NUMERA 20:4 - Buka Helaga (Hiri Motu) 1993

⁴ Dahaka dainai Lohiabada ena orea taudia be inai taunimanima idia noho lasi tano dekenai oi hakaua vadaeni? Ai be aiemai ubua gaudia danu do ai mase hebou totona, a?

NUMERA 20:4 Iomraidhean Croise

SALAMO 106:21

Idia ese Dirava, edia hamauria Diravana, Aigupito dekenai kara badadia ia karaia Diravana idia laloaboio.

ESODO 16:3

Israela taudia ese idia ruaosi dekenai idia gwau henia, idia gwau, “Aigupito tano dekenai Lohiabada ese ai bema ia alaia mase be namo. Unuseni uro mai vamu danu edia badibadinai ai helai noho, bona paraoa ai ania noho, aiemai ura hegeregerena. To umui ruaosi ese inai taunimanima idia noho lasi gabuna dekenai ai umui hakaua vareai vadaeni, hitolo ese ai ibounai do ia alaia mase totona.”

ESODO 17:3

To taunimanima be idia ranu mase, bona Mose dekenai idia maumau noho. Idia gwau, “Badina dahaka Aigupito dekena amo oi hakaua ai? Aiemai natuna alaia, bona aiemai ubua gaudia alaia totona oi karaia sedira, ranu mase dekena amo.”

ESODO 5:21

Vadaeni idia ese Mose bona Arona dekenai idia gwau henia, idia gwau, “Lohiabada ese emui kara do ia itaia, bona emui kerere davana do ia henia umui dekenai, badina be Farao bona iena hesiai taudia edia vairana dekenai aiemai ladana umui hadikaia vadaeni. Hegeregere idia edia imana dekenai kaia umui atoa bamona, vadaeni dohore idia alaia ai.”

NUMERA 11:20

To hua ta ena dina ibounai be vamu do umui ania, ela bona do umui hesiku, do umui negea. Badina be Lohiabada, umui huanai ia noho Diravana, be umui gwau henia vadaeni. Ia dekenai umui maumau vadaeni, umui gwau: ‘Badina dahaka Aigupito ai rakatania?’ ”

NUMERA 11:5

Aigupito ita noho neganai, gwarume ita ania be davana lasi, ani? Bona kiukamba, bona meloni bona liki bona oniani bona galiki be momo herea, ani?

NUMERA 14:2

Israela taudia ibounai ese Mose bona Arona dekenai idia maumau. Idia gwau, “Aigupito dekenai o inai taunimanima noho lasi tanona dekenai ai mase be namo.

NUMERA 16:41

Kerukeru dina, Israela taudia ibounai ese Mose bona Arona idia maumau henia, idia gwau, “Umui ese Lohiabada ena bese taudia umui alaia mase vadaeni.”

APOSETOLO EDIA KARA 7:35

“Inai Mose, guna idia negea, idia gwau, ‘Daika ese lohia bona kota biaguna tauna oi ia gwauraia?’ To inai tau Mose be Dirava ese ia siaia, lohia bona hamauria tauna ia halaoa vadaeni, au ginigini dekenai ia hedinarai aneru ena durua dainai.

GUNALAIA TAUDIA 11:16

To Aigupito dekena amo idia mai neganai, Israela taudia be tano kaukau dekena amo idia raka, ela bona Davara Kakakaka, bona Kadesi dekenai idia ginidae.