NUMERA 16:22 - Buka Helaga (Hiri Motu) 1993

²² To Mose bona Arona be tano dekenai edia vairana idia atoa diho, idia boiboi, idia gwau, “Dirava e, Dirava e, oi be taunimanima ibounai edia laumadia edia Dirava, tau tamona do ia kara dika neganai, inai hebou taudia ibounai do oi badu henia, a?”

NUMERA 16:22 Iomraidhean Croise

NUMERA 27:16

“Lohiabada e, oi be taunimanima ibounai edia laumadia edia Dirava, mani emu kara tau ta do oi abia hidi, Israela do ia gunalaia.

SEKARAIA 12:1

Inai be Lohiabada ena hereva, Israela totona. Lohiabada ese guba bona tanobada ia karaia, bona taunimanima dekenai mauri ia henia. Lohiabada ia gwau:

IOBU 12:10

Dirava ena imana ese, mauri gaudia ibounai ia hakaua noho. Bona taunimanima ibounai edia mauri, be Dirava ena siahu henunai.

HEBERU 12:9

Bona inai danu, iseda tamana inai tanobada dekenai ese ita idia matakani henia, ani? To ita ese idia ita matauraia, ani? Vadaeni, namona be iseda lauma ena Tamana do ita matauraia, bona mauri do ita davaria.

HADIBAIA TAUNA 12:7

Iseda tauanina be tanobada ena kahu dekenai do idia giroa lou, bona iseda lauma be ita dekenai ia henia Dirava dekenai do idia giroa lou.

ROMA 5:18

Anina be inai: Tau tamona ena kara dika ese taunimanima ibounai ia hadikaia. Unai bamona danu, tau tamona ena kara maoromaoro ese taunimanima ibounai edia kerere davana ia kokia, vadaeni mauri idia abia.

ISAIA 57:16

Badina lau be do lau heai hanaihanai lasi, bona do lau badu hanaihanai lasi. Badina bema unai bamona neganai, taunimanima edia lauma be egu vairana dekenai do idia mase, bona lau ura lasi, inai lau ese lau havaraia taudia do idia mase ore.

2 SAMUELA 24:17

Davida ese unai taunimanima alaia noho aneru ia itaia, bona ia ese Lohiabada ia hereva henia, ia gwau, “Lau sibona ese kara dika lau karaia. Lau sibona be lau kerere. To inai taunimanima be madi dahaka kerere idia karaia? Oi ese lau, bona lauegu bese sibona do oi panisia be namo.”

NUMERA 16:45

“Inai hebou taudia dekena amo do umui raka siri, lau ese idia do lau hadikaia ore.” Vadaeni Mose bona Arona be idia moru diho, tano dekenai edia vairana idia atoa.

NUMERA 14:5

Vadaeni Mose bona Arona ese Israela taudia ibounai edia vairanai idia tui diho, bona edia kwarana idia atoa diho.

GENESE 18:32

Aberahamo ia gwau, “Lohiabada e, mani oi badu lasi, inai nega tamona sibona ma do lau hereva, bema 10 sibona oi davaria, be edena bamona?” Ia gwau, “Bema 10 sibona idia noho do lau hadikaia ore lasi.”

1 KORINTO 13:7

Lalokau be taunimanima durua kara dekenai ia hesiku lasi. Nega ibounai iena abidadama ia goada noho. Nega ibounai Dirava ena nega namona ia naria noho mai moale danu. Bona metau ibounai lalonai ia gini goada noho.

2 SAMUELA 24:1

Lohiabada ena badu ma ia vara lou Israela taudia edia latanai. Vadaeni idia do ia hadikaia totona, Lohiabada ese Davida ia hamaoroa, ia gwau, “Oi lao, Israela taudia bona Iuda taudia do oi duahia.”

NUMERA 16:4

Mose ese unai hereva ia kamonai neganai, ia be tano dekenai ia moru diho, bona ia guriguri.

LEVITIKO 4:3

“Bema Hahelagaia Tauna Badana ese ia kara dika, bona iena dika ese iena orea taudia edia latanai kerere ia atoa neganai, ia ese boromakau natuna tau, bero o toto lasi gauna be Lohiabada dekenai do ia henia. Iena kara dika gwauatao totona boubouna be unai.

LEVITIKO 10:6

Mose ese Arona, mai ena natuna tau Eleasara bona Itamara danu ia hamaoroa, ia gwau, “Emui huina do umui naria, do umui duaria bona kwatua namonamo. Bema inai mase taudia dainai emui lalona idia hisihisi neganai, emui dabua do umui darea lasi. Bema unai bamona umui karaia neganai do umui mase, bona Lohiabada be Israela taudia ibounai dekenai do ia badu. To emui bese, Israela taudia ese inai mase taudia, Lohiabada ena lahi ese ia alaia taudia, totona idia taitai diba.

NUMERA 16:23

Lohiabada ese Mose ma ia hereva henia, ia gwau,

IOSUA 22:18

Edena bamona, hari umui ura lasi Lohiabada ena murinai do umui raka, a? Bema hari dina Lohiabada ena hereva umui negea, kerukeru ia ese Israela besena ibounai do ia badu henia.

IEREMIA 32:27

“Kamonai, lau be Lohiabada, taunimanima ibounai edia Dirava. Kara ta be auka herea, to lau karaia diba lasi, a?

IEREMIA 38:16

Vadaeni king Sedekaia ese lau ia gwauhamata henia, hunia dekenai, ia gwau, “Mauri Dirava, ia ese mauri ita dekenai ia henia, iena ladana dekenai lau gwauhamata, lau ese oi do lau alaia lasi, bona oi idia hamasea gwauraia taudia edia imana dekenai oi do lau atoa lasi.”

ESEKIELA 18:4

Kamonai! Taunimanima ibounai ta ta be lauegu, tamana taudia ibounai edia mauri, natuna ibounai edia mauri danu be lauegu sibona. Unai dainai bema tau ta ia kara dika neganai, unai tau sibona be do ia mase.

SALAMO 99:6

Mose bona Arona ruaosi be iena hahelagaia taudia. Samuela danu be Lohiabada ena ladana ia gwauraia tauna ta. Idia ese Lohiabada dekenai idia boiboi, bona ia ese idia dekenai ia haere.