NUMERA 19:2 - Buka Helaga (Hiri Motu) 1993

² “Lohiabada ena oda ma ta be inai: Israela taudia do umui hamaoroa, boromakau hahine kakakakana ta, bero o toto ta lasi gauna, bona iena pagana dekenai metau huaia gaudia idia do atoa lasi, umui dekenai do idia mailaia.

NUMERA 19:2 Iomraidhean Croise

ESODO 12:5

Emui mamoe be do ia bero lasi gauna, mara namonamo gauna, lagani tamona ia abia gauna, mamoe o nani do umui abia.

ISAIA 1:18

Lohiabada ma ia hereva, ia gwau, “Harihari umui mai, ita hereva hebou. Momokani, umui emui dika be bada, rara ia kakakaka momokani bamona, to lau ese umui do lau huria, vadaeni do umui goeva, sinou ia kurokuro bamona. Momokani emui miro be kakakaka herea, to lau huria neganai ia be kurokuro, mamoe ena huina hegeregerena.

LALOHISIHISI 1:14

“Lohiabada ese egu kara dika ibounai ia kwatua hebou, ikumi gauna metau herea, bona egu aiona dekenai unai ikumi maduna ia atoa kau. Iena metau dainai egu goada be ia maragi lao. Unai neganai Lohiabada ese, lau idia hadikaia gwauraia taudia edia siahu henunai lau ia atoa, bona lau ese lau koudia diba lasi.

LEVITIKO 1:10

“Bema tau ta ese iena mamoe ta o nanigosi ta boubou totona ia ura ia henia neganai, inai mamoe o nanigosi be do ia namo herea, toto o bero gauna lasi.

LEVITIKO 1:3

Ma Mose ese Dirava ena hereva taunimanima ia hamaoroa, ia gwau, “Bema tau ta ena boubou, gabua ore gauna, be iena boromakau orea dekena amo do ia abia neganai, ia ese boromakau tau namona momokani, toto o bero lasi gauna do ia abia. Inai boromakau be Palai Dubu ena iduara dekenai do ia atoa, Lohiabada ese ia do ia abia dae totona.

LEVITIKO 14:6

Hahelagaia tauna ese do mauri manuna do ia abia, sida auna bona varo kakakaka bona husopo rigina danu do ia abia. Inai gau ibounai be ranu goeva ena ataiai ia hamasea vadaeni manu ena rara lalonai do ia atodia diho.

NUMERA 19:1

Lohiabada ese Mose bona Arona ia hamaoroa, ia gwau,

NUMERA 19:6

Vadaeni hahelagaia tauna ese sida audia, bona husopo muramura avana, bona varo kakakaka be boromakau idia gabua lahi ena latanai do ia negea.

NUMERA 31:21

Vadaeni hahelagaia tauna Eleasara ese tuari dekena amo idia giroa mai taudia dekenai ia hamaoroa, ia gwau, “Lohiabada ese Mose ia oda henia taravatu be inai:

LUKA 1:35

Aneru ia haere, ia gwau, “Lauma Helaga be oi dekenai do ia diho, bona Dirava ena siahu oi dekenai do ia atoa. Vadaeni, oi dekena amo do ia vara, inai mero helagana, be Dirava ena Natuna do idia gwauraia.

DEUTERONOMI 21:3

edena hanua be kahirakahira momokani. Vadaeni unai kahirakahira hanua ena tau badadia ese boromakau ena natuna hahine ta, idia do gaukaralaia lasi bona aiona dekenai maduna huaia auna idia do atoa lasi gauna, do idia abia hidi.

HEBERU 7:26

Iesu, inai Hahelagaia Tauna Badana ese ita ia durua diba. Ia be helaga. Ia be kara dika lasi, kerere ta lasi. Ia be kara dika taudia bamona lasi. Ia be goeva momokani, bona guba ena ataiai momokani dekenai ia daekau vadaeni.

HEBERU 9:10

Unai boubou karadia edia badina be, aniani gaudia bona inuinu gaudia hagoevaia totona, bona taunimanima edia tauanina hagoevaia totona sibona. Taunimanima ese inai boubou karadia edia taravatu do idia badinaia noho, ia mai bona Dirava ese dala matamata do ia haginia.

1 PETERO 1:19

Umui ia hamauria gauna be Keriso ena rarana. Inai rara be davana bada herea gauna. Keriso be mamoe natuna goevagoeva momokani hegeregerena, ia be maka dikana ta lasi, bona toto ta lasi.

1 PETERO 2:22

Ia ese kara dika ta ia karaia lasi. Bona iena uduna dekena amo hereva koikoi ta ia gwauraia lasi.

APOKALUPO 1:5

bona Iesu Keriso dekena amo danu. Ia be Dirava ena hereva ia gwauraia maoromaoro tauna namona. Ia be mase dekena amo ia toreisi lou vara guna tauna. Ia be tanobada ena king ibounai edia biaguna. Ia ese ita ia lalokau henia, bona iena rarana dekena amo iseda kara dika ia huria ore vadaeni.

1 SAMUELA 6:7

“Unai dainai treila matamata ta do umui abia hegaegae, bona boromakau hahine rua, maduna ta idia do huaia lasi gaudia. Inai boromakau ruaosi be treila veria totona do umui kwatua, to edia natudia be idia dekena amo do umui abia, ruma dekenai do umui koua.