NUMERA 21:18 - Buka Helaga (Hiri Motu) 1993

¹⁸ Bese ena gunalaia taudia ese ranu guri idia geia, bese ena lohia taudia ese ranu guri idia hadobua.” Unai neganai Israela taudia ese taunimanima idia noho lasi tano idia rakatania, idia raka lao ela bona gabu ta ladana Matana.

NUMERA 21:18 Iomraidhean Croise

NEHEMIA 3:1

Vadaeni Eliasibi, Hahelagaia Tauna Badana, bona iena hahelagaia taudia ese idia toreisi, magu ena Mamoe edia Iduara gabuna idia haginia. Iduara idia atodia haorea neganai idia hahelagaia. Ma magu idia haginia lao ela bona Tau 100 Edia Kohoro, bona Hananele Kohoro, bona inai danu idia hahelagaia.

NEHEMIA 3:5

Ma Sadoka ena badibadinai, be Tekoa taudia ese magu idia haginia lou. To Tekoa ena lohia taudia ese edia gaukara biagudia henunai idia gaukara goada lasi.

ISAIA 33:22

Badina Lohiabada be iseda Kota Biaguna, ia sibona be iseda King. Ia ese ita do ia biagua, bona ita do ia hamauria.

NUMERA 21:17

Vadaeni Israela taudia ese inai ane idia abia: “Ranu e, do oi lohilohi daekau! Ane do ita abia!

NUMERA 21:19

Matana dekena amo idia raka ela bona Nahaliele, bona Nahaliele dekena amo ela bona Bamoto.

IOANE 1:17

Badina be Dirava ese Mose dekena amo taravatu ia henia, to hariharibada bona kara momokani be Iesu Keriso ese ia mailaia vadaeni.

DEUTERONOMI 33:4

Inai Taravatu, Mose ese ita dekenai ia henia gauna, ita badinaia noho, iseda bese ena gau namo hereana momokani be unai.

DEUTERONOMI 5:31

To oi, Mose e, lauegu badibadinai do oi gini, bona egu Taravatu bona oda ibounai be oi dekenai do lau henia. Inai hereva ibounai Israela taudia dekenai do oi hadibaia, vadaeni idia ese do idia kamonai henidia, lau ese do lau henidia tano dekenai idia noho neganai.’

IAMESI 4:12

Taravatu atoa Tauna, bona kota biaguna be tamona sibona, Dirava be unai. Ia be mai ena siahu, taunimanima do ia hamauria, bona taunimanima do ia hamasea. Vadaeni, oi be daika, oi dekenai ia noho tauna do oi gwauraia kerere?