NUMERA 16:3 - Buka Helaga (Hiri Motu) 1993

³ Idia be Mose bona Arona edia vairanai idia haboua, bona idia dekenai idia heai henia, idia gwau, “Umui ruaosi ese mai hekokoroku danu ai umui gunalaia noho! Ai Israela taudia ibounai be Lohiabada ena bese, bona Lohiabada be aiemai huanai ia noho! Badina dahaka umui ruaosi ese mai siahu bada danu Lohiabada ena orea taudia umui biagua noho?”

NUMERA 16:3 Iomraidhean Croise

ESERA 9:2

Iuda taudia ese idau bese hahine idia adavaia noho, bona unai dainai Dirava ena bese helagana be inai tano taudia danu idia mikisi hebou. Bona inai kara dika idia karaia guna taudia be lohia taudia bona taunimanima gunalaia taudia.”

SALAMO 106:16

Idia edia kamepa dekenai idia ese Mose bona Arona, Lohiabada ena helaga taudia idia mama henia.

SALAMO 68:17

Lohiabada be Sinai Ororo dekena amo, iena helaga gabuna dekenai ia mai, mai ena kariota goadadia momo herea danu.

ESODO 19:6

Lauegu helaga taudia do lau halaoa umui, bese helagana do umui lao. Lau sibona dekenai do umui helaga.’ Inai bamona do oi hamaoroa Israela taudia dekenai.”

NUMERA 14:14

Bema ai oi hadikaia neganai, Aigupito taudia ese Kanana taudia do idia hamaorolaia. Kanana taudia be idia kamonai vadaeni oi Lohiabada ese, be ai dekenai oi noho. Bona idia diba vadaeni, ori be aiemai ataiai neganai, oi sibona oiemu toana oi hedinaraia momokani. Bona idia diba oi be aiemai vairana dekenai oi lao noho, dina dekenai oi be ori lalonai, bona hanuaboi dekenai oi be lahi dekenai.

NUMERA 16:11

“Bema umui ese Arona dekenai umui maumau neganai, unai anina korikori be umui ese Lohiabada dekenai umui heai henia noho!”

NUMERA 16:41

Kerukeru dina, Israela taudia ibounai ese Mose bona Arona idia maumau henia, idia gwau, “Umui ese Lohiabada ena bese taudia umui alaia mase vadaeni.”

NUMERA 16:7

Lahi huaia auri kapusi do umui abia, edia latanai lahi, bona bonana namo muramura do umui udaia, Lohiabada ena vairanai, boubou patana dekenai, do umui atodia. Kerukeru, Lohiabada ese ia abia hidi tauna, iena helaga tauna, be do ia hedinaraia. Umui Levi taudia e, umui be hari umui hekokoroku noho!”

NUMERA 23:21

Dika ta Iakobo dekenai lau itaia lasi. Kerere ta Israela dekenai do lau siaia lasi. Lohiabada, idia edia Dirava, be idia danu ia noho. Ia be idia edia King, bona inai bamona idia gwauraia hedinarai noho.

NUMERA 35:34

“Umui noho tanona do umui hamiroa lasi, badina lau be Lohiabada, bona lau be Israela taudia edia huana dekenai lau noho.”

NUMERA 5:3

Inai miro taudia ibounai, tau bona hahine, be kamepa ena murimurinai do umui atodia, idia ese emui kamepa, lau noho gabuna, do idia hamiroa garina.”

APOSETOLO EDIA KARA 7:39

“To iseda sene taudia idia ura lasi iena hereva idia kamonai, idia negea, bona Aigupito idia ura henia lou.

APOSETOLO EDIA KARA 7:51

“Umui ura dika taudia e, umui emui kudouna bona taiana be Dirava ura henia lasi taudia edia bamona! Umui ese nega ibounai Lauma Helaga umui koua noho! Umui emui tamadia edia kara be umui danu umui karaia noho.