NUMERA 20:1 - Buka Helaga (Hiri Motu) 1993

¹ Hua ginigunana dekenai Israela taudia ibounai be taunimanima noho lasi tano ladana Sini dekenai idia ginidae. Gabu ta ladana Kadesi dekenai edia kamepa idia karaia. Unuseni Miriama ia mase, bona unai gabu dekenai idia guria.

NUMERA 20:1 Iomraidhean Croise

GENESE 14:7

Vadaeni Kedoralaomere ia giroa mai Kadesi dekenai, (ena ladana ta be “Kota Hereva ena Ranu Gabuna”), bona ia ese Amaleka taudia ibounai idia halusidia. Ma ia ese Amoro taudia, Hasasono Tamara dekenai idia noho, danu ia halusidia.

SALAMO 29:8

Lohiabada ena gadona ese, tano kaukau gabudia ia hamarerea noho. Kadesi ena tano kaukau ia hamarerea noho.

ESODO 15:20

Vadaeni Miriama, peroveta hahine, Arona ena taihuna, ese tareko ia abia iena imana dekenai, bona hahine ibounai ese edia tareko idia abia, Miriama ena murina dekenai idia lao, mai mavaru danu.

ESODO 2:4

Mero ena taihuna be sisina daudau ia gini noho, iena taihuna maragina dekenai dahaka do ia vara itaia totona.

ESODO 2:7

Vadaeni inai natuna ena taihuna ese Farao ena natuna hahine dekenai ia raka, ia hereva, ia gwau, “Lau lao, ani? Heberu hahine ta dohore lau davaria, ia ese mero do ia ubua.”

ESEKIELA 47:19

“Diho kahana ena tano hetoana be Tamara dekena amo do ia matamaia, do ia lao ela bona Meribata Kadesi ranu gabudia, vadaeni Aigupito Dokana dekena amo do ia lao, ela bona Davara Badana. Diho kahana hetoana be unai.

MIKA 6:4

Lau sibona ese Aigupito dekena amo umui lau hakaua mai. Lau ese emui guia dekena amo umui lau hamauria. Lau ese Mose, bona Arona, bona Miriama lau siaia, idia ese umui do idia gunalaia totona.

NUMERA 12:1

Mose ese Kusu hahine ta ia adavaia, bona unai dainai Miriama bona Arona be ia dekenai idia maumau.

NUMERA 12:10

Ori be Palai Dubu dekena amo ia daekau neganai, Miriama be lepera gorere ia abia. Iena kopina be kurokuro, sinou bamona. Arona ese Miriama ia itaia ia be lepera gorere ia abia vadaeni.

NUMERA 12:15

Unai dainai Miriama be kamepa murimuri dekenai ia noho ela bona dina 7 idia ore. Bona Israela taudia be edia laolao idia matamaia lou lasi ela bona Miriama be kamepa lalonai ma idia hakaua vareai lou.

NUMERA 13:21

Vadaeni unai tatau be mirigini kahana idia lao, Kanana tanona idia itaia, Sini taunimanima idia noho lasi tanona ela bona Rehoba, Hamata dalana dekenai.

NUMERA 13:26

Vadaeni unai Kanana tano ena sivarai idia hamaoroa, bona unai au huahua gaudia idia dekenai idia hedinaraia.

NUMERA 20:16

Lohiabada dekenai ai taitai, vadaeni ia ese aiemai taitai ia kamonai, aneru ta ia siaia, bona Aigupito dekena amo ai ia hakaua mai. “Hari ai be Kadesi hanua, oiemu tano ena hetoa gabuna dekenai ai noho.

NUMERA 20:22

Israela taudia ibounai ese Kadesi idia rakatania, bona Horo Ororo dekenai idia ginidae.

NUMERA 20:28

Vadaeni Mose ese Arona ena dabua helagadia ia kokia, Eleasara dekenai ia atoa. Vadaeni Arona be ororo ena ataiai dekenai ia mase, to Mose bona Eleasara be ororo dekena amo idia diho mai.

NUMERA 26:59

Amarama ena adavana ena ladana be Iokebedi, Levi ena natuna hahine, Aigupito dekenai ia vara. Iokebedi ese Amarama dekena amo ia havaraia natuna be Arona bona Mose, bona edia taihuna Miriama.

NUMERA 27:14

Badina be umui ruaosi ese Sini taunimanima noho lasi tano dekenai lauegu hereva umui utua dainai. Unai neganai, Israela taudia ibounai ese Meriba dekenai lau dekenai idia maumau, to lauegu siahu helagana be unai taudia edia vairanai oi gwauraia hedinarai lasi.” Unai Meriba be ranu gabuna. Ia be Kadesi kahana, Sini taunimanima noho lasi gabuna dekenai.

NUMERA 33:36

Esiono Gebere dekena amo idia toreisi, idia lao, Sini ena tano kaukau dekenai idia kamepa, ena ladana ta be Kadesi.

DEUTERONOMI 1:46

“Unai dainai umui be nega daudau Kadesi dekenai umui noho.”

DEUTERONOMI 2:14

Kadesi Baranea ita rakatania ela bona Serede Sinavai ita hanaia, be lagani ibounai 38. Unai lagani 38 edia lalonai unai uru ena Israela tuari taudia ibounai idia mase ore, Lohiabada ese ia hereva hegeregerena.

DEUTERONOMI 32:51

Badina be Israela taudia edia vairana dekenai umui ruaosi ese lau dekenai umui kamonai henia lasi, Meribata Kadesi ena ranu gabuna badibadinai, Sini ena tano, taunimanima noho lasi gabuna dekenai, lau umui matauraia lasi, Israela taudia edia vairana dekenai.

GUNALAIA TAUDIA 11:16

To Aigupito dekena amo idia mai neganai, Israela taudia be tano kaukau dekena amo idia raka, ela bona Davara Kakakaka, bona Kadesi dekenai idia ginidae.