NUMERA 18:8 - Buka Helaga (Hiri Motu) 1993

⁸ Lohiabada ese Arona ma ia hereva henia, ia gwau, “Taunimanima ese lau dekenai idia henia bouboudia, gabua ore lasi gaudia, be lau ese oi dekenai lau henia. Lau ese oi, bona oiemu natuna, tubuna taudia dekenai inai boubou helagadia lau henidia inai, idia be emui, ela bona nega ibounai.

NUMERA 18:8 Iomraidhean Croise

2 KING TAUDIA 12:16

To kara dika totona bouboudia bona kara kerere totona bouboudia moni be Lohiabada ena Dubu Helaga dekenai idia atoa vareai lasi. Unai moni be hahelagaia taudia edia.

2 SIVARAI 31:4

Bona king Hesekaia ese Ierusalema dekenai noho taudia ia oda henia, idia ese hahelagaia taudia bona Levi taudia edia gaukara davana korikori do idia henia, idia ese Lohiabada ena Taravatu do idia tahua bona badinaia, mai maoromaoro bona mai momokani totona.

2 SIVARAI 31:5

Unai oda be Hesekaia ia gwauraia neganai, Israela taudia ese mai edia lalona namo danu gau momo herea idia henia, uiti bona bali edia vara guna anina gaudia, bona uaina, bona olive dehoro, bona hani, bona uma ena anina gaudia ibounai. Gau ibounai idia karoa, karoa 10, vadaeni karoa ta idia mailaia. Idia mailaia gaudia be momo herea.

ESODO 28:43

Arona bona iena natuna tau ibounai ese Palai Dubu idia raka vareai, o Helaga Gabuna lalonai pata helagana kahirakahira idia lao neganai, inai bamona piripou do idia karaia noho. Bema inai bamona idia karaia lasi neganai, idia be kerere, bona idia be do idia mase. Nega ibounai hanaihanai Arona bona iena tubuna taudia ese inai taravatu do idia badinaia.”

ESODO 29:21

Vadaeni boubou patana dekenai ia noho rara sisina bona dehoro helagana haida do oi abia, Arona, mai ena dabua danu, bona iena natuna mai edia dabua danu dekenai inai rara bona dehoro do oi negea lao. Inai bamona oi karaia neganai, Arona, mai ena natuna tau, bona edia dabua danu be lau totona do idia helaga momokani.

ESODO 29:28

Vadaeni lau Lohiabada lau gwau, ‘Israela taudia ese edia laloa namona boubou lau dekenai idia henia negadia ibounai, inai kemena bona mamuna ena vamu be hahelagaia taudia ese do idia ania.’

ESODO 29:29

“Arona be do ia mase neganai, iena dabua helagadia be iena natuna tau dekenai do idia henia. Bona Arona murinai, iena tubuna taudia be hahelagaia taudia edia gaukara totona idia hahelagaia neganai, inai Arona ena dabua do idia atoa.

ESODO 40:13

Hahelagaia tauna ena dabua be Arona dekenai do oi atoa, bona dehoro helagana be iena kwarana dekenai do oi bubua. Inai bamona do oi hahelagaia, ia ese lauegu hahelagaia tauna ena gaukara do ia karaia totona.

ESODO 40:15

Unai murinai, dehoro helagana edia kwarana dekenai do oi bubua, edia tamana dekenai oi bubua bamona. Inai kara dainai idia ese egu hahelagaia taudia edia gaukara do idia karaia diba. Inai dehoro bubua kara ese do ia hahelagadia, vadaeni hahelagaia taudia edia gaukara be idia, bona edia tubudia taudia do idia karaia noho ela bona hanaihanai.”

ISAIA 10:27

“Unai dina dekenai, lau ese Asuria ena siahu dekena amo umui do lau kokia ruhaia, bona edia maduna metau be emui pagadia dekena amo do lau kokia, idia do lau hadikaia ore. Bona umui dekenai dehoro muramura do lau atoa.”

LEVITIKO 21:10

“Hahelagaia Tauna Badana be iena kwarana dekenai dehoro helagana idia bubua vadaeni, bona idia hahelagaia vadaeni, dabua helagadia do ia karaia totona, vadaeni ia ese iena huina do ia duaria noho namonamo, bona ia ese iena dabua do ia darea lasi, mase taudia totona idia taitai neganai.

LEVITIKO 23:20

Hahelagaia tauna ese beredi bona mamoe natuna rua be iena imana dekenai do ia davea, idia be lau Lohiabada dekenai boubou gauna. Idia be lau Lohiabada egu gau helagadia, hahelagaia taudia edia aniani gaudia.

LEVITIKO 6:16

To paraoa ena orena, idia gabua lasi gaudia, be Arona mai ena natuna tau edia, do idia ania. Unai paraoa mai hatubua muramura lasi dekenai, beredi do idia gabua, bona do idia ania, gabu helagana ta dekenai, Lohiabada ena Palai Dubu ia koua hagegea koua dabua ena lalonai.

LEVITIKO 6:18

Arona ena natuna bona tubuna taudia ibounai ese inai paraoa idia ania diba. Unai be idia edia davana ela bona hanaihanai, Lohiabada dekenai henia aniani bouboudia dekena amo. To bema tau idauna ta ese inai paraoa ia dogoatao neganai, inai helaga ena siahu ese do ia hadikaia.

LEVITIKO 6:20

Arona o iena natuna tau ese iena dagi helagana ia abia dinana dekenai, ia ese paraoa ena metau kilogaram ta Lohiabada dekenai do ia mailaia. Inai paraoa ena metau, be paraoa boubouna, nega ibounai idia henia gauna ena metau hegeregerena. Inai paraoa kahana be dabai do idia henia, bona kahana be adorahi neganai do idia henia.

LEVITIKO 6:26

Unai boubou helaga ia karaia hahelagaia tauna be gabu helagana ta dekenai boubou ena vamu do ia ania, Lohiabada ena Palai Dubu ia koua hagegea koua dabua ena lalonai.

LEVITIKO 7:14

Inai paraoa idauidau dekena amo, beredi sisina metauna ta, bisikesi ta, o keke ta, bona mai hatubua muramura beredi ta Lohiabada dekenai do ia henia. Inai boubou be hahelagaia tauna, boubou patana dekenai boubou gauna ena rara ia negea tauna, ena. Do ia ania diba.

LEVITIKO 7:28

Ma Lohiabada ese Mose dekenai inai hadibaia hereva ia henia:

LEVITIKO 7:6

Hahelagaia taudia edia bese natuna tau ibounai ese inai boubou vamuna idia ania diba. To gabu helagana ta dekenai do idia ania, badina be inai boubou vamuna be helaga herea momokani.

LEVITIKO 8:30

Mose ese dehoro helagana sisina ia abia, bona boubou patana ena latanai ia noho rara sisina danu. Inai dehoro bona rara be Arona bona iena natuna tau edia latanai, bona edia dabua latanai ia negea. Inai dala dekenai Mose ese Arona, bona iena natuna tau, bona edia dabua danu, ia hahelagaia, Lohiabada ena vairanai.

NUMERA 18:9

“Boubou helagadia edia kahana, lahi dekenai idia gabua lasi gaudia, do umui abia be inai: Paraoa bouboudia, kara dika bouboudia, kerere totona bouboudia. Lau dekenai idia henia boubou helagadia ibounai be oi bona oiemu natuna tau emui.

NUMERA 5:9

“Israela taudia edia harihari gaudia, helaga gaudia Lohiabada dekenai henia gwauraia gaudia, be hahelagaia tauna ese do ia abia, iena.

1 KORINTO 9:13

Umui diba lasi, a, Dubu Helaga lalonai helaga gaukara idia karaia taudia ese Dubu Helaga dekena amo edia aniani idia abia? Bona boubou patana idia naria taudia ese boubou patana dekena amo aniani idia ania.

DEUTERONOMI 12:11

Unai neganai Lohiabada ese gabu ta do ia abia hidi, iena Ladana do ia noho totona. Unai gabu dekenai Lohiabada do umui tomadiho henia, bona unuseni be umui dekenai lau oda gaudia ibounai do umui mailaia, emui gabua bouboudia, emui boubou idauidau, bona emui kohu haria kahana 10 dekena amo kahana ta Lohiabada henia gaudia, harihari gaudia idaudia, bona emui gwauhamata gaudia, Lohiabada ena.

DEUTERONOMI 12:6

Unai gabu dekenai do umui lao, emui boubou, gabua gaudia, bona emui boubou gaudia idauidau, bona emui kohu haria kahana 10 dekena amo kahana ta Lohiabada henia gaudia, harihari gaudia idaudia, emui gwauhamata gaudia, bona emui henia kava monina, ma boromakau bona mamoe edia vara guna natudia, inai ibounai do umui abia lao.

DEUTERONOMI 18:1

Mose ma ia hereva, ia gwau, “Hahelagaia taudia, Levi taudia, bona Levi iduhu taudia ibounai ese Israela ena tano ta do idia biagua lasi. Edia gaukara davana be tamona, lahi dekenai idia gabua bouboudia, bona boubou idauidau, taunimanima ese Lohiabada dekenai idia mailaia gaudia.

DEUTERONOMI 26:13

umui ese Lohiabada, emui Dirava dekenai do umui gwau, ‘Gau helagadia ibounai lauegu ruma dekena amo lau abia mai vadaeni, Levi taudia, idau taudia, ogogami taudia, bona vabu taudia dekenai lau henia vadaeni, oiemu oda hegeregere. Oiemu oda ta lau utua lasi, bona ta lau laloaboio lasi.

HEBERU 1:9

Oi ese kara maoromaoro oi ura henia, to kara dika be oi badu henia. Unai dainai lau Dirava, oiemu Dirava, ese oi lau abia hidi. Oiemu kwarana dekenai moale ena dehoro lau bubua, bona oi dekenai lau henia hanamoa, ese oiemu bamona taudia edia hanamoa ia hereaia momokani.”

1 IOANE 2:20

To umui ese Lauma Helaga umui abia vadaeni. Keriso ese umui dekenai ia henia. Unai dainai umui ibounai be hereva momokani umui diba vadaeni.

1 IOANE 2:27

To Keriso ese iena Lauma Helaga umui dekenai ia henia vadaeni. Unai dainai umui emui diba be hegeregere, badina be Lauma Helaga ena hereva be momokani, ia koikoi lasi. Iena hadibaia hereva do umui badinaia, bona Keriso lalonai do umui noho.