, be momo herea, bona tano ibounai idia koua noho. Balaki ia ura meamea dekenai unai bese do lau hadikaia, ia ese idia do ia lulua lao totona.’ ”

NUMERA 22:13

Daba neganai Balama ia toreisi, Balaki ena hesiai taudia ia hamaoroa, ia gwau, “Emui tano dekenai do umui giroa lou, badina be Lohiabada ese lauegu dala ia koua, ia gwau umui danu do lau lao lasi.”

NUMERA 22:6

Mani emu kara do oi mai, inai bese be oiemu meamea dekena amo do oi hadikaia, badina be edia goada ese lauegu bese ena goada ia hereaia. Bema oi hadikadia neganai, sedira lauegu bese ese idia do ia halusia diba, bona aiemai tano dekena amo do ai luludia diba. Badina be, lau diba oi ese oi hanamoa taudia idia namo, to oi ese oi hadikaia taudia do idia dika.’ ”

NUMERA 23:23

Meamea karadia be goada lasi Iakobo dekenai, bona babalau karadia ese, Israela taudia idia hadikaia diba lasi. Harihari taunimanima ese Israela do idia herevalaia inai bamona: Dirava ese inai bese ia durua bada be hoa gauna, ani?

NUMERA 23:3

Vadaeni Balama ese Balaki ia hamaoroa, ia gwau, “Oiemu boubou gabua patana ena badibadinai do oi gini. Lau be do lau lao, sedira Lohiabada be lau dekenai do ia mai o lasi, vadaeni lau dekenai ia hereva gauna be oi dekenai do lau hamaoroa.” Vadaeni Balama be ororo ta dekenai ia daekau lao.

NUMERA 23:8

To Dirava ia hadikaia lasi taudia, be edena bamona lau hadikaia diba? Dirava ese ia hereva dika henia lasi taudia, be edena bamona do lau hereva dika henia?

NUMERA 24:9

Israela taudia be laiona bamona idia hekure hegaegae noho. Idia laga-ani noho, laiona hahine bamona. Daika ese idia do ia hanogaia? Israela do idia hanamoa taudia, ese namo do idia davaria. To Israela do idia hadikaia taudia, ese dika do idia davaria.”

MATAIO 27:19

Pilato be kota henia gabuna dekenai, iena helai gauna latanai ia helai noho neganai, iena adavana ese hereva ta ia siaia lao ia dekenai, ia gwau, “Unai kara maoromaoro tauna dekenai gau ta do oi karaia lasi, badina be hari dina lau nihi vadaeni, egu nihi dekenai hisihisi badana ia hadikaia lau, unai tau totona.”

ROMA 11:29

Oibe, bema Dirava ese taunimanima haida ia lalokau henidia dainai ia hanamodia bona ia abidia hidi neganai, ia be gabeai iena laloa do ia giroa lasi.

EFESO 1:3

Dirava ita tanikiu henia be namo, ia be iseda Lohiabada Iesu Keriso ena Tamana. Bona Keriso danu ita hakapua dainai Dirava ese guba ena hanamoa gaudia ibounai ita dekenai ia henia, iseda lauma durua totona.

DEUTERONOMI 2:7

“Badina be Lohiabada emui Dirava ese umui ia hanamoa vadaeni. Unai dainai emui gaukara ibounai ena anina ia vara namonamo. Bona Lohiabada ese inai taunimanima noho lasi tanona umui loaloa lalonai ia ese umui ia naria namonamo vadaeni. Io, inai lagani 40 lalonai Lohiabada emui Dirava ese umui ia naria vadaeni, emui aniani bona gau ibounai ia henia.

DEUTERONOMI 23:5

Lohiabada, emui Dirava, ese Balama ena hadikaia hereva ia kamonai lasi, to unai hadikaia hereva be hanamoa hereva ia halaoa, badina be Lohiabada, emui Dirava ese umui ia ura henia.

DEUTERONOMI 28:6

“Lohiabada ese emui kara ibounai do ia hanamoa.

DEUTERONOMI 33:29

Israela taudia e, umui emui noho be namo. Edena taudia ese umui idia hereaia? Lohiabada ese umui emui bese ia hamauria vadaeni. Lohiabada be emui kesi, bona emui durua Tauna, bona ia be emui kwalimu tuari kaia. Umui dekenai idia tuari henia taudia, be umui emui vairana dekenai do idia tui diho. Edia ataiai gabudia helagadia do umui moia diho.”

DEUTERONOMI 7:14

Bese ibounai edia huanai umui do ia hanamoa bada. Emui taunimanima bona emui ubua gaudia ibounai ese natudia do idia havaraia, Dirava ese ta ena rogorogo do ia koua lasi.