NUMERA 2:2 - Buka Helaga (Hiri Motu) 1993

² “Israela taudia idia kamepa neganai, iduhu ta ta dekena amo edia palai ruma do idia haginia, edia iduhu ena pepe edia henunai, bona Israela taudia edia palai rumadia ese Palai Dubu do idia hagegea.”

NUMERA 2:2 Iomraidhean Croise

SALAMO 74:4

Oi dekenai idia tuari henia taudia ese, oiemu Dubu Helaga lalonai idia boiboi bada vadaeni, idia kwalimu dainai. Idia edia pepe be Dubu Helaga lalonai idia atoa, edia kwalimu toana.

SALAMO 76:11

Emui Dirava, Lohiabada, dekenai gwauhamata do umui henia, bona gwauhamata ena anina do umui karaia. Dirava umui hagegea noho taudia ibounai ese, ia dekenai harihari gaudia do umui henia be namo, badina ia dekenai taunimanima idia gari noho.

ISAIA 12:6

Siona dekenai noho taudia e, mai moale danu do umui boiboi, bona ane do umui abia, badina Israela ena Helaga Dirava be bada, bona ia ese iena bese taudia, edia huanai ia noho.”

ISAIA 18:3

Tanobada dekenai noho taudia ibounai e, tanobada ena latanai umui noho taudia e, toa ta ororo edia latanai idia abia isi neganai, do umui itaia! Kibi do idia hiriria neganai, do umui kamonai!

ESEKIELA 43:7

“Tanobada tauna e, egu terona be iniseni. Lau ese inai gabu dekenai egu aena palapala do lau atoa, bona egu bese Israela taudia edia huanai do lau noho ela bona hanaihanai. Israela taudia bona edia king taudia danu ese egu ladana helagana do idia hamiroa lou lasi. Idia ese dirava idaudia do idia tomadiho henia lou lasi, bona idia ese edia king taudia edia mase tauanidia do idia guria lou lasi inai gabu dekenai.

SEKARAIA 9:16

Unai dina do ia ginidae neganai, Lohiabada ese iena bese taudia do ia hamauria, mamoe naria tauna ese, iena mamoe be dika dekena amo ia hamauria bamona. Bona iena bese taudia be Lohiabada ena tano dekenai, unuseni do idia noho namo herea, hegeregere king ena kwara gauna dekenai idia noho nadi namodia bamona, davana bada herea nadidia.

NUMERA 1:50

“Levi taudia do oi abia hidi, idia ese lau noho ena toana, Palai Dubu, mai ena kohu ibounai do idia naria. Idia ese Palai Dubu mai ena kohu ibounai do idia huaia, bona idia sibona ese Dubu lalonai do idia gaukara, bona idia kamepa neganai, Palai Dubu, be edia palai ruma dekena amo do idia hagegea.

NUMERA 10:14

Iuda iduhu taudia be idia raka guna edia pepe henunai, mai edia iduhu tuari orea toi: Iuda iduhu tuari orea, edia gunalaia tauna be Nasona Aminadaba.

NUMERA 10:18

Idia edia murinai, Rubena iduhu taudia, edia pepe henunai idia raka lao, mai edia tuari orea toi: Rubena iduhu tuari orea, edia gunalaia tauna be Elisuru Sedeuru.

NUMERA 10:22

Idia edia murinai, Eparaima iduhu taudia, edia pepe henunai, idia raka lao, mai edia tuari orea toi: Eparaima iduhu tuari orea, edia gunalaia tauna be Elisama Amihuda.

NUMERA 10:25

Vadaeni murina dekenai idia mai iduhu idia raka lao, Dano iduhu taudia ese idia gunalaia, mai edia tuari orea toi: Dano iduhu tuari orea, ena gunalaia tauna be Ahiesere Amisadai.

NUMERA 2:1

Lohiabada ese Mose bona Arona ia hamaoroa, ia gwau,

NUMERA 2:10

Kamepa ena diho kahana dekenai, Rubena orea ena pepe henunai be inai iduhu toi do idia kamepa hebou, to ta ta edia iduhu dekena amo, bona edia gunalaia taudia ta ta henunai, edia momo be inai bamona: Rubena: Elisuru Sedeuru 46,500 Simeona: Selumiele Surisadai 59,300 Gado: Eliasapa Reuele 45,650 Ibounai: 151,450. Israela taudia ese edia kamepa dekena amo idia toreisi, gabu matamata idia lao neganai, Rubena orea be raka lao oreana iharuana.

NUMERA 2:3

Kamepa ena dina ia daekau kahana dekenai, Iuda orea ena pepe henunai be inai iduhu toi do idia kamepa hebou, to ta ta edia iduhu dekena amo, bona edia gunalaia taudia ta ta henunai, edia momo be inai bamona: Iuda: Nasona Aminadaba 74,600 Isakara: Netanele Suara 54,400 Sebuluno: Eliaba Helona 57,400 Ibounai: 186,400. Israela taudia ese edia kamepa dekena amo idia toreisi, gabu matamata idia lao neganai, Iuda orea be do ia raka guna.

NUMERA 24:2

Unai tano Balama ese ia itaia noho neganai, ia be Israela iduhuna ta ta, edia kamepa, edia kamepa, ia itaia. Unai neganai Dirava ena Lauma, be Balama dekenai ia siahu bada,

1 KORINTO 14:33

Badina be Dirava be ia ura lasi hereva kava bona heai, ia be maino Diravana.

1 KORINTO 14:40

Ekalesia ena gaukara ibounai umui karaia namonamo, mai dala maorona, karaia kava lasi.

FILIPI 1:27

Gau badana be inai: Keriso ena Sivarai Namona ena dala hegeregerena do umui mauri noho. Vadaeni umui dekenai lau noho, o umui dekenai lau noho lasi neganai, do lau diba umui gini goada noho. Bona do lau diba, mai emui laloa tamona bona ura tamona, Sivarai Namona abidadama henia totona do umui tuari hebou noho.

KOLOSE 2:19

Ia ese Keriso ia dogoatao noho lasi. Keriso be tauanina ena kwarana. Inai kwarana dekena amo tauanina ese goada ia abia noho, bona kwarana ese garugaru bona varovaro ia hatamonaia. Vadaeni Dirava ese ia ubua dainai, tauanina ia tubu namonamo noho.

IOSUA 3:4

Unai dala dekenai emui raka dalana do umui diba, badina be inai gabu be guna umui itaia lasi. To Taravatu Maua kahirakahira do umui raka lasi, ia bona umui, padana ena daudau be kilomita ta bamona.”