NUMERA 21:4 - Buka Helaga (Hiri Motu) 1993

⁴ Vadaeni Israela taudia ese Horo Ororo dekena amo ma idia laolao, Davara Kakakaka dalana dekenai. Inai dala dekenai idia lao, Edoma tanona ena murimuri kahana dekenai do idia raka hanaia totona. To unai dala dekenai Israela taudia idia hesiku lou.

NUMERA 21:4 Iomraidhean Croise

2 KING TAUDIA 3:8

Ma ia gwau, “Edena dala dekena amo do ita lao?” King Iorama ia haere, ia gwau, “Edoma ena tano kaukau dekena amo do ita lao, dala daudauna.”

ESODO 6:9

Mose ese inai hereva Israela taudia dekenai ia hamaoroa, to idia kamonai lasi ia dekenai, edia laloa ibounai ia ore, edia gaukara ia metau momo dainai.

NUMERA 14:25

To harihari, Amaleka taudia bona Kanana taudia be koura dekenai idia noho dainai, kerukeru be do umui toreisi, taunimanima noho lasi tanona dekenai do umui giroa lou, Davara Kakakaka kahana dekenai.”

NUMERA 20:27

Mose ese Lohiabada ena oda hereva hegeregerena ia karaia. Israela taudia ibounai edia vairana dekenai idia toiosi be Horo Ororo dekenai idia daekau lao.

NUMERA 32:7

Badina dahaka umui ese Israela taudia edia lalona do umui hamanokaia, Lohiabada ese ia henia vadaeni tano do idia raka vareai lasi totona, a?

NUMERA 32:9

Idia be idia lao, Esakolo ena koura dekenai idia ginidae bona tano idia itaia. To idia giroa lou, bona Israela taudia edia lalona idia hamanokaia, Lohiabada ese idia ia henia tano do idia raka vareai lasi, idia gwau.

NUMERA 33:41

Horo Ororo dekena amo Israela taudia idia toreisi, idia lao, Salamona dekenai idia kamepa.

APOSETOLO EDIA KARA 14:22

Ruaosi ese Iesu ena diba tahua taudia edia kudouna idia hagoadaia. Idia hereva goada, idia gwau, “Abidadama umui dogoatao noho.” Bona idia gwau, “Hisihisi momo lalonai Dirava ena Basileia do ita raka vareai.”

DEUTERONOMI 1:40

To umui be do umui giroa lou, tano kaukau dekenai ma do umui raka loaloa, Davara Kakakaka ena kahana dekenai.’

DEUTERONOMI 2:1

Mose ma ia gwau, “Unai murinai ita giroa lao, tano kaukau dekenai ita loaloa, Davara Kakakaka ena kahana dekenai, Lohiabada ese lau ia oda henia hegeregerena. Ita be nega daudau Seiri ena ororo gabudia dekenai ita raka loaloa.

GUNALAIA TAUDIA 11:18

“Bona idia be ma idia laolao, bona tano kaukau dekena amo Edoma bona Moaba tano edia murimurinai idia raka, ela bona Moaba tano ena dina daekau kahana dekenai idia ginidae, Aranona Sinavai unai kahana dekenai idia kamepa. Moaba ena tano dekenai idia vareai lasi, Aranona Sinavai idia hanaia lasi, badina be Aranona Sinavai be Moaba ena tano hetoana.