NUMERA 20:12 - Buka Helaga (Hiri Motu) 1993

¹² To Lohiabada ese Mose bona Arona ia gwau henidia, ia gwau, “Umui ese lau dekenai umui abidadama henia lasi, bona lauegu siahu helagana Israela taudia edia vairanai umui gwauraia hedinarai lasi. Unai dainai umui ruaosi ese inai orea do umui hakaudia vareai lasi, lau ese lau henidia vadaeni tano dekenai.”

NUMERA 20:12 Iomraidhean Croise

2 SIVARAI 20:20

Daba maragi neganai idia toreisi, idia raka lao, Tekoa ena tano kaukau dekenai idia lao. Idia lao noho neganai Iehosapata ia gini, ia gwau, “Iuda bona Ierusalema taudia e, lau dekenai umui kamonai. Lohiabada emui Dirava do umui abidadama henia, vadaeni do umui gini goada. Lohiabada ena peroveta taudia do umui kamonai henia, vadaeni do umui kwalimu.”

SALAMO 106:32

Meriba ranu gabudia dekenai, Israela taudia ese Lohiabada idia habadua, bona Mose ese hisihisi ia davaria idia dainai.

SALAMO 99:8

Lohiabada e, aiemai Dirava, oi ese idia dekenai oi haere. Oiemu bese taudia dekenai, oi be dika gwauatao Diravana, to oi be edia dika davana henia Diravana danu.

ISAIA 7:9

“Israela ena goada ese iena hanua badana Samaria ena goada ia hereaia diba lasi. Bona Samaria ena goada ese king Peka Remalaia ena goada ia hereaia diba lasi. “Bema emui abidadama be ia goada noho lasi neganai, umui be do umui gini goada diba lasi.”

ISAIA 8:13

Oi laloaboio lasi, lau be Siahu Ibounai Lohiabada, lau be helaga, bona oi ese lau sibona do oi gari henia noho.

ESEKIELA 20:41

Io, bese idauidau edia huanai dekena amo umui do lau hakaua, bona idia lalonai gabu idauidau umui noho tanodia dekena amo umui lau haboua neganai, lau ese umui do lau abia dae, bonana namo boubou gauna do lau abia dae bamona. Bona umui emui huanai lau ese egu helaga do lau hedinaraia, vadaeni bese idauidau taudia do idia diba lau be helaga.

ESEKIELA 36:23

“Lau ese bese idauidau dekenai egu ladana ena helaga do lau hedinaraia, do idia diba lauegu kara be maoromaoro momokani. Umui Israela taudia emui kerere dainai, unai idau bese taudia ese lau idia matauraia lasi. To lau ese mai goada danu, durua kara badadia umui totona do lau karaia, vadaeni umui dekena amo, idau bese taudia do idia diba, lauegu kara be maoromaoro, bona namo momokani. Ma do idia diba namonamo, lau sibona be Lohiabada. Lau, Lohiabada Dirava lau hereva vadaeni.

ESEKIELA 38:10

Lohiabada Dirava ese inai bamona Goga dekenai ma ia gwau, “Unai dina do ia ginidae neganai, laloa haida be oi dekenai do idia vara, vadaeni kara dika ta do oi palania,

LEVITIKO 10:3

Unai neganai Mose ese Arona ia hamaoroa, ia gwau, “Lohiabada be inai bamona ia hereva vadaeni, ani? Ia gwau, ‘Egu orea taudia dekenai lau be helaga, bona lauegu gaukara idia karaia taudia ese egu helaga do idia matauraia. Taunimanima ibounai ese lauegu hairaina do idia itaia, bona lau do idia hanamoa.’ ” To Arona be hereva ta ia gwauraia lasi.

NUMERA 11:15

Bema oi ese inai bamona lau dekenai do oi karaia noho, mani do oi bogahisihisi lau dekenai, lau do oi alaia mase, vadaeni oiemu badu be do lau mamia lou lasi.”

NUMERA 20:24

“Arona be Israela taudia dekenai lau henidia vadaeni tanona do ia raka vareai lasi. Ia be kahirakahira do ia mase, badina be umui ese Meriba ranu gabuna dekenai lauegu hereva umui utua.

NUMERA 27:14

Badina be umui ruaosi ese Sini taunimanima noho lasi tano dekenai lauegu hereva umui utua dainai. Unai neganai, Israela taudia ibounai ese Meriba dekenai lau dekenai idia maumau, to lauegu siahu helagana be unai taudia edia vairanai oi gwauraia hedinarai lasi.” Unai Meriba be ranu gabuna. Ia be Kadesi kahana, Sini taunimanima noho lasi gabuna dekenai.

MATAIO 17:17

Iesu ia haere, ia gwau, “Abidadama lasi bona lalona auka taudia e! Lau be umui dekenai do lau noho ela bona edena negai? Do lau haheauka henia umui dekenai ia lao bona edena negai? Lau dekenai umui mailaia.”

MATAIO 17:20

Iesu ia gwau, “Umui emui abidadama be maragimaragi dainai. Umui lau hamaoroa momokani, bema umui emui abidadama ena bada be mastadi uhena sibona bamona, inai ororo bema umui hereva henia, bema umui gwau, ‘Iniseni dekena amo oi lao unuseni,’ be do ia lao. Kara ibounai danu do umui karaia diba.

LUKA 1:20

To egu hereva namona oi hamomokania lasi. Unai dainai oiemu uduna do ia koua, oi be do oi hereva diba lasi, ela bona lauegu hereva gaudia ibounai do idia vara. Lauegu hereva gaudia be edia nega korikori dekenai do idia vara momokani.”

LUKA 1:45

Abidadama hahinena e, oi namo vadaeni. Badina be Lohiabada dekena amo oi kamonai herevadia be do idia momokani.”

IOANE 1:17

Badina be Dirava ese Mose dekena amo taravatu ia henia, to hariharibada bona kara momokani be Iesu Keriso ese ia mailaia vadaeni.

ROMA 4:20

Dirava ese unai gwauhamata ia henia dainai, Aberahamo ia laloa daradara lasi. To iena abidadama ia bada dainai, Dirava ese siahu ia henia, unai dainai Aberahamo ese Dirava ia hanamoa henia.

DEUTERONOMI 1:37

Ma Mose ia gwau, “Umui Israela taudia dainai Lohiabada ese lau dekenai danu ia badu, bona ia gwau, ‘Mose e, oi danu be unai tano do oi raka vareai lasi.

DEUTERONOMI 34:4

Vadaeni Lohiabada ese Mose ia hereva henia, ia gwau, “Unai tano be Aberahamo bona Isako bona Iakobo dekenai lau gwauhamata henidia, lau gwau, ‘Umui emui tubudia dekenai do lau henia.’ Harihari oi dekenai lau hedinaraia. Oiemu matana dekenai oi itaia vadaeni, to ia dekenai do oi ginidae lasi.”

DEUTERONOMI 4:21

“Lohiabada ese lau dekenai ia badu umui dainai, vadaeni ia gwauhamata, lau ese Ioridane Sinavai do lau hanaia lasi. Bona ia gwau Lohiabada emui Dirava ese umui dekenai do ia henia tano namona do lau raka vareai lasi.

IOSUA 1:2

“Lauegu hesiai tauna Mose be ia mase vadaeni. Unai dainai oi toreisi, inai Ioridane Sinavai do oi hanaia, oi bona Israela taudia, idia dekenai lau ura do lau henia tanona do umui raka vareai.

1 PETERO 3:15

To emui kudouna dekenai Keriso do umui abia dae, do umui matauraia, bona ia tamona emui Lohiabada do umui halaoa. Bema haida ese emui abidadama bona lalona namo totona umui idia nanadaia neganai, nega ibounai do umui naria hegaegae noho, idia do umui haere henia totona. To mai mataurai bona manau danu do umui haere.