NUMERA 15:5 - Buka Helaga (Hiri Motu) 1993

⁵ Gabua ore boubouna, o boubou ta totona, mamoe natuna ta ta danu be uaina lita ta, ma do ia henia.

NUMERA 15:5 Iomraidhean Croise

2 SIVARAI 29:35

Hahelagaia taudia ese gabua ore bouboudia idia karaia sibona lasi, to maino karaia boubou gaudia, taunimanima idia ania gaudia edia digara danu idia gabua ore. Bona gabua ore bouboudia edia atoa kau uaina bouboudia danu idia bubua ore lao, boubou patana dekenai. Lohiabada ena Dubu Helaga ena tomadiho gaukara be unai bamona idia hamatamaia lou.

ESERA 7:17

“Inai moni do umui gaukaralaia namonamo. Ia dekena amo boromakau tau, bona mamoe tau, bona mamoe natuna, bona paraoa boubouna, bona uaina boubouna, do umui hoia. Bona Ierusalema dekenai Dubu Helaga ena boubou patana dekenai, Dirava dekenai inai gaudia ibounai do umui henia.

SALAMO 116:13

Lau ese uaina ena kapusi ta, Lohiabada dekenai do lau henia, Ia ese lau ia hamauria dainai, lau ese Lohiabada do lau hanamoa.

ESODO 29:40

Mamoe ginigunana danu be uiti ena paraoa namona, ena metau kilogaram ta, olive dehoro lita ta danu ia mikisi gauna do umui gabua, boubou totona. Uaina lita ta danu do umui bubua, boubou totona.

SOLOMONA ENA ANE 1:4

Mani lau be oi danu ita lao, karaharaga do ita lao! Oi be egu king, bona emu ruma lalonai lau do oi hakaua vareai. Ita be do ita moale hebou, oiemu lalokau ena namo ese, uaina ena namo ia hereaia momokani. Hahine ibounai ese oi idia ura henia noho, be mai badina.

LEVITIKO 1:10

“Bema tau ta ese iena mamoe ta o nanigosi ta boubou totona ia ura ia henia neganai, inai mamoe o nanigosi be do ia namo herea, toto o bero gauna lasi.

LEVITIKO 23:13

Paraoa boubouna danu unai mamoe danu do umui henia, paraoa namo herea ena metau kilogaram rua be olive dehoro danu do umui mikisi. Inai boubou be lahi dekenai do umui gabua, bona ena bonana be do ia namo herea Lohiabada ena vairanai. Bona inai boubou danu be inuinu boubouna do umui henia, uaina, ena bada be lita ta.

LEVITIKO 3:6

“Bema tau ta ia ura iena mamoe o nanigosi do ia henia, Lohiabada danu maino do ia karaia totona, ia ese mamoe o nanigosi tau o hahine, bero o toto lasi gauna sibona do ia henia.

LEVITIKO 3:7

Bema tau ta ese mamoe ia henia gwauraia, inai boubou be Lohiabada ena vairanai do ia atoa.

SEKARAIA 9:17

Inai tano be do ia namo momokani, bona mai ena toana namona! Uiti namona be uhau taudia ese do idia ania, bona goada do idia davaria. Ma uaina matamata ese kekeni taudia do ia hagoadaia.

NUMERA 15:11

“ ‘Boromakau tau ta ta danu, mamoe tau ta ta danu, mamoe natuna ta ta danu, bona nanigosi natuna ta ta danu henia gaudia Lohiabada dekenai be unai bamona.

NUMERA 15:6

“ ‘Bema mamoe tau idia henia neganai, paraoa ena metau kilogaram rua, olive dehoro, 1 lita 500 garam danu mikisi gauna, be paraoa boubouna totona do idia henia,

NUMERA 28:14

“Uaina bouboudia be inai: Boromakau ta ta danu uaina lita rua, mamoe tau danu, uaina lita ta, 500 garam, bona mamoe natuna ta ta danu uaina lita ta. Inai be hua ta ta edia dina ginigunana edia gabua ore bouboudia, lagani ena hua ta ta ibounai lalonai.

NUMERA 28:7

“Uaina bouboudia be, mamoe ginigunana, dabai gauna umui gabua neganai, do umui henia. Unai uaina ena bada lita ta, be boubou patana ena latanai do umui bubua.

FILIPI 2:17

Emui abidadama be boubou gauna hegeregerena, umui ese Dirava dekenai umui henia. Bona bema egu mauri rarana be do idia habubua, unai emui boubou gauna do lau hahelagaia totona, lau be do lau moale, bona lauegu moale dainai, umui ibounai danu do umui moale.

2 TIMOTEO 4:6

To lauegu nega be kahirakahira ia ore. Taunimanima ese uaina idia bubua, Dirava ena boubou gauna totona. Inai bamona danu, lauegu rarana be kahirakahira do ia bubua, Dirava ena boubou gauna totona. Lauegu mauri dokona be ia kahirakahira momokani.

GUNALAIA TAUDIA 9:13

To vain be ia haere, ia gwau, ‘Bema lau king neganai, lauegu uaina, Dirava bona taunimanima ia hamoalea gauna do lau hadokoa, do ia vara lasi. Inai be ia namo, a?’