NUMERA 18:12 - Buka Helaga (Hiri Motu) 1993

¹² “Lau ese inai aniani umui dekenai lau henia: Olive dehoro namo herea, bona uaina matamata namo herea, bona uiti namo herea do idia mailaia, Israela taudia edia uma anina vara guna, bona edia vain huahua vara guna, Lohiabada dekenai idia mailaia gaudia.

NUMERA 18:12 Iomraidhean Croise

GENESE 27:28

Unai dainai guba ena medu Dirava ese oi do ia henia, bona oiemu uma tano do ia hanamoa. Uiti momo bona uaina momo danu do ia henia oi dekenai.

2 KING TAUDIA 4:42

Ma nega ta, tau ta be Bala Salisa dekena amo ia mai, Dirava ena tau Elisaia totona, beredi ibounai 20 ia mailaia. Inai beredi, be idia utua bali ena anina ginigunana dekena amo, bona uiti anina matamatadia dekena amo danu. Elisaia ese iena hesiai tauna ia hamaoroa, inai beredi be peroveta orea taudia dekenai do ia henia, do idia ania.

2 SIVARAI 31:5

Unai oda be Hesekaia ia gwauraia neganai, Israela taudia ese mai edia lalona namo danu gau momo herea idia henia, uiti bona bali edia vara guna anina gaudia, bona uaina, bona olive dehoro, bona hani, bona uma ena anina gaudia ibounai. Gau ibounai idia karoa, karoa 10, vadaeni karoa ta idia mailaia. Idia mailaia gaudia be momo herea.

SALAMO 147:14

Emui tano hetoadia dekenai Dirava ese maino ia karaia noho, bona uiti namo herea emui uma dekenai ia hatubua noho. Unai dekena amo umui boga kunu noho.

SALAMO 81:16

To uiti namo herea dekena amo umui do lau ubua, bona hani namona, nadi badana dekena amo gauna, umui dekenai do lau henia, do umui boga kunu.”

ESODO 22:29

“Emui uma dekenai hadoa gaudia edia anina dekena amo boubou gauna lau dekenai do umui henia, dogoatao noho lasi. “Umui emui vara guna natuna merona lau dekenai do umui henia.

ESODO 23:19

“Emui uma dekenai hadoa gaudia edia anina ginigunana umui utua neganai, be namo hereadia do umui mailaia Lohiabada emui Dirava ena dubu dekenai. “Nani ena natuna be iena sinana ena rata lalonai do umui nadua lasi.

ESODO 34:26

“Lagani ta ta ibounai emui uma anina ia mage guna gauna be Lohiabada ena ruma dekenai do umui mailaia. Nani ena natuna be iena sinana ena rata lalonai do umui nadua lasi.”

ESEKIELA 44:30

“Uma gaudia, idia vara guna gaudia idauidau ibounai bona emui harihari gaudia idauidau ibounai, be hahelagaia taudia do idia abia, edia. Bona umui ese beredi umui gabua neganai ibounai, umui ese emui beredi ginigunana danu be hahelagaia taudia dekenai do umui henia. Unai bamona umui karaia neganai, lau Dirava ese emui ruma ta ta do lau hanamoa.

LEVITIKO 2:12

Lagani ta ta boubouna, emui uma dekenai umui hatubua aniani ena boubou danu, be hatubua muramura bona hani Lohiabada dekenai umui mailaia diba. To unai bamona boubou be boubou patana dekenai umui gabua diba lasi.

LEVITIKO 2:14

“Bema emui uma dekenai umui hatubua uiti, umui utua ginigunana gauna Lohiabada dekenai umui henia gwauraia neganai, uiti edia kwarana anina namona momokani be amu dekenai do umui gabua guna, bona nadi uili dekenai do umui moia, vadaeni ia makohia maragi-maragi.

LEVITIKO 23:17

Famili ta ta ibounai ese beredi rua do umui mailaia, bona lau Lohiabada dekenai do umui henia, emui harihari gauna idauna ta. Beredi ta ta be paraoa kilogaram rua dekena amo idia karaia gaudia. Mai hatubua gauna danu do umui gabua, bona Lohiabada dekenai do umui henia, ia be koni matamata ena boubou gauna.

LEVITIKO 23:20

Hahelagaia tauna ese beredi bona mamoe natuna rua be iena imana dekenai do ia davea, idia be lau Lohiabada dekenai boubou gauna. Idia be lau Lohiabada egu gau helagadia, hahelagaia taudia edia aniani gaudia.

DEUTERONOMI 18:3

“Hahelagaia taudia edia davana, taunimanima edia boubou gaudia dekena amo, be boromakau o mamoe edia pagana, edia aukina, bona edia bogana ibounai.

DEUTERONOMI 18:4

Umui ese emui uiti ena anina ginigunana, emui uaina matamata, emui olive dehoro, bona emui mamoe ena huina matamata be hahelagaia taudia dekenai do umui henia.

DEUTERONOMI 26:2

tano ena anina vara guna, Lohiabada emui Dirava ese umui dekenai ia henia gauna, be bosea dekenai do umui udaia, Lohiabada ese ia abia hidi tomadiho gabu tamona dekenai do umui abia lao.

DEUTERONOMI 32:14

Edia boromakau edia bata, edia mamoe edia rata, bona edia mamoe natudia tau edia digara idia ania, Basana dekenai noho boromakau, bona nani danu. Uiti namo herea umui ania, bona uaina namona umui inua.