NUMERA 16:13 - Buka Helaga (Hiri Motu) 1993

¹³ oi ese Aigupito tano, aniani namo herea gabuna dekena amo ai oi hakaua mai, inai tano kaukau dekenai ai do oi alaia mase totona, a? Bona hari oi ura be aiemai lohia, a?

NUMERA 16:13 Iomraidhean Croise

ESODO 1:11

Unai dainai ia ese gaukara biaguna taudia ia atodia, idia ese unai Israela gaukara karaia taudia naria totona, mai dagedage danu. Vadaeni gaukara momo dekena amo hisihisi idia henia Israela taudia dekenai. Vadaeni Israela taudia ese hanua rua idia haginia, Farao ena aniani haboua gabudia, edia ladana be Pitoma bona Ramese.

ESODO 1:22

Vadaeni Farao ese iena orea taudia dekenai ia hereva henia mai goada danu. Ia gwau, “Heberu edia natuna mero matamata ibounai be sinavai dekenai do umui negea. To kekeni be do idia mauri.”

ESODO 16:3

Israela taudia ese idia ruaosi dekenai idia gwau henia, idia gwau, “Aigupito tano dekenai Lohiabada ese ai bema ia alaia mase be namo. Unuseni uro mai vamu danu edia badibadinai ai helai noho, bona paraoa ai ania noho, aiemai ura hegeregerena. To umui ruaosi ese inai taunimanima idia noho lasi gabuna dekenai ai umui hakaua vareai vadaeni, hitolo ese ai ibounai do ia alaia mase totona.”

ESODO 17:3

To taunimanima be idia ranu mase, bona Mose dekenai idia maumau noho. Idia gwau, “Badina dahaka Aigupito dekena amo oi hakaua ai? Aiemai natuna alaia, bona aiemai ubua gaudia alaia totona oi karaia sedira, ranu mase dekena amo.”

ESODO 2:14

Ia ese ia haere, ia gwau, “Daika ese aiemai lohia, bona aiemai kota karaia tauna dekenai ia halaoa oi? Oiemu ura be, oi alaia mase lau, Aigupito tauna oi alaia mase bamona a?” Vadaeni Mose ia gari, ia gwau, “Lau karaia gauna be taunimanima idia diba vadaeni.”

ESODO 2:23

Lagani momo murinai, Aigupito ena king, Farao, ia mase. To Israela taudia idia taitai noho, mai lalohisihisi danu, gaukara metau momokani idia karaia noho dainai. Idia taitai Dirava dekenai.

ESEKIELA 34:18

“Umui haida ese rei namo herea umui ania momo, bona emui bogana idia kunu dainai, umui ania lasi reina umui moia bona hadikaia. Bona ranu goevagoeva umui inua neganai, umui inua lasi gauna umui hamiroa!

NUMERA 11:20

To hua ta ena dina ibounai be vamu do umui ania, ela bona do umui hesiku, do umui negea. Badina be Lohiabada, umui huanai ia noho Diravana, be umui gwau henia vadaeni. Ia dekenai umui maumau vadaeni, umui gwau: ‘Badina dahaka Aigupito ai rakatania?’ ”

NUMERA 11:4

Bona idau taudia, idau bese taudia haida, be Israela taudia danu idia laolao hebou. Inai taudia be vamu idia ura henia dikadika dainai idia maumau. Unai dainai Israela taudia danu idia taitai hamatamaia lou, idia gwau, “Vamu be edeseni do ita abia?

NUMERA 11:5

Aigupito ita noho neganai, gwarume ita ania be davana lasi, ani? Bona kiukamba, bona meloni bona liki bona oniani bona galiki be momo herea, ani?

NUMERA 13:27

Mose dekenai idia hereva, idia gwau, “Oi ese ai oi siaia tanona ai itaia vadaeni, bona momokani ia be rata bona hani dekenai ia honu tanona. Tano ena au huahua haida be inai.

NUMERA 14:2

Israela taudia ibounai ese Mose bona Arona dekenai idia maumau. Idia gwau, “Aigupito dekenai o inai taunimanima noho lasi tanona dekenai ai mase be namo.

NUMERA 14:3

Badina dahaka Lohiabada ese unai tano dekenai ai ia hakaua noho gwauraia? Unuseni tuari dekenai do ai mase, bona aiemai adavana bona natuna do idia abia mauri. Aigupito dekenai do ai giroa lou be namo, ani?”

NUMERA 16:12

Vadaeni Mose ese Datana Eliaba bona Abirama Eliaba ia boiria mai. To idia gwau, “Do ai mai lasi,

LUKA 19:14

“To inai lohia ena hanua taudia ese idia badu dikadika henia, vadaeni hesiai taudia haida iena murina dekenai idia siaia, do idia gwau, ‘Ai be ai ura lasi unai tau be aiemai basileia ena king dagina do ia abia.’

APOSETOLO EDIA KARA 7:35

“Inai Mose, guna idia negea, idia gwau, ‘Daika ese lohia bona kota biaguna tauna oi ia gwauraia?’ To inai tau Mose be Dirava ese ia siaia, lohia bona hamauria tauna ia halaoa vadaeni, au ginigini dekenai ia hedinarai aneru ena durua dainai.