NUMERA 20:8 - Buka Helaga (Hiri Motu) 1993

⁸ “Taravatu Maua ena vairanai ia noho itotohi do oi abia, bona oi bona Arona ese taunimanima do umui haboua. Vadaeni unai taunimanima edia vairanai, unai nadi badana do oi hereva henia, bona ranu be ia dekena amo do ia heau mai. Unai dekena amo oi ese ranu unai nadi badana dekena amo do oi abia, bona unai ranu be hebou taudia dekenai do oi henia, bona edia ubua gaudia dekenai do oi henia, do idia inua.”

NUMERA 20:8 Iomraidhean Croise

GENESE 18:14

Be, hoa kara ia noho, Lohiabada ia karaia diba lasi, a? Hua 9 lalonai, nega korikori dekenai, do lau giroa mai, bona Sara be natuna mero do ia abia.”

NEHEMIA 9:15

“Oi ese aniani guba dekena amo oi siaia diho, oiemu bese idia hitolo neganai do idia ania totona. Bona idia ranu mase neganai, ranu be nadi dekena amo oi abia mai, ia heau diho. Bona unai oi gwauhamata henidia tano, do idia biagua dalana, be oi ese oiemu bese dekenai oi hamaoroa.

SALAMO 105:41

Nadi badana be Dirava ese ia kehoa, bona ranu be ia heau lao. Tano kaukau dekenai ia heau, sinavai bamona.

SALAMO 114:8

Ia ese nadi badana be ranu gabuna ia halaoa, bona ia ese ororo ena nadi be ranu ia lohilohi gabuna ia halaoa.

SALAMO 33:9

Badina be ia hereva sibona, vadaeni inai tanobada ia vara. Ia ese ia oda, vadaeni gau ibounai idia hedinarai.

ESODO 14:16

Oiemu itotohi oi abia isi, bona oiemu imana davara ena ataiai oi atoa lao maoromaoro, ranu oi hapararaia, vadaeni Israela taudia be tano kaukau dekenai do idia raka hanaia.

ESODO 17:9

Mose ese Iosua dekenai ia hereva, ia gwau, “Tau haida oi abia hidi, vadaeni kerukeru Amaleka taudia do umui tuari henidia. Ororo ena ataiai do lau gini, Lohiabada ese lau dekenai ia henia itotohi be egu imana dekenai do lau dogoatao.”

ESODO 4:17

Inai itotohi oiemu imana dekenai oi abia, ia dekena amo hoa kara do oi karaia.”

ESODO 4:2

Vadaeni Lohiabada ia gwau, “Unai be dahaka oiemu imana dekenai?” Ia haere, ia gwau, “Itotohi.”

ESODO 4:20

Vadaeni Mose ese iena adavana bona iena natuna memero ia abidia, doniki dekenai idia helai kau, Aigupito tano dekenai idia raka lao. Dirava ena itotohi danu iena imana dekenai ia abia.

ESODO 7:20

Vadaeni Mose bona Arona ese Lohiabada ia hereva hegeregerena idia karaia. Farao ena vairana dekenai, bona iena hesiai taudia edia vairana dekenai, Arona ese iena itotohi ia abia, Naila Sinavai ena ranu ia botaia. Vadaeni Naila Sinavai ena ranu ibounai rara dekenai ia halaoa.

ISAIA 43:20

Oibe, uda boromadia ese lau do idia hanamoa, uda sisia bona kokokoko ese danu. Badina be nadi kavakava gabuna dekenai, ranu do lau havaraia, bona tano kaukau dekenai danu sinavai do lau atoa, egu abia hidi bese durua totona.

ISAIA 48:21

Lohiabada ese tano kaukau dekenai ia hakaudia hanaia neganai, iena bese idia ranu mase lasi. Nadi badana dekena amo ranu ia henidia. Nadi ia botaia kehoa, vadaeni ranu ia heau diho.

NUMERA 20:11

Vadaeni Mose ese itotohi ia abia daekau, nadi ia botaia nega rua. Ranu be ia heau mai, bada herea. Vadaeni Israela taudia mai edia ubua gaudia danu ese ranu idia inua.

NUMERA 20:7

Lohiabada ese Mose ia hamaoroa, ia gwau,

NUMERA 21:15

Koura ena hekei tanona, ia lao bona Ara hanua ena noho gabuna, bona Moaba ena tano hetoana.”

NUMERA 21:18

Bese ena gunalaia taudia ese ranu guri idia geia, bese ena lohia taudia ese ranu guri idia hadobua.” Unai neganai Israela taudia ese taunimanima idia noho lasi tano idia rakatania, idia raka lao ela bona gabu ta ladana Matana.

MATAIO 21:21

Iesu ia gwau, “Umui lau hamaoroa momokani, bema umui be mai abidadama, bona bema umui laloa daradara lasi, inai fig auna dekenai ia vara hegeregerena sibona do umui karaia lasi, to inai ororo danu bema umui hereva henia, bema umui gwau, ‘Do oi kokia. Davara dekenai do oi negea diho.’ Vadaeni unai bamona do ia karaia.

LUKA 11:13

Umui laloa, umui be dika taudia, gau namodia emui natuna dekenai henia be umui diba, to emui Tamana guba dekenai ia noho ese Lauma Helaga be idia noinoi taudia dekenai do ia henidia lasi, a?”

IOANE 16:24

Ia mai bona harihari, gau ta egu ladana dekenai umui do noia lasi. To hari do umui noinoi, bona do umui abia, vadaeni emui moale do ia momokani.

APOSETOLO EDIA KARA 1:14

Idia ibounai be, nega momo guriguri totona idia haboua, mai edia lalona tamona, hahine haida danu idia dekenai idia haboua, bona Maria, Iesu ena sinana, bona Iesu ena tadina taudia danu.

IOSUA 6:20

Kibi idia hiriria neganai, Israela taudia idia kamonai, bona maoromaoro idia boiboi bada herea. Vadaeni hanua ena magu ia moru diho, bona maoromaoro tuari taudia idia raka vareai, hanua idia abia.

IOSUA 6:5

Vadaeni kibi ena regena do umui kamonai, idia hiriria noho daudau. Unai neganai taunimanima ibounai do idia boiboi bada herea, vadaeni hanua maguna be do ia moru, bona maoromaoro emui tuari taudia do idia raka vareai.”

APOKALUPO 22:1

Aneru ese mauri ranuna ena sinavai lau dekenai ia hedinaraia. Ia be galasi bamona ia diaridiari, bona iena ranu be Dirava bona Mamoe ena Natuna edia helai gabuna badana dekena amo ia heau lao.

APOKALUPO 22:17

Lauma Helaga bona Headava Matamata Hahine idia gwau, “Oi mai.” Bona inai hereva idia kamonai taudia danu, namona be idia gwau, “Oi mai.” Ranu mase taudia, umui mai. Bona ranu umui ura henia taudia, mauri ranuna do umui abia dae, ia be davana lasi.