NUMERA 15:4 - Buka Helaga (Hiri Motu) 1993

⁴ “ ‘Unai neganai danu boubou do ia henia tauna ese paraoa namo herea ena metau kilogaram ta, olive dehoro, ena bada lita ta dekenai ia mikisi gauna ma do ia henia.

NUMERA 15:4 Iomraidhean Croise

ESERA 7:17

“Inai moni do umui gaukaralaia namonamo. Ia dekena amo boromakau tau, bona mamoe tau, bona mamoe natuna, bona paraoa boubouna, bona uaina boubouna, do umui hoia. Bona Ierusalema dekenai Dubu Helaga ena boubou patana dekenai, Dirava dekenai inai gaudia ibounai do umui henia.

ESODO 29:40

Mamoe ginigunana danu be uiti ena paraoa namona, ena metau kilogaram ta, olive dehoro lita ta danu ia mikisi gauna do umui gabua, boubou totona. Uaina lita ta danu do umui bubua, boubou totona.

ISAIA 66:20

“Inai bese idauidau taudia ese emui varavara taudia be tano ibounai dekena amo do idia mailaia. Ierusalema, egu ororo helagana dekenai do idia mailaia, boubou gaudia, Lohiabada dekenai idia henia gaudia bamona. Hosi dekenai, kariota dekenai, bona treila dekenai, kamelo bona doniki dekenai danu. Do idia mailaidia namonamo, Israela taudia ese paraoa boubouna, mereki goeva momokani edia lalonai Lohiabada ena Dubu Helaga dekenai idia mailaia bamona. Lau Lohiabada lau hereva inai.

ESEKIELA 46:14

Daba ta ta ibounai danu, unai mamoe danu paraoa boubouna do umui henia, ena metau 2 kilogaram, bona olive dehoro ena metau lita ta, paraoa danu do idia mikisi totona. Inai paraoa boubouna, Lohiabada ena, daba ibounai gauna, be noho hanaihanai taravatuna.

LEVITIKO 1:13

Tau ese boubou ena bogarau kahadia, bona boubou ena aena be ranu dekenai do ia huria. Vadaeni hahelagaia tauna ese boubou Lohiabada dekenai do ia henia, bona boubou ena kahana ibounai boubou patana dekenai do ia gabua ore. Inai vamu boubouna be mai ena bonana namona Lohiabada dekenai.

LEVITIKO 14:10

“Dina namba 8 dekenai, mamoe natuna tau rua, toto lasi bona bero lasi gaudia, bona mamoe natuna hahine ta, lagani tamona gauna, toto lasi bona bero lasi gauna do ia mailaia. Bona paraoa namo herea, ena metau kilogaram toi, olive dehoro danu mikisi gauna, bona olive dehoro, ena bada kapusi tamona danu do ia mailaia.

LEVITIKO 2:1

Ma Dirava ese Mose ia oda henia, Israela taudia dekenai do ia gwau: “Bema tau ta ese paraoa boubouna Lohiabada dekenai ia henia gwauraia neganai, ia be paraoa namo herea momokani do ia mailaia. Ia ese paraoa ena latanai olive dehoro do ia bubua, bonana namona muramura ena pauda danu paraoa dekenai do ia atoa.

LEVITIKO 2:15

Inai paraoa ena latanai olive dehoro bona bonana namona muramura ena pauda do umui atoa. Inai be paraoa ena boubou.

LEVITIKO 23:13

Paraoa boubouna danu unai mamoe danu do umui henia, paraoa namo herea ena metau kilogaram rua be olive dehoro danu do umui mikisi. Inai boubou be lahi dekenai do umui gabua, bona ena bonana be do ia namo herea Lohiabada ena vairanai. Bona inai boubou danu be inuinu boubouna do umui henia, uaina, ena bada be lita ta.

LEVITIKO 3:7

Bema tau ta ese mamoe ia henia gwauraia, inai boubou be Lohiabada ena vairanai do ia atoa.

LEVITIKO 6:14

Paraoa boubouna ena taravatu be inai: Arona ena natuna tau ta ese Lohiabada ena vairanai do ia mailaia, boubou patana ena vairana dekenai.

MALAKI 1:11

“Tanobada ena kahana ibounai dekena amo taunimanima ese lauegu ladana idia hanamoa noho. Gabu ibounai dekenai bonana namo muramura idia gabua, bona lau dekenai boubou namodia idia henia noho. Inai taunimanima ibounai ese lau idia hanamoa noho momokani!

NUMERA 28:12

Paraoa bouboudia danu do umui henia, inai paraoa be olive dehoro danu do umui mikisi inai bamona: Boromakau ta ta danu be paraoa kilogaram toi, mamoe tau danu be paraoa kilogaram rua,

NUMERA 28:4

Mamoe ena natuna ta be daba dekenai do umui henia, bona mamoe iharuana be adorahi neganai do umui henia.

NUMERA 29:6

“Inai bouboudia be hua ta ta edia dina ginigunana boubou, bona dina ibounai gabua ore boubou danu do umui henia, mai edia paraoa bona uaina bouboudia do umui henia hebou. Inai aniani bouboudia be Lohiabada dekenai mai edia bonana namona.

ROMA 15:16

Lau be Keriso Iesu ena hesiai tauna Iuda lasi taudia totona. Dirava ena Sivarai Namona lau harorolaia, Dirava ena hahelagaia tauna bamona. Inai dekena amo Iuda lasi taudia be Dirava dekenai idia mai, bona boubou gaudia bamona do idia lao. Dirava hamoalea totona, Lauma Helaga ese idia ia hahelagaia vadaeni.

HEBERU 13:16

Kara namodia do umui laloaboio lasi, bona kohu lasi taudia danu, umui emui kohu do umui abia hebou. Inai bamona karadia be boubou gaudia bamona, Dirava ese ia moalelaia gaudia.

GUNALAIA TAUDIA 9:9

“To olive auna be ia haere, ia gwau, ‘Bema lau king neganai lauegu huahua ena digara do ia doko, do lau henia diba lasi. Inai digara be taunimanima bona Dirava hanamoa totona.’