NUMERA 19:11 - Buka Helaga (Hiri Motu) 1993

¹¹ “Bema tau ta ese mase tauna ena tauanina ia dogoatao, ia be do ia miro noho ela bona dina 7 idia ore.

NUMERA 19:11 Iomraidhean Croise

ISAIA 52:11

Dubu Helaga ena kohu umui huaia noho taudia e, Babulonia dekena amo do umui raka siri momokani! Miro gauna ta do umui dogoatao lasi. Do umui helaga noho, bona unai gabu do umui rakatania.

LALOHISIHISI 4:14

Unai Ierusalema ena lohia taudia, be hari ariara dekenai idia loaloa kava, matakepulu taudia bamona. Idia be unai mase taudia edia rara dekena amo idia miro dainai, tau ta ese edia dabua danu, do idia dogoatao diba lasi.

ESEKIELA 39:12

“Hua ibounai 7 lalonai, Israela besena taudia ese unai Goga orea taudia do idia guridia, tano do idia hagoevaia totona.

ESEKIELA 44:26

Iena miro dekena amo idia hagoevaia murinai, ia be dina 7 do ia naria, vadaeni do ia goeva.

LEVITIKO 11:31

Inai gaudia mai mauri danu, bona mase gaudia danu ia dogoatao tauna be do ia miro ela bona dina ia diho.

LEVITIKO 21:1

Bona Lohiabada ese Mose ia hamaoroa, ia gwau, “Hahelagaia taudia, Arona ena natuna tau taudia do oi oda henia, idia ta ese iena hanua mase tauna hahelagaia totona gaukara ia karaia neganai, unai mase tauna do ia dogoatao lasi. Ia ese sibona do ia hamiroa lasi, mase tauna ena miro dekenai garina.

LEVITIKO 21:11

Ia ese mase tauna kahirakahira do ia lao lasi, iena tamana o sinana danu, idia kahirakahira do ia lao lasi, do ia miro garina.

LEVITIKO 22:4

“Arona ena natuna bona tubudia ta bema mai ena lepera gorere, o mai ena toto, bona hura be ena toto dekena amo ia bubua neganai, ia ese boubou helagadia do ia ania diba lasi ela bona ia goeva. Hahelagaia tauna bema mase tauna ta ena gau o dabua ia dogoatao neganai, ia be miro. Ma hahelagaia tauna, bema iena vesina ia bubua neganai, ia be miro.

LEVITIKO 5:2

Bema Dubu ena taravatu ia gwau gau ta be miro, hegeregere mase gauna ena tauanina, uda boroma, o ubua gauna, o tano dekenai ia rau gauna, be tau ta ese ia dogoatao kava, ia itaia haraga lasi dainai, unai tau be ia kerere.

HAGAI 2:13

Vadaeni Hagai ese idia ia nanadaia, ia gwau, “Bema tau ta ese mase tauna ena tauanina ia dogoatao dainai ia miro, bona ia ese unai aniani gaudia ta ia dogoatao neganai, idia be idia miro danu, a?” Hahelagaia taudia idia gwau, “Io.”

NUMERA 19:16

“Bema tau ta ese kamepa ena murimurinai kaia dekenai ia mase tauna, o ia mase kava tauna, o mase tauna ta ena turiana ta do ia dogoatao, o bema ia ese guria gabuna ta dekenai ia kamokau neganai, unai tau be do ia miro noho ela bona dina 7 do idia ore.

NUMERA 31:19

“Bona umui ese taunimanima umui alaia mase, o mase taudia dekenai umui kamokau taudia ibounai be dina 7 lalonai kamepa ena murimurinai do umui noho. Dina namba 3, bona dina namba 7 dekenai umui sibona do umui hagoevaia, bona umui abia mauri kekeni bona ulato danu do umui hagoevaia.

NUMERA 5:2

“Israela taudia do oi hamaoroa, lepera gorere taudia ibounai, bona hura ia bubua noho gorere taudia, bona mase taudia edia tauanina idia dogoatao taudia dainai idia miro taudia ibounai be kamepa ena murimurinai do idia siaia lao.

NUMERA 6:6

“Iena helaga dinadia ibounai lalonai danu Nasiri tauna ese mase tauna ta dekenai do ia raka kahirakahira lasi.

NUMERA 9:10

“Israela taudia do oi hamaoroa, do oi gwau: Sedira umui ta o emui natudia ta o tubudia ta be miro, mase tauna umui dogoatao dainai, o sedira umui ta be daudau herea do ia laolao, to ia do ura Pasova do ia ania.

NUMERA 9:6

To tau haida be idia miro vadaeni, mase tauna dekenai idia kamokau dainai. Unai dainai Pasova idia ania diba lasi unai dina dekenai. Vadaeni idia be Mose bona Arona dekenai idia lao unai dina dekenai, idia gwau,

APOSETOLO EDIA KARA 21:26

Vadaeni, Paulo be inai taudia danu ia lao. Bona kerukeru, hagoevaia ena kara ibounai ia karaia idia danu. Gabeai Dubu Helaga lalonai Paulo ia raka vareai, bona ia ese hahelagaia tauna dekenai ia gwauraia, dina hida do ia lao ela bona idia edia hagoevaia kara do ia doko. Bona Paulo ese danu ia gwauraia edena negai boubou gauna do ia henia, unai tau 4 ta ta edia latanai.

APOSETOLO EDIA KARA 21:27

Inai dina 7 be kahirakahira idia ore neganai, Iuda taudia haida Asia dekena amo ese Paulo idia itaia Dubu Helaga lalonai. Idia ese taunimanima idia habadua, vadaeni idia ese Paulo idia dogoatao.

ROMA 5:12

Tau tamona dekena amo kara dika ia vareai mai tanobada dekenai, bona iena kara dika ese mase ia mailaia. Unai dainai mase be taunimanima ibounai ese idia abia, badina ibounai be mai edia kara dika.

2 KORINTO 6:17

Unai dainai Lohiabada ma ia hereva, ia gwau: “Umui ese idia do umui rakatania, bona idia dekena amo do umui parara. Miro gaudia ibounai dekena amo do umui raka siri, vadaeni umui do lau abia dae.

EFESO 2:1

Guna umui be emui kara dika bona kerere dainai umui mase.

HEBERU 9:14

Inai be momokani. To Keriso ena rarana ese unai bamona kara ia hereaia momokani, ani? Badina be Keriso be goevagoeva momokani, bona kerere ta lasi. Bona Lauma Helaga, noho hanaihanai Laumana, ena siahu dekena amo Keriso ese sibona ena mauri Dirava dekenai ia henia, boubou gauna goevagoeva momokani totona. Unai dainai iena rarana ese iseda lalona do ia hagoevaia anina lasi boubou karadia dekena amo. Vadaeni Mauri Diravana ena hesiai gaukara do ita karaia diba.