NUMERA 17:5 - Buka Helaga (Hiri Motu) 1993

⁵ “Vadaeni lau abia hidi tauna ena itotohi be rigi mai mauri danu do ia tubu hamatamaia. Unai dekena amo Israela taudia edia maumau do lau koua, bona oi dekenai idia maumau taudia edia hereva do lau hadokoa.”

NUMERA 17:5 Iomraidhean Croise

2 SIVARAI 26:16

To ia goada neganai, iena hekokoroku ia vara, bona unai dainai ia dika. Badina be Lohiabada, iena Dirava dekenai ia koikoi, ia be Lohiabada ena Dubu lalonai ia vareai kava, muramura patana ena latanai muramura mai bonana do ia gabua totona.

ESERA 2:62

Unai taudia ese edia sene taudia edia ladadia buka lalonai idia tahua, to idia davaria lasi. Unai dainai Iuda gunalaia taudia ese unai hahelagaia taudia be edia dagi dekena amo idia atodia siri, idia be goeva lasi dainai.

SALAMO 105:26

Lohiabada ese Mose ia siaia, Arona danu, ia abia hidi tauna, be Lohiabada ese ia siaia.

ESODO 16:7

Bona dabai Lohiabada ena hairaina do umui itaia. Badina be umui emui maumau, Lohiabada dekenai umui maumau, herevana ia kamonai vadaeni. To ai be daika, umui maumau ai dekenai?”

ISAIA 11:1

Iese ena bese taudia, be au ena badina, idia utua diho gauna bamona. Inai badina dekena amo, herahera matamata do ia tubu, bona Iese ena ramu dekena amo, Rigi ta do ia tubu, King matamatana ta unai.

ISAIA 13:11

Lohiabada ia gwau, “Tanobada ena dika davana do lau henia, bona kara dika taudia be, edia kara dika davana do lau henia. Hekokoroku taudia ibounai, edia hekokoroku do lau hadokoa, ma dagedage bona bogahisihisi lasi taudia edia dika, ena davana do lau henia momokani.

ISAIA 27:6

Vaira neganai, Israela taudia, Iakobo ena besena, be au hegeregerena ramu do idia abia. Idia be palauapalaua do idia atoa, bona edia herahera matamata do idia tubu hamatamaia, ma idia ese edia huahua dekena amo, tanobada ena kahana ibounai do idia hahonua.

ISAIA 5:24

Unai dainai, lahi ese kurukuru ena momoru bona rei kaukau ia gabua ore hegeregerena, emui ramu be do idia bodaga, bona emui raurau do idia moru. Inai dika be karaharaga umui dekenai do ia vara, badina be umui ese Siahu Ibounai Lohiabada ena taravatu umui negea vadaeni. Umui ese Israela ena Dirava Helagana ena hereva umui kamonai henia lasi.

ESEKIELA 16:41

Oiemu ruma do idia gabudia ore, bona oiemu dika ena davana oi dekenai do idia henia, hahine momo edia vairana dekenai. Oiemu ariara karadia do lau hadokoa, bona oi ura henia taudia dekenai harihari gaudia oi henia kara danu be do lau hadokoa momokani.

ESEKIELA 23:27

Unai dekena amo lau ese oiemu lebulebu bona oiemu ariara karadia, Aigupito dekena amo oi mailaia, be do lau hadokoa. Unai dainai Aigupito taudia be do oi ura henia dikadika lou lasi, bona idia do oi laloa lou lasi.”

HOSEA 14:5

Lau ese Israela do lau hanamoa, medu ese tano kaukau ia hanamoa hegeregerena. Israela taudia be do idia tubu daekau, herahera namona ese ia tubu daekau hegeregerena. Dohore edia goada be mai edia badina, Lebanona ena sida audia, be mai edia ramu goadadia hegeregerena.

NUMERA 1:51

Palai Dubu be gabu ta dekenai do umui abia lao neganai, Levi taudia ese do idia atoa diho, bona gabu matamata dekenai umui ginidae neganai, Levi taudia ese do idia haginia lou. Bema idau iduhu tauna be Palai Dubu kahirakahira ia raka mai neganai, do umui alaia mase.

NUMERA 11:1

Israela taudia be idia hekwarahi dainai, Lohiabada dekenai idia maumau. Lohiabada be ia kamonai, vadaeni ia badu, bona lahi be idia edia latanai ia siaia diho. Unai lahi ese kamepa ena kahana ia gabua noho.

NUMERA 16:11

“Bema umui ese Arona dekenai umui maumau neganai, unai anina korikori be umui ese Lohiabada dekenai umui heai henia noho!”

NUMERA 16:5

Vadaeni ia ese Kora bona iena orea taudia ia hamaoroa, ia gwau, “Kerukeru dabai Lohiabada ese do ia hedinaraia, daika be iena tau, daika be helaga, bona daika be ia ese ia abia hidi vadaeni, ia dekenai do ia raka kahirakahira lao, iena boubou patana dekenai.

NUMERA 17:10

Vadaeni Lohiabada ese Mose ma ia oda henia, ia gwau, “Arona ena itotohi do oi atoa lou, Taravatu Maua ena vairanai do ia noho. Inai itotohi be Israela ena maumau taudia dekenai sisiba henia gauna do ia lao. Do idia diba, bema edia maumau idia hadokoa lasi neganai, do idia mase ore.”

NUMERA 17:6

Unai dainai Mose ese Israela taudia unai bamona ia hamaorodia. Vadaeni edia iduhu gunalaia taudia ese itotohi idia henia, iduhu ta, itotohi ta, iduhu ta, itotohi ta, unai bamona idia henia, itotohi ibounai be 12. Arona ena itotohi danu be edia itotohi danu idia atoa hebou.

NUMERA 17:8

Kerukeru dina, Mose be Lohiabada ena Palai Dubu ia raka vareai neganai, ia itaia, Arona ena itotohi, Levi iduhu ena itotohi, be ia tubu hamatamaia vadaeni, bona ia huahua vadaeni, alamona huahua, mage gaudia idia noho!

1 KORINTO 10:10

Bona Dirava dekenai do ita maumau lasi, idia haida idia karaia bamona. Vadaeni Alaia Aneruna ese idia ia alaia mase.

IOSUA 4:7

Unai neganai idia do umui hadibaia, umui gwau, ‘Ioridane Sinavai ena ranu be Lohiabada ena Taravatu Maua ena vairana dekenai ia siri. Taravatu Maua idia huaia hanaia neganai, ranu be kahana ta ia siri momokani. Inai nadi be Israela taudia edia laloatao toana, idia itadia neganai, iniseni idia vara gaudia do idia laloa lou.’ ”