NUMERA 18:9 - Buka Helaga (Hiri Motu) 1993

⁹ “Boubou helagadia edia kahana, lahi dekenai idia gabua lasi gaudia, do umui abia be inai: Paraoa bouboudia, kara dika bouboudia, kerere totona bouboudia. Lau dekenai idia henia boubou helagadia ibounai be oi bona oiemu natuna tau emui.

NUMERA 18:9 Iomraidhean Croise

2 KING TAUDIA 12:17

Unai neganai Hasaele, Suria ena king, be ia lao, Gata hanua ia tuari henia, bona ia abia. To Hasaele be Ierusalema dekenai ia raka lao, do ia tuari henia totona neganai,

NEHEMIA 10:36

“Bona ita ibounai iseda natudia tau vara gunadia be hahelagaia taudia, Dubu Helaga dekenai, do ita abia lao, Dirava dekenai do ita henia, Taravatu lalonai ia torea hegeregerena. Iseda boromakau, mamoe bona nanigosi edia vara guna natudia danu, be Dubu Helaga dekenai, Lohiabada dekenai do ita henia.

ESEKIELA 42:13

Unai tau ese lau ia hamaoroa, ia gwau, “Inai ruma ruaosi edia mirigini bona diho kahana daihutudia, Dubu Helaga idia vaira henia gaudia be idia helaga. Inai daihutu edia lalonai hahelagaia taudia, Lohiabada ena kahirakahira do idia raka taudia, ese helaga herea aniani, harihari gaudia, do idia ania. Unai daihutudia lalonai danu be aniani, harihari gaudia helaga herea, do idia atoa, paraoa boubouna, bona kara dika bona kerere abia lao totona boubou gaudia, badina unai gabudia be helaga.

ESEKIELA 44:29

Paraoa boubouna bona kara dika bona kerere kokia boubou gaudia be do idia ania, bona Israela taudia ese idia atoa siri gau helagadia, lau Dirava dekenai idia henia gaudia ibounai be hahelagaia taudia do idia abia, edia.

LEVITIKO 10:17

“Badina dahaka gabu helagana ta dekenai inai kara dika totona boubouna umui ania lasi? Ia be boubou helaga herea, bona Lohiabada ese umui dekenai ia henia vadaeni, Israela taudia edia kara dika do ia gwauatao totona.

LEVITIKO 14:13

Hahelagaia tauna ese unai mamoe natuna tau do ia alaia mase gabu helagana ta dekenai, kara dika boubouna bona gabua ore boubouna idia alaia mase gabuna be unai. Unai bamona do ia karaia, badina be kerere totona boubouna be kara dika totona boubouna bamona. Inai boubou ruaosi be hahelagaia tauna ena. Unai dainai inai boubou be helaga herea.

LEVITIKO 2:10

Unai boubou ena orena, idia gabua lasi gauna, be hahelagaia taudia edia. Ia be helaga momokani, badina be Lohiabada dekenai henia boubou dekena amo idia abia.

LEVITIKO 22:11

To hahelagaia tauna ese moni dekena amo ia hoia tauna ese do ia ania. Bona hahelagaia tauna ena ruma lalonai ia vara hesiai tauna danu do ia ania diba.

LEVITIKO 22:7

“Dina ia diho murinai ia be goeva, bona unai neganai unai boubou helagadia ia ania diba, badina be iena aniani be unai.

LEVITIKO 4:22

Ma Lohiabada ese Mose ia hamaoroa, ia gwau, “Israela taudia dekenai do oi hadibaia, oi gwau: Bema gunalaia tauna ta ese ia kara dika, bona Lohiabada ena taravatu ta ia utua kava, ia diba lasi dainai,

LEVITIKO 4:27

“Bema Israela ena orea tauna ta ese ia kara dika, bona Lohiabada ena taravatu ta ia utua kava, ia diba lasi dainai,

LEVITIKO 5:1

Ma Lohiabada ese Mose dekenai inai taravatu ia henia: Inai kara dika edia davana karaia totona taunimanima ese inai boubou gaudia do idia henia: Bema tau ta ese ia itaia gauna o ia diba gauna ta ia herevalaia diba kota gabuna dekenai, to ia herevalaia lasi, unai tau be ia kerere.

LEVITIKO 5:6

Bona edia kara dika edia davana karaia totona, Lohiabada dekenai mamoe hahine o nani boubouna do idia mailaia. Hahelagaia tauna ese inai taudia edia kara dika dainai, edia boubou be Lohiabada dekenai do ia henia.

LEVITIKO 6:17

Hatubua muramura danu do umui mikisi lasi. Lau Lohiabada ese hahelagaia taudia dekenai unai paraoa lau henia, ia be idia edia davana, aniani bouboudia dekena amo. Unai boubou be helaga herea, kara dika boubouna bona kerere totona boubouna hegeregere.

LEVITIKO 6:19

Lohiabada ese ma “Mose dekenai ia hereva, ia gwau,

LEVITIKO 6:30

To bema inai kara dika kokia totona boubouna ena rarana be Palai Dubu dekenai idia mailaia vareai neganai, unai boubou vamuna be do idia ania lasi momokani, bona unai vamu be do idia gabua ore.

LEVITIKO 7:1

Ma Mose ese Dirava ena hadibaia hereva ia gwauraia: Kerere totona bouboudia edia taravatu be inai, idia be helaga herea bouboudia:

LEVITIKO 7:6

Hahelagaia taudia edia bese natuna tau ibounai ese inai boubou vamuna idia ania diba. To gabu helagana ta dekenai do idia ania, badina be inai boubou vamuna be helaga herea momokani.

LEVITIKO 7:7

Kara dika totona boubouna bona kerere totona boubouna edia taravatu be tamona: Boubou ena vamuna be unai boubou helaga ia karaia hahelagaia tauna ena, do ia ania diba.

NUMERA 18:10

Umui ese gabu helagana ta dekenai inai aniani do umui ania. Tau bona memero sibona ese idia ania diba, inai aniani be helaga.

DEUTERONOMI 18:1

Mose ma ia hereva, ia gwau, “Hahelagaia taudia, Levi taudia, bona Levi iduhu taudia ibounai ese Israela ena tano ta do idia biagua lasi. Edia gaukara davana be tamona, lahi dekenai idia gabua bouboudia, bona boubou idauidau, taunimanima ese Lohiabada dekenai idia mailaia gaudia.