NUMERA 21:9 - Buka Helaga (Hiri Motu) 1993

⁹ Unai dainai Mose ese gaigai ena laulauna ta auri labora dekena amo ia karaia, bona au tubua ena dorinai dekenai ia kokoa. Vadaeni gaigai ese ia koria taudia bema unai gaigai ena laulau ataiai idia itaia noho neganai, idia mauri momokani.

NUMERA 21:9 Iomraidhean Croise

2 KING TAUDIA 18:4

Ia ese dirava koikoi tomadiho ataiai gabudia bona nadidia ia hamakohia, Asera ena kaivakuku ia utua diho, bona guna Mose ia karaia auri gaigai ia hamakohia maragimaragi. Unai gaigai ena ladana be Nehusitana, bona Israela taudia ese Hesekaia ena nega lalonai bonana namo muramura idia gabua ia dekenai.

ISAIA 45:22

“Tanobada kahana kahana ibounai taudia e, lau dekenai harihari do umui giroa, vadaeni mauri do umui davaria. Badina be lau sibona be Dirava, dirava idauna ta ia noho lasi.

SEKARAIA 12:10

“Davida ena tubuna taudia, bona Ierusalema taudia ibounai danu do lau hanamoa. Vadaeni idia ese bogahisihisi ena lauma bona guriguri ena lauma dekenai do idia honu. Vadaeni lau, idia ese idia gwadaia mase tauna do idia itaia, bona idia be ia dainai do idia tai, tau ta, iena natuna tamona sibona ia mase neganai ia tai bamona. Oibe, do idia tai dikadika, idia ese edia vara guna natuna ia mase neganai bamona.

IOANE 1:29

Kerukeru dabai Ioane ese Iesu ia itaia, ia dekenai ia raka mai, vadaeni ia gwau, “Itaia, Dirava ena Mamoe Natuna ia mai inai, ia be tanobada ena dika kokia tauna.

IOANE 12:32

Tanobada dekenai lau do idia abia isi neganai, taunimanima ibounai be lau dekenai do lau veria.”

IOANE 6:40

Badina be egu Tamana ena ura be inai: Iena Natuna do idia itaia noho, bona do idia abidadama henia taudia ibounai be mauri hanaihanai do idia abia, bona lau ese dokona dina dekenai idia do lau hatorea isi.”

ROMA 1:17

Badina be Sivarai Namona ese ia hedinaraia edena bamona Dirava ese taunimanima ia gwauraidia maoromaoro iena vairana dekenai. Inai maoromaoro be taunimanima idia abia, ena badina korikori be, edia abidadama sibona mo dainai. Badina Buka Helaga ia gwau, “Dirava ese ia gwauraia ia maoromaoro tauna, be iena abidadama dainai do ia mauri.”

ROMA 8:3

Iseda tauanina ena ura dikadia ita karaia dainai, ita be manoka. Unai dainai Taravatu ese iseda mauri ia hanamoa diba lasi. To Taravatu ese ia karaia diba lasi gauna be Dirava ese ia karaia diba. Ia ese sibona ena Natuna ia siaia mai, kara dika kokia totona. Ia mai neganai, iena tauanina be ita kara dika taudia iseda tauanina hegeregerena. Bona Keriso dekena amo, Dirava ese taunimanima edia kara dika ia gwauraia be dika momokani.

2 KORINTO 5:21

Keriso be kara dika lasi momokani, to Dirava ese dika ia karaia Tauna dekenai ia halaoa vadaeni ita dainai. Vadaeni bema Keriso lalonai ita noho neganai, Dirava ena kara maoromaoro do ita abia.

HEBERU 12:2

Iseda matana be Iesu dekenai do ita negea lao. Ia ese iseda abidadama ia havaraia, bona ia ese iseda abidadama do ia durua, ela bona dokona. Iesu be satauro dainai ia hesiku lasi. Lasi momokani. Ia diba guba ena moale be iena vairanai ia noho dainai, ia ese satauro ena hemarai bona ena mase ia laloa lasi. Bona hari ia be Dirava ena helai gabuna badana ena idiba kahanai ia helai noho.

1 IOANE 3:8

Satani ese hamatamaia nega dekena amo ia kara dika, unai dainai kara dika ia karaia noho tauna be Satani ena tauna. Dirava ena Natuna ia hedinarai ena badina korikori be inai: Satani ena kara dika do ia haorea momokani totona.