NUMERA 21:2 - Buka Helaga (Hiri Motu) 1993

² Unai neganai Israela taudia ese gwauhamata metauna Lohiabada dekenai idia gwauraia, idia gwau, “Bema oi ese ai oi durua, vadaeni inai bese do ai halusia neganai, ai ese idia bona edia hanua ibounai oi dekenai do ai henia, boubou bamona. Do ai hadikadia ore momokani.”

NUMERA 21:2 Iomraidhean Croise

GENESE 28:20

Vadaeni Iakobo ia gwauhamata, ia gwau, “Lohiabada Dirava e, bema oi durua lau dekenai, inai lau raka ena dala dekenai lau do oi naria, aniani do oi henia lau dekenai, bona dabua danu,

SALAMO 116:18

Egu gwauhamata ena anina be Lohiabada dekenai do lau henia, iena orea taudia edia vairanai.

SALAMO 132:2

Ia ese oi Lohiabada dekenai ia gwauhamata. Iakobo ena Dirava dekenai ia gwauhamata,

1 KORINTO 16:22

Bema tau ta ese Lohiabada Iesu ia ura henia lasi, unai tau madi ia be dika momokani! Lohiabada Iesu e, mani oi mai!

DEUTERONOMI 13:15

unai hanua ena taunimanima ibounai do umui alaia mase, bona edia boromakau bona mamoe ibounai danu do umui hamasea ore. Hanua danu do umui hadikaia ore.

DEUTERONOMI 13:16

Unai hanua taudia edia kohu be hanua ena ariara dekenai do umui haboua, bona unai gabu dekenai kohu ibounai do umui gabua ore. Hanua mai ena gau ibounai danu do umui gabua ore, ia be gabua ore boubouna, Lohiabada, emui Dirava, ena. Unai hanua umui gabua ore gabuna be do umui rakatania, do umui haginia lou lasi.

DEUTERONOMI 20:16

“To Lohiabada emui Dirava ese umui dekenai do ia henia tano lalonai idia noho hanua umui tuari henia neganai, taunimanima ibounai bona mauri gaudia ibounai do umui alaia mase.

DEUTERONOMI 7:2

Lohiabada, emui Dirava, ese umui emui siahu henunai unai bese do ia atodia neganai, bona umui halusidia neganai, do umui aladia ore momokani. Idia danu do umui maino lasi, bona umui bogahisihisi henidia lasi.

IOSUA 6:17

Inai hanua, bona ia lalonai gau ibounai, be boubou gauna Lohiabada dekenai dainai, do umui hadikaia ore momokani. To ariara hahine Rahaba sibona, mai ena ruma taudia ibounai danu do umui hamauria, badina be ia ese iseda hasinadoa taudia ia hunia dainai.

IOSUA 6:26

Unai neganai Iosua ese hereva aukana ia gwauraia, ia gwau, “Inai hanua Ieriko do ia haginia lou tauna be Lohiabada ena vairanai do ia dika momokani. “Ruma ena badina nadi ia haginia tauna ena kerere davana, be iena natuna vara guna do ia mase. Bona hanua ena magu iduara do ia haginia tauna, ena kerere davana be iena natuna, murinai ia vara tauna, do ia mase.”

GUNALAIA TAUDIA 11:30

Iepeta ese Lohiabada dekenai ia gwauhamata, ia gwau, “Bema oi ese Amono taudia dekena amo kwalimu lau dekenai do oi henia neganai,

1 SAMUELA 1:11

Bona ia gwauhamata, ia gwau, “Siahu Ibounai Lohiabada e, lau, oiemu hesiai hahine, lauegu hisihisi bada mani do oi itaia, lau do oi laloa, lau do oi laloaboio lasi, to lau dekenai natuna mero do oi henia. Bema lau dekenai oi henia neganai, lau ese oi Lohiabada dekenai do lau henia lou, bona iena huina do lau utua lasi, iena mauri dinadia ibounai lalonai.”