NUMERA 15:8 - Buka Helaga (Hiri Motu) 1993

⁸ “ ‘Bema boromakau tau be gabua ore boubouna, o gwauhamata boubouna, o maino karaia boubouna totona Lohiabada dekenai umui henia neganai,

NUMERA 15:8 Iomraidhean Croise

LEVITIKO 1:3

Ma Mose ese Dirava ena hereva taunimanima ia hamaoroa, ia gwau, “Bema tau ta ena boubou, gabua ore gauna, be iena boromakau orea dekena amo do ia abia neganai, ia ese boromakau tau namona momokani, toto o bero lasi gauna do ia abia. Inai boromakau be Palai Dubu ena iduara dekenai do ia atoa, Lohiabada ese ia do ia abia dae totona.

LEVITIKO 1:9

Unai tau ese boromakau ena bogarau kahadia, bona boubou ena aena be ranu dekenai do ia huria, bona hahelagaia tauna ese inai boubou vamu ena kahana ibounai boubou patana dekenai do ia gabua ore. Inai vamu boubouna be mai ena bonana namona Lohiabada dekenai.

LEVITIKO 22:21

“Bona bema tau ta ese Lohiabada dekenai maino karaia boubouna ia henia, gwauhamata dainai o laloa namo dainai, unai boubou gauna be bero ta lasi bona toto ta lasi. Bema lasi neganai, Lohiabada ese do ia abia dae lasi.

LEVITIKO 3:1

Ma Dirava ese Mose ia oda henia, Israela taudia dekenai do ia gwau: “Bema tau ta ia ura iena boromakau ta do ia henia, Lohiabada danu maino do ia karaia totona, ia ese boromakau tau o boromakau hahine, bero o toto lasi gauna sibona do ia henia.

LEVITIKO 3:5

Inai vamu ibounai be hahelagaia taudia ese boubou patana ena lahi dekenai do idia gabua, idia gabua ore boubouna edia latanai. Inai vamu idia gabua neganai, ena bonana be namo herea Lohiabada dekenai.

NUMERA 15:24

bona bema unai kerere idia karaia, badina be taravatu idia diba lasi dainai, idia ese boromakau tau do idia henia, gabua ore boubouna totona, mai bonana namona Lohiabada dekenai gauna. Paraoa bona uaina bouboudia danu nega tamona do idia henia, bona nanigosi tau, kara dika totona boubouna danu do idia henia unai neganai.

NUMERA 15:7

ma uaina ena bada 1 lita 500 garam danu do idia henia. Inai bouboudia be Lohiabada dekenai edia bonana be namo herea.

NUMERA 15:9

paraoa boubouna, paraoa ena metau kilogaram toi, olive dehoro ena bada lita rua dekenai idia mikisi gauna danu do umui henia,

NUMERA 8:8

Unai neganai idia ese boromakau natuna tau ta do idia abia, mai ena paraoa boubouna, paraoa namo herea, olive dehoro dekenai mikisi gauna. Boromakau natuna tau ma ta danu do oi abia, kara dika boubouna totona.