NUMERA 19:13 - Buka Helaga (Hiri Motu) 1993

¹³ “Bema tau ta ese mase tauna ena tauanina do ia dogoatao, bona sibona ia hagoevaia lasi neganai, ia be ia miro noho, badina unai miro hagoevaia totona ranuna be ia dekenai idia do bubua lasi. Unai tau ese Lohiabada ena Palai Dubu ia hamiroa noho, bona unai dainai Israela besena dekena amo unai tau do umui atoa siri.

NUMERA 19:13 Iomraidhean Croise

ESODO 30:33

Bema tau ta ese dehoro ia hegeregerena do ia karaia, o bema hahelagaia tauna lasi tauna ta dekenai ia gaukaralaia, unai tau be egu bese dekena amo do idia negea murimuri dekenai.’ ”

AONEGA HEREVADIA 14:32

Kara dika taudia be edia kara dika ese, idia ia hadikaia noho, to kara maoromaoro taudia, be edia laloa maoromaoro ese do ia hamauridia.

ESEKIELA 44:26

Iena miro dekena amo idia hagoevaia murinai, ia be dina 7 do ia naria, vadaeni do ia goeva.

LEVITIKO 15:31

Inai dala dekenai Lohiabada ese Mose ia hamaoroa, ia ese Israela taudia do ia sisiba henidia edia miro do idia naria namonamo, vadaeni Lohiabada ena Palai Dubu do idia hamiroa lasi. Palai Dubu be edia kamepa ena huanai ia noho, bona bema idia hamiroa neganai, do idia mase.

LEVITIKO 20:3

Lau danu ese unai tau do lau badu henia, bona egu bese dekena amo do lau negea momokani. Badina be iena natuna be Moleka dekenai ia henia, bona unai kara dekena amo ia ese lauegu Palai Dubu ia hamiroa, bona egu ladana helagana ia hahemaraia vadaeni.

LEVITIKO 22:3

Arona bona iena natuna tau do oi hamaorodia, do oi gwau: ‘Bema emui natudia o, tubudia ta be egu taravatu dekenai ia miro neganai, Israela taudia edia boubou helagadia, lau dekenai idia mailaia gaudia, be ia ese ia dogoatao, o ia alaia mase, ia be lauegu vairana dekena amo do umui negea, bona iena dagi dekena amo do ia doko. Inai be noho hanaihanai taravatuna. Lau Lohiabada inai.’

LEVITIKO 22:4

“Arona ena natuna bona tubudia ta bema mai ena lepera gorere, o mai ena toto, bona hura be ena toto dekena amo ia bubua neganai, ia ese boubou helagadia do ia ania diba lasi ela bona ia goeva. Hahelagaia tauna bema mase tauna ta ena gau o dabua ia dogoatao neganai, ia be miro. Ma hahelagaia tauna, bema iena vesina ia bubua neganai, ia be miro.

LEVITIKO 5:17

“Bema tau ta ese Lohiabada ena Taravatu do ia utua kava, ia diba lasi dainai, ia be ia kerere, bona iena kerere davana do ia karaia.

LEVITIKO 5:3

O bema tau ta ese taunimanima edia miro gauna ta do ia dogoatao kava, ia diba lasi dainai, to gabeai ia diba, unai neganai ia be ia kerere.

LEVITIKO 5:6

Bona edia kara dika edia davana karaia totona, Lohiabada dekenai mamoe hahine o nani boubouna do idia mailaia. Hahelagaia tauna ese inai taudia edia kara dika dainai, edia boubou be Lohiabada dekenai do ia henia.

LEVITIKO 7:20

To bema ia goeva lasi tauna ta ese Dirava danu maino karaia boubouna ia ania neganai, ia be Dirava ena bese dekena amo do idia atoa siri.

LEVITIKO 7:21

Bona sedira tau ta ese taunimanima edia gau mirona ta, o mauri gauna ta ena gau mirona ta, o Dirava ena taravatu hegeregerena miro gauna ta, o bodaga gauna ta do ia dogoatao. Bema gabeai unai tau ese Dirava danu maino karaia boubou vamuna do ia ania neganai, ia be Dirava ena bese dekena amo do idia atoa siri.

NUMERA 15:30

“To bema Israela tauna o Israela dekenai ia noho idau tauna ese mai hekokoroku bona mai laloa dika danu kara kerere ia karaia, inai be ia ese Lohiabada ia matauraia lasi. Vadaeni unai bamona tauna be do umui alaia mase.

NUMERA 19:14

“Tau ta be palai ruma ta dekenai ia mase ena taravatu be inai: Unai palai ruma idia raka vareai taudia, bona unai palai ruma dekenai idia noho taudia be do idia miro, ela bona dina 7 idia ore.

NUMERA 19:18

Vadaeni miro lasi tauna ta ese husopo muramura avana do ia abia, unai ranu lalonai do ia atoa, bona unai mase tauna ena palai ruma, bona lalonai noho gaudia ibounai, bona palai ruma taudia danu dekenai unai ranu do ia negea. Ma ia ese mase tauna ena turiana, o guria gabuna, o kaia dekenai mase tauna, o mase kava tauna ia dogoatao tauna danu dekenai unai ranu do ia negea lao.

NUMERA 19:19

Unai goeva tauna ese dina namba 3 bona dina namba 7 dekenai miro tauna ena latanai unai ranu do ia negea. Vadaeni dina namba 7 dekenai ia ese miro tauna do ia hagoevaia haorea. Badina be unai miro tauna ese unai dina dekenai iena dabua do ia huria, bona ranu dekenai do ia digu, bona dina do ia diho neganai ia be goeva.

NUMERA 19:20

“To bema miro tauna ta ese sibona ia hagoevaia lasi neganai, ia be Israela taudia dekena amo do umui atoa siri, badina be ia ese Lohiabada ena Palai Dubu ia hamiroa noho. Badina unai miro hagoevaia ranuna be ia dekenai idia bubua lasi dainai unai tau be ia miro noho.

NUMERA 19:9

Unai neganai miro lasi tauna ta ese boromakau ena lahi kahuna do ia haboua, bona goeva gabuna ta, kamepa ena murimurina dekenai do ia atoa. Unai kahu be do ia noho, badina Israela taudia ese do idia gaukaralaia. Idia be ranu dekenai unai kahu do idia udaia, do idia mikisi, bona inai ranu be goeva lasi kara hagoevaia totona, bona kara dika huria ore totona.

NUMERA 8:7

Inai dala dekenai idia do oi hagoevaia: Ranu helagana be idia dekenai do oi negea lao, bona idia do oi hamaoroa, edia tauanina ena huina ibounai do idia kakasia ore, bona edia dabua do idia huria namonamo. Unai dekena amo do idia goeva.

NUMERA 9:13

To bema tau ta ia miro lasi, o ia laolao lasi, to Pasova aria ia karaia lasi, unai tau be iena bese dekena amo do umui negea, badina be ia ese Lohiabada ena boubou ia henia lasi, henia ena nega korikori dekenai. Unai tau ese iena kerere ena davana be ia sibona do ia karaia.

IOANE 8:24

Unai dainai umui lau hamaoroa, lau gwau, ‘Emui kara dika dekenai do umui mase.’ Badina bema umui abidadama lasi, ‘Lau inai Lau noho’ dekenai, emui kara dika dekenai do umui mase.”

HEBERU 10:29

Edena bamona umui laloa? Dirava ena Natuna do ia negea tauna be edena bamona? Dirava ena gwauhamata taravatuna ena rarana ese unai tau ia hagoevaia vadaeni. To unai tau ese unai gwauhamata taravatu ena rarana, be anina lasi gauna bamona ia halaoa. Bona unai tau ese Dirava ena Hariharibada Laumana ia hereva dika henia. Unai bamona tauna ena kerere davana ena bada be edena bamona?

HEBERU 9:10

Unai boubou karadia edia badina be, aniani gaudia bona inuinu gaudia hagoevaia totona, bona taunimanima edia tauanina hagoevaia totona sibona. Taunimanima ese inai boubou karadia edia taravatu do idia badinaia noho, ia mai bona Dirava ese dala matamata do ia haginia.

APOKALUPO 21:8

To lau badinaia totona idia gari taudia, abidadama lasi taudia, kara bodaga taudia, taunimanima idia alaia taudia, lebulebu taudia, meamea taudia, kaivakuku dekenai idia tomadiho henia taudia, bona koikoi taudia ibounai, idia ibounai edia davana be dika. Idia be unai gohu, lahi bona salipa idia araia noho gabuna lalonai do idia lao. Inai be mase iharuana.”

APOKALUPO 22:11

Vadaeni kara dika tauna, be kara dika do ia karaia noho. Lebulebu tauna, be lebulebu do ia karaia noho. Kara maoromaoro tauna, be kara maoromaoro do ia karaia noho. Bona helaga tauna, be helaga kara do ia karaia noho.”

APOKALUPO 22:15

To murimuri dekenai be kara bodaga taudia, bona dika bada idia karaia taudia, meamea taudia, matabodaga taudia, ala-ala taudia, kaivakuku idia tomadiho henia taudia, bona koikoi idia ura henia bona badinaia taudia idia noho.