NUMERA 21:7 - Buka Helaga (Hiri Motu) 1993

⁷ Israela taudia be Mose dekenai idia lao, idia gwau, “Ai be ai kara dika vadaeni, Lohiabada dekenai ai maumau, oi dekenai danu ai maumau vadaeni. Lohiabada dekenai do oi noinoi, ia ese ai dekena amo gaigai do ia abia siri.” Vadaeni Mose ese Israela taudia dainai ia guriguri.

NUMERA 21:7 Iomraidhean Croise

GENESE 20:17

Inai kara Sara dekenai ia vara dainai, Lohiabada ese Abimeleka ena hahine ibounai edia natuna havaraia dalana ia koua. Unai dainai Aberahamo ese Dirava dekenai ia guriguri, vadaeni Dirava ese Abimeleka ia hanamoa lou, bona iena adavana bona iena hesiai hahine danu ia hanamoa lou, vadaeni edia natuna idia havaraia.

GENESE 20:7

Unai dainai unai tau dekenai iena adavana do oi henia lou, badina ia be peroveta tauna, vadaeni ia ese oi totona do ia guriguri, vadaeni do oi mauri. To bema oi henia lou lasi, oi diba momokani, dohore oi mase, oi bona oiemu ruma taudia ibounai.”

1 KING TAUDIA 13:6

King Ieroboama ese Dirava ena tau ia hamaoroa, ia gwau, “Lohiabada, oiemu Dirava do oi noia, lau dainai do oi guriguri, egu imana do ia namo lou totona.” Vadaeni Dirava ena tau ese Lohiabada ia noia, bona king ena imana be ia namo lou, ma ia goada, guna hegeregerena.

2 KING TAUDIA 13:4

Vadaeni Iehoahasa ese Lohiabada ia noia, bona Lohiabada ese ia kamonai henia, badina be Israela taudia edia hisihisi ia itaia, Suria king ese ia dagedage henidia ena hisihisi.

IOBU 42:10

Unai murinai, Iobu ese iena turana toi dainai ia guriguri murinai, Lohiabada ese Iobu dekenai kohu momo ma ia henia lou. Lohiabada ese Iobu ena kohu gunana ia habadaia ela bona nega rua.

IOBU 42:8

“Unai dainai, boromakau tau 7 bona mamoe tau 7 do oi abia lao Iobu dekenai. Bona umui emui boubou gauna totona inai boromakau bona mamoe do umui gabua, emui dika totona. Iobu ese umui totona do ia guriguri, bona lau ese iena guriguri do lau kamonai. Bona umui emui kavakava hegeregerena umui dekenai do lau karaia lasi, Iobu ena guriguri namona dainai. Umui ese lau umui herevalaia maoromaoro lasi, Iobu ese lau ia herevalaia bamona.”

SALAMO 106:23

Vadaeni Dirava ia gwau iena bese taudia do ia hadikaia ore, to ia ese ia abia hidi tauna Mose, be unai bese taudia bona Dirava edia huanai ia gini. Mose ese Dirava ena badu ia hakerua, ia ese iena bese taudia do ia alaia ore garina.

SALAMO 78:34

Dirava ese idia haida ia alaia mase neganai, oredia ese ia dekenai idia giroa lou. Idia ese edia lalona idia giroa, bona ia dekenai idia giroa momokani.

ESODO 10:17

Inai dainai, lau noinoi umui dekenai, inai nega tamona sibona lauegu dika do umui laloaboio, Lohiabada umui emui Dirava dekenai do umui noinoi, ia ese unai dika gauna lau dekena amo do ia kokia.”

ESODO 32:11

To Mose ese Lohiabada, iena Dirava, ia noia, ia gwau, “Lohiabada e, dahaka dainai oiemu badu ia siahu dikadika oiemu bese taudia dekenai? Aigupito dekena amo unai taudia oi hakaudia, mai oiemu siahu badana, bona mai oiemu goada badana, ani?

ESODO 32:30

Kerukeru, Mose ese Israela taudia ia hamaoroa, ia gwau, “Umui emui kara dika be bada herea. To harihari lau be ororo do lau daekau, Lohiabada dekenai do lau lao, emui dika gwauatao dalana do lau tahua.”

ESODO 8:28

Vadaeni Farao ese ia gwau, “Lauegu imana dekena amo do lau negea umui, Lohiabada, umui emui Dirava ena boubou dohore umui karaia, taunimanima idia noho lasi gabuna dekenai, to daudau gabuna dekenai do umui lao lasi, bona lau totona do umui guriguri.”

ESODO 8:4

Harihari paroparo be oiemu latanai do idia daekau, bona oiemu orea taudia edia latanai, bona oiemu hesiai taudia ibounai edia latanai.’ ” Mose ese Farao unai bamona ia hamaoroa, to Farao ia kamonai henia lasi.

ESODO 8:8

Vadaeni Farao ese Mose bona Arona ia boiridia, ia gwau, “Lohiabada dekenai umui noinoi, paroparo be lau dekena amo, bona lauegu orea taudia dekena amo dohore ia kokia, vadaeni umui emui orea taudia lauegu imana dekena amo dohore lau negea, do idia lao, Lohiabada ena boubou dohore idia karaia.”

ISAIA 26:16

Lohiabada e, oi ese oiemu bese taudia oi matakani henidia, to edia lalohisihisi bada lalonai, oi dekenai idia guriguri.

IEREMIA 15:1

Vadaeni Lohiabada ese lau ia hamaoroa, ia gwau, “Ieremia e, oi kamonai! Bema Mose bona Samuela be lauegu vairana dekenai idia gini, bona idia ese lau idia noia, to lau ese inai bese taudia do lau bogahisihisi henia diba lasi. Do oi siaidia lao, lau ura lasi lau itadia.

IEREMIA 37:3

King Sedekaia ese Iehukala Selemaia bona hahelagaia tauna Sepanaia Maseaia ia siaia, lau Ieremia idia nanadaia, idia gwau, “King Sedekaia ia ura oi ese Lohiabada, iseda Dirava do oi noia, iseda tano dainai.”

HOSEA 5:15

“Lau ese egu bese taudia do lau rakatania, ela bona edia kara dika dainai hisihisi bona metau bada ena mamina do idia abia, vadaeni idia ese lau do idia tahua. Sedira edia hisihisi dainai idia ese lau do idia tahua.”

NUMERA 11:2

Unai neganai Israela taudia ese Mose dekenai idia taitai bada. Vadaeni Mose ese Lohiabada ia noia, bona lahi be ia bodo.

MATAIO 27:4

Ia gwau, “Kara dikana lau karaia vadaeni, badina be kerere lasi tauna ena mase dala lau karaia vadaeni.” Idia gwau, “Ai ese, a? Oi sibona emu kerere.”

APOSETOLO EDIA KARA 8:24

Simona ia haere henia, ia gwau, “Umui noinoi Lohiabada dekenai lau dainai, inai hari umui gwauraia gaudia idia vara lasi lau dekenai.”

ROMA 10:1

Lauegu varavara taudia e, egu lalona ibounai ia ura, bona egu noinoi Dirava dekenai danu, be Israela taudia ese mauri do idia davaria.

DEUTERONOMI 9:20

Lohiabada ese Arona danu ia badu henia, bona do ia alaia mase gwauraia. Ia dainai danu lau guriguri.

IAMESI 5:16

Unai dainai umui ta ta dekenai emui kara dikadia do umui gwauraia hedinarai, bona umui ta ta totona do umui guriguri. Vadaeni unai neganai, Dirava ese emui mauri do ia hanamoa. Kara maoromaoro tauna ena guriguri be mai ena siahu. Inai bamona guriguri ese taunimanima ia durua diba.

1 SAMUELA 15:24

Saulo ese Samuela dekenai ia haere, ia gwau, “Lau be lau kara dika vadaeni. Oibe, Lohiabada ena oda bona oiemu hereva lau utua vadaeni, badina be lauegu tuari taudia dekenai lau gari, edia ura lau karaia kava.

1 SAMUELA 15:30

Vadaeni Saulo ia gwau, “Lau be lau kara dika vadaeni. To mani emu kara lau do oi matauraia lauegu orea tau badadia edia vairanai, bona Israela taudia edia vairanai. Mani do ita giroa lao, vadaeni Lohiabada oiemu Dirava do lau tomadiho henia.”